બાઇક બાદ હવે એમએસ ધોની રાંચીમાં કાર ચલાવતો જોવા મળ્યો, વીડિયો વાયરલ થયો

ભારતીય ક્રિકેટ ટીમના પૂર્વ કેપ્ટન અને દિગ્ગજ વિકેટ કીપર બેટ્સમેન એમએસ ધોની આઈપીએ લ 2025 બાદ પોતાના ઘર રાંચી ગયો હતો. રાંચીમાં અનેક વખત ધોની સ્પૉટ થતો જોવા મળે છે. એક વીડિયો સામે આવ્યો છે. જેમાં ધોની પોતાની બ્લેક રંગની કાર ખુદ ડ્રાઈવ કરતો જોવા મળી રહ્યો છે. તેનો આ વીડિયો સોશિયલ મીડિયા પર ખુબ વાયરલ થઈ રહ્યો છે. ધોની આ પહેલા રાંચીમાં બાઈક ચલાવતો પણ જોવા મળ્યો હતો. છેલ્લા કેટલાક સમયથી ધોની રાંચીમાં જ રહે છે.

શું આઈપીએલ 2026 રમશે ધોની?

ક્રિકેટના ચાહકોનો માહી ભાઈ એટલે મહેન્દ્ર સિંહ ધોની 43 વર્ષનો થઈ ચૂક્યો છે. ત્યારે હવે લોકોના મનમાં એક સવાલ ઉભો થાય છે કે,શું આઈપીએલ 2026 રમશે ધોની? આ સવાલ દરેક લોકોના મનમાં ચાલી રહ્યો છે. પરંતુ આ વાત સંપૂર્ણ તેની ફિટનેસ પર નિર્ભર કરશે. માહીની ફિટનેસ જો સારી રહી તો તે જરુર આગામી સીઝનમાં આઈપીએલમાં રમતો જોવા મળી શકે છે. ધોની અને તેની ટીમ ચેન્નાઈ સુપર કિંગ્સનું પ્રદર્શન આઈપીએલ 2025માં આટલું કાંઈ ખાસ રહ્યું નથી. ચેન્નાઈ સુપર કિંગ્સે 14માંથી માત્ર 4 મેચ જીતી હતી. 8 મેચ હાર્યા બાદ પોઈન્ટ ટેબલમાં છેલ્લા સ્થાને હતી. ધોનીએ ગત્ત સીઝનમાં આઈપીએલમાં 14 મેચમાં માત્ર 196 રન બનાવ્યા હતા.

pic.twitter.com/6x8LvbuYNL

— LEO Whistlesᶜˢᵏ ᶠᶜ (@LeoWhistles) June 28, 2025

2020માં ઈન્ટરનેશનલ ક્રિકેટમાંથી સંન્યાસ લીધો

એમએસ ધોનીએ 2020માં ઈન્ટરનેશનલ ક્રિકેટને અલવિદા કહ્યું હતુ. તેમણે 15 ઓગ્સટ 2020માં પોતાના રિટાયરમેન્ટની જાહેરાત કરી હતી. ધોનીએ પોતાના ક્રિકેટ કરિયરમાં 90 ટેસ્ટ મેચ રમી છે. જેમાં તેમણે 4876 રન બનાવ્યા છે.ધોનીના નામે ટેસ્ટમાં સદી અને 33 અડધી સદી છે. આ સિવાય 350 વનડેમાં ધોનીએ 10773 રન બનાવ્યા છે. વનડે ફોર્મેટની જો આપણે વાત કરીએ તો 10 સદી અને 73 અડધી સદી ફટકારી છે. આ સિવાય 98 ટી20 મેચમાં 2 ફિફટી પણ સામેલ છે. ધોનીએ 1617 રન બનાવ્યા છે.

ધોનીને માહી બનાવવામાં તેના પરિવારની મહત્વની ભૂમિકા છે. મહેન્દ્ર સિંહ ધોનીના પરિવાર વિશે જાણવા અહી ક્લિક કરો