Pakistan : ભારતીય સેનાના હવાઈ હુમલા બાદ પાકિસ્તાન સુપર લીગ ખતરામાં ? PCB એ PSL અંગે આપ્યું મોટું નિવેદન
પાકિસ્તાનમાં ભારતીય સેનાના હવાઈ હુમલા બાદ પાકિસ્તાન ક્રિકેટ બોર્ડે પાકિસ્તાન સુપર લીગ (PSL) અંગે પોતાનું વલણ સ્પષ્ટ કર્યું છે. ભારતીય સેનાની એરસ્ટ્રાઈક પછી પાકિસ્તાનમાં હાલત વધુ ખરાબ છે, એવામાં તેમની ક્રિકેટ લીગ PSLની મેચો અંગે PCBએ મોટું અપડેટ આપ્યું છે.
ભારતીય વાયુસેનાએ બદલાની કાર્યવાહી તરીકે પાકિસ્તાનમાં આતંકવાદી ઠેકાણાઓને નિશાન બનાવ્યા છે. આ કાર્યવાહી 22 એપ્રિલે ભારતના પહેલગામમાં થયેલા હુમલાના બદલામાં કરવામાં આવી હતી, જેમાં કુલ 9 સ્થળોને નિશાન બનાવવામાં આવ્યા હતા, જેમાં 90 આતંકવાદીઓ માર્યા ગયા હોવાના અહેવાલ છે. ભારતના આ પગલા બાદ પાકિસ્તાનમાં ચાલી રહેલી T20 લીગ PSL પણ ખતરામાં છે. પ્રશ્ન એ ઉભો થયો છે કે શું આ લીગ અધવચ્ચે જ બંધ થઈ જશે. ભારતના હવાઈ હુમલા બાદ હવે પાકિસ્તાન ક્રિકેટ બોર્ડે PSL અંગે મહત્વપૂર્ણ માહિતી આપી છે.
PSL પર પાકિસ્તાન ક્રિકેટ બોર્ડનું વલણ
પાકિસ્તાન ક્રિકેટ બોર્ડ (PCB) એ સ્પષ્ટ કર્યું છે કે આ હુમલાની PSL પર કોઈ અસર થશે નહીં. આ T20 લીગ તેના સમયપત્રક મુજબ ચાલુ રહેશે. PCBએ જણાવ્યું હતું કે 7 મેના રોજ રાવલપિંડી ક્રિકેટ સ્ટેડિયમ ખાતે ઈસ્લામાબાદ યુનાઈટેડ અને ક્વેટા ગ્લેડીયેટર્સ વચ્ચેની મેચ પણ તેના નિર્ધારિત સમયપત્રક મુજબ જ રમાશે. તેમાં કોઈ ફેરફાર કે રદ્દ થશે નહીં.
Praying India and Pakistan situation deescalates asap
— Sam Billings (@sambillings) May 6, 2025
હવાઈ હુમલા બાદ વિદેશી ખેલાડીઓ ડરી ગયા
7 મેના રોજ ભારતે પાકિસ્તાનમાં આતંકવાદી ઠેકાણાઓ પર હવાઈ હુમલા કર્યા હતા, ત્યારબાદ બંને દેશો વચ્ચે તણાવ વધી ગયો છે. આ તણાવ વચ્ચે, પાકિસ્તાનમાં PSL રમી રહેલા વિદેશી ખેલાડીઓ પણ ડરી ગયા છે. સેમ બિલિંગ્સે બંને દેશો વચ્ચેનો તણાવ જલ્દી સમાપ્ત થાય તેવી પ્રાર્થના કરી છે.
NZ Cricket “we are aware of the relevant reports. We continue to assess the security environment for our players and coaching staff in all overseas environments to ensure they’re in receipt of the most updated advice. This includes our national men’s A team in Bangladesh, and New…
— Saj Sadiq (@SajSadiqCricket) May 7, 2025
ન્યુઝીલેન્ડ ક્રિકેટ બોર્ડે નિવેદન જાહેર કર્યું
બીજી તરફ, ન્યુઝીલેન્ડ ક્રિકેટ બોર્ડે તેના ખેલાડીઓ માટે ચિંતા વ્યક્ત કરી છે. ન્યુઝીલેન્ડ બોર્ડે કહ્યું છે કે તે આ ઘટના પર નજર રાખી રહ્યું છે. અમે પરિસ્થિતિનું મૂલ્યાંકન પણ કરી રહ્યા છીએ અને તે મુજબ નિર્ણય લઈશું.
આ પણ વાંચો: Breaking News : Operation Sindoor બાદ ધર્મશાલામાં નહીં યોજાય આ IPL મેચ, BCCIએ બદલ્યું સ્થળ !
