પ્રધાનમંત્રી નરેન્દ્ર મોદીએ શુક્રવારે દિલ્હીમાં ભારતીય ક્રિકેટ ટીમના ભૂતપૂર્વ T20I કેપ્ટન સૂર્યકુમાર યાદવ અને તેના પરિવાર સાથે મુલાકાત કરી હતી. આ મુલાકાત દરમિયાન પીએમ મોદી નાના બાળકો સાથે વાતચીત કરતા અને સમય વિતાવતા જોવા મળ્યા હતા. આ દરમિયાન એક બાળકીએ પ્રધાનમંત્રી માટે એક કવિતા પણ વાંચી હતી.

પીએમ મોદીએ વીડિયો પોસ્ટ કર્યો

પીએમ મોદીએ ‘X’ પર વિસ્ફોટક બેટ્સમેનના પરિવાર સાથેની મુલાકાત અંગે એક વીડિયો પોસ્ટ કર્યો હતો. તેમણે કેપ્શનમાં લખ્યું, “રામ અને સરયુ નદીના આગમનથી દિવાળીના વાતાવરણમાં રોમાંચ વધી ગયો છે. આનાથી દિવાળીનું વાતાવરણ વધુ પવિત્ર અને દિવ્ય બન્યું છે.”

दीपावली के माहौल में राम और सरयू का आगमन हुआ है। इससे दीपावली का वातावरण और भी पावन एवं दिव्य हो गया है।

@surya_14kumar https://t.co/B6vwr35Iwm

— Narendra Modi (@narendramodi) November 6, 2026

પીએમ મોદીએ SKYનો ગોલ્ડ મેડલ જોયો

આ ખાસ મુલાકાત દરમિયાન સૂર્યકુમાર 2026ના ICC મેન્સ T20 વર્લ્ડ કપમાં ટીમ ઈન્ડિયાની જીતનો ગોલ્ડ મેડલ પહેરેલો જોવા મળ્યો હતો. પીએમ મોદીએ આ ગોલ્ડ મેડલમાં લીધો હતો અને આ સૂર્યકુમાર યાદવ સાથે વર્લ્ડ કપની આ ઐતિહાસિક ક્ષણ વિશે વાતચીત કરી હતી. ટીમ ઈન્ડિયાએ સૂર્યાની કપ્તાનીમાં સતત બીજીવાર ICC મેન્સ T20 વર્લ્ડ કપ જીત્યો હતો.

સૂર્યકુમાર યાદવની શાનદાર T20I કારકિર્દી

વિશ્વભરમાં પોતાની વિસ્ફોટક બેટિંગ માટે ફેમસ સૂર્યકુમાર યાદવની T20I કારકિર્દી શાનદાર રહી છે. તેણે 2022 અને 2023માં ICC મેન્સ T20I ક્રિકેટર ઓફ ધ યરનો એવોર્ડ જીત્યો હતો. સૂર્યા ચાર વર્ષ પહેલા ઓક્ટોબર 2022માં ICC મેન્સ T20I બેટિંગ રેન્કિંગમાં નંબર વન સ્થાન પર પહોંચ્યો હતો.

સૂર્યાની કપ્તાનીમાં ભારતે T20 વર્લ્ડ કપ જીત્યો

સૂર્યાએ જાન્યુઆરી 2023માં કારકિર્દીનું શ્રેષ્ઠ 910 પોઈન્ટ રેટિંગ પણ હાંસલ કર્યું, જે આ ફોર્મેટમાં અત્યાર સુધીના સૌથી વધુ રેટિંગમાંનું એક છે. તેણે T20 ફોર્મેટમાં ઘણી શાનદાર ઇનિંગ્સ રમી છે. સૂર્યાએ 2024ના ICC મેન્સ T20 વર્લ્ડ કપમાં ભારતની જીતમાં મુખ્ય ભૂમિકા ભજવી હતી અને બાદમાં તેની કપ્તાનીમાં 2026ના T20 વર્લ્ડ કપમાં ટીમને ચેમ્પિયન બનાવી હતી, જેના કારણે ભારત T20 વર્લ્ડ કપ ટાઇટલનો સફળતાપૂર્વક બચાવ કરનારી વિશ્વની પ્રથમ ટીમ બની હતી. તેની કેપ્ટનશીપ હેઠળ ભારતે ગયા વર્ષે UAEમાં T20 એશિયા કપ પણ જીત્યો હતો.

ખરાબ ફોર્મને કારણે ટીમ ઈન્ડિયાની બહાર

જોકે, આ વર્ષે T20 વર્લ્ડ કપમાં ભારતની જીત બાદ સૂર્યકુમારને આગામી ઇંગ્લેન્ડ અને આયર્લેન્ડ પ્રવાસ માટે T20I ટીમમાં સામેલ કરવામાં આવ્યો ન હતો. IPLમાં પંજાબ કિંગ્સ (PBKS) સાથેના તેના કાર્યકાળ દરમિયાન તેની કેપ્ટનશીપથી પ્રભાવિત કર્યા પછી, શ્રેયસ અય્યરને ત્યારબાદ ભારતનો T20I કેપ્ટન તરીકે નિયુક્ત કરવામાં આવ્યો હતો. કેપ્ટન તરીકે સફળતા છતાં સૂર્યકુમાર યાદવ છેલ્લા કેટલાક સમયથી ફોર્મમાં નથી. જેના કારણે તે ટીમ ઈન્ડિયામાંથી બહાર છે.

IND vs BAN: જાન્યુઆરીમાં બાંગ્લાદેશ જશે ટીમ ઈન્ડિયા? 3 વનડે અને 3 T20ની શ્રેણી અંગે મોટું અપડેટ