SL vs PAK: ટેસ્ટમાં વાપસી બાદ છવાઇ ગયો પાક. બોલર, અબ્દુલ કાદિરનો રેકોર્ડ તોડ્યો
Cricket : યાસિર હવે અનુભવી સ્પિનર અબ્દુલ કાદિરને પછાડીને ટેસ્ટ મેચમાં સૌથી વધુ વિકેટ લેનારા પાકિસ્તાની ખેલાડીઓની યાદીમાં પાંચમા નંબરે આવી ગયો છે.
પાકિસ્તા ક્રિકેટ ટીમ (Pakistan Cricket Team) ના લેગ સ્પિનર યાસિર શાહ (Yasir Shah) એ ટેસ્ટ ક્રિકેટ (Test Cricket) માં પુનરાગમનની ઉજવણી શાનદાર રીતે કરી છે. યાસિર શાહ હવે અનુભવી સ્પિનર અબ્દુલ કાદિર (Abdul Qadir) ને પછાડીને ટેસ્ટ મેચમાં સૌથી વધુ વિકેટ લેનારા પાકિસ્તાની ખેલાડીઓની યાદીમાં પાંચમા નંબરે આવી ગયો છે. યાસિર શાહે શનિવારે ગાલેમાં શ્રીલંકા (SL vs PAK) સામેની પ્રથમ ટેસ્ટના પહેલા દિવસે એન્જેલો મેથ્યુઝને આઉટ કરીને આ માઈલસ્ટોન હાંસલ કર્યો હતો.
યાસિર શાહના નામે હવે 237 ટેસ્ટ વિકેટ છે
પાકિસ્તાન ક્રિકેટ ટીમના સ્ટાર બોલર યાસિર શાહ (Yasir Shah) ના નામે હવે 46 ટેસ્ટ મેચોમાં 237 વિકેટ છે. જેમાં 16 પાંચ વિકેટ ઝડપી છે. બીજી તરફ અબ્દુલ કાદિરે 67 મેચમાં 15 વાર પાંચ વિકેટ ઝડપીને કુલ 236 વિકેટ ઝડપી હતી. યાસિર શાહ હવે ટેસ્ટ ક્રિકેટમાં દાનિશ કનેરિયા પછી પાકિસ્તાનનો બીજો સૌથી સફળ સ્પિનર બની ગયો છે.
શ્રીલંકાની પહેલી ઇનિંગ 222 રન પર ઓલ આઉટ થઇ ગઇ
પાકિસ્તાન ક્રિકેટ ટીમ (Pakistan Cricket) સામે પ્રથમ બેટિંગ કરતા શ્રીલંકાની ક્રિકેટ ટીમ (Sri Lanak Cricket) પ્રથમ ઈનિંગ માત્ર 222 રનમાં સમેટાઈ ગઈ હતી. દિનેશ ચાંદીમલે સૌથી વધુ 76 અને મહિષ તિક્ષાના 38 રન બનાવ્યા હતા. પાકિસ્તાન તરફથી શાહીન શાહ આફ્રિદીએ સૌથી વધુ ચાર ખેલાડીઓને આઉટ કર્યા હતા. આ સાથે જ યાસિર શાહ અને હસન અલીને બે-બે સફળતા મળી.
Sri Lanka are 166-8 at the tea break ☕
Another solid display by the bowlers in the afternoon session 🙌
📸: @OfficialSLC #SLvPAK | #BackTheBoysInGreen https://t.co/TAmBCGrCpI pic.twitter.com/ufimcahdpa
— Pakistan Cricket (@TheRealPCB) July 16, 2022
જવાબમાં મેદાન પર ઉતરેલી પાકિસ્તાન ક્રિકેટ ટીમે પહેલા દિવસની રમતના અંત સુધીમાં બે વિકેટના ભોગે 24 રન બનાવી લીધા હતા. બાબર આઝમ એક અને અઝહર અલી ત્રણ રને અણનમ રહ્યા હતા.
વસીમ અકરમના નામે સૌથી વધુ વિકેટ
પાકિસ્તાન ક્રિકેટ ટીમ (Pakistan Cricket Team) તરફથી સૌથી વધુ ટેસ્ટ વિકેટ લેવાનો રેકોર્ડ વસીમ અકરમ (Wasim Akram) ના નામે છે. વસીમ અકરમે તેની ટેસ્ટ ક્રિકેટ (Test Cricket) ની કારકિર્દીમાં 414 વિકેટ લીધી હતી. આ પછી વકાર યુનિસનો નંબર આવે છે. તેના નામે 373 વિકેટ છે. પૂર્વ સુકાની ઈમરાન ખાન (Imran Khan) 362 વિકેટ સાથે ત્રીજા નંબર પર અને દાનિશ કનેરિયા 261 વિકેટ સાથે ચોથા નંબર પર છે.