T20 WC Breaking : ઈજાના કારણે T20 વર્લ્ડ કપમાંથી બહાર થયેલ સ્ટાર ભારતીય ખેલાડીથી થઈ સર્જરી, ઓપરેશન અને આગામી મિશન અંગે આપી જાણકારી

ટીમ ઈન્ડિયાના ફાસ્ટ બોલર હર્ષિત રાણાની ઘૂંટણની સર્જરી સફળ રહી. તેણે આ માહિતી પોતાના ઈન્સ્ટાગ્રામ પર શેર કરી. તેણે હોસ્પિટલનો એક ફોટો શેર કર્યો, જેમાં તેણે તેની સ્થિતિનું વર્ણન કર્યું અને તેના બે આગામી મિશનની પણ ચર્ચા કરી. હર્ષિત રાણાના ઘૂંટણની ઈજા દક્ષિણ આફ્રિકા સામે T20 વર્લ્ડ કપ 2026 ની પ્રેક્ટિસ મેચ દરમિયાન સામે આવી હતી, જેના કારણે તેને ટુર્નામેન્ટ ગુમાવવી પડી હતી.

હર્ષિત રાણાનું ઓપરેશન સફળ રહ્યું

હર્ષિત રાણાએ ઇન્સ્ટાગ્રામ પર સર્જરી પછીનો ફોટો શેર કર્યો, જેમાં તેણે પોતાની સર્જરીની જાણકારી આપી હતી. તેણે પોતાના બે મિશન પણ શેર કર્યા. તેણે કહ્યું કે તે હવે બે બાબતો પર ધ્યાન કેન્દ્રિત કરશે: રિકવરી અને ટીમ ઈન્ડિયામાં વાપસી.

View this post on Instagram

A post shared by RANA (@harshit_rana_06)

પ્રેક્ટિસ મેચ દરમિયાન ઘૂંટણમાં ઈજા થઈ હતી

દક્ષિણ આફ્રિકા સામેની T20 વર્લ્ડ કપ 2026 પ્રેક્ટિસ મેચ દરમિયાન હર્ષિત રાણાના ઘૂંટણની સ્થિતિ એટલી ખરાબ થઈ ગઈ કે તેના માટે રન-અપમાં દોડવું પણ મુશ્કેલ થઈ ગયું. તેણે ફક્ત એક જ ઓવર ફેંકી, પરંતુ તે તેના રન-અપ દરમિયાન બે વાર રોકાઈ ગયો અને પીડાથી કણસતો જોવા મળ્યો. હર્ષિતની ગંભીર સ્થિતિ જોઈને ટીમ મેનેજમેન્ટે તેને પ્રેક્ટિસ મેચમાંથી બાકાત રાખવાનો નિર્ણય લીધો. બાદમાં, સમાચાર આવ્યા કે હર્ષિત રાણા T20 વર્લ્ડ કપ 2026માંથી બહાર થઈ ગયો અને તેના સ્થાને મોહમ્મદ સિરાજને ટીમમાં સામેલ કરવામાં આવ્યો.

ઈજાના કારણે T20 વર્લ્ડ કપમાંથી બહાર થયો

T20 વર્લ્ડ કપ 2026માંથી બહાર થવા પહેલા હર્ષિત રાણા સારા ફોર્મમાં હતો. તે બેટ અને બોલ બંનેથી યોગદાન આપી રહ્યો હતો. જોકે, ટુર્નામેન્ટ પહેલા તેની ઈજાએ ભારતીય ટીમને મોટો ફટકો આપ્યો હતો. હર્ષિતની જેમ, ટીમ ઈન્ડિયાનો વોશિંગ્ટન સુંદર પણ ઘાયલ છે, જેના વિશે કેપ્ટન સૂર્યકુમાર યાદવે મુંબઈમાં યુએસએ સામેની જીત બાદ અપડેટ આપ્યું હતું કે તે દિલ્હીમાં ટીમ સાથે જોડાશે.

T20 WC Breaking : યુવરાજની ફાસ્ટેસ્ટ ફિફ્ટીનો રેકોર્ડ તોડનારે ઈંગ્લેન્ડના બોલરોની લીધી ક્લાસ, જાણો કોણ છે નેપાળનો આ સુપરસ્ટાર