શું તમારા શરીરમાં પણ વારંવાર ‘નીલ’ પડે છે? આ વિટામિનની નાની ઉણપ હૃદય અને હાડકાંને કરી શકે છે ખોખલા!

મોટાભાગના લોકો વિટામિન C કે D માટે જાગૃત હોય છે, પરંતુ નિષ્ણાતો ચેતવણી આપી રહ્યા છે કે વિટામિન K ની ઉણપ તમને ગંભીર બીમારીઓનો શિકાર બનાવી શકે છે. આ વિટામિન માત્ર લોહી ગંઠાવવા (Blood Clotting) માટે જ નહીં, પણ હૃદય અને હાડકાંના સ્વાસ્થ્ય માટે પણ અનિવાર્ય છે.

બે પ્રકારના વિટામિન K અને તેનું કાર્ય

• K1: તે લોહીને ગંઠાવવામાં મદદ કરે છે, જેથી ઈજા થાય ત્યારે વધુ લોહી વહી ન જાય.
• K2: આ ખૂબ જ મહત્વનું છે કારણ કે તે કેલ્શિયમને નરમ પેશીઓમાં જમા થવાને બદલે સીધું હાડકાં સુધી પહોંચાડે છે. જો K2 ઓછું હોય, તો કેલ્શિયમ કિડની કે હૃદયની નળીઓમાં જમા થઈને પથરી કે હાર્ટ એટેકનું જોખમ વધારે છે.

શરીર આપે છે આ ચેતવણીના સંકેતો

જો તમારા શરીરમાં વિટામિન K ઓછું હશે, તો આ લક્ષણો જોવા મળશે:

• ચામડી પર નીલ પડવા: કોઈ ખાસ કારણ વગર કે નાની ઈજામાં પણ વારંવાર ચામડી વાદળી કે કાળી પડી જવી.
• નખ નીચે કાળી લાઈનો: હાથ કે પગના નખ નીચે લોહીના નાના થક્કા જેવી કાળી લાઈનો દેખાવી, જે નબળી રક્તવાહિનીઓનો સંકેત છે.
• પેઢા અને પિરિયડ્સમાં રક્તસ્ત્રાવ: બ્રશ કરતી વખતે પેઢામાંથી લોહી આવવું અથવા મહિલાઓમાં પિરિયડ્સ દરમિયાન અતિશય બ્લીડિંગ થવું.
• હાડકાંની નબળાઈ: વિટામિન K2 વગર હાડકાં કેલ્શિયમ શોષી શકતા નથી, જેનાથી ઓસ્ટિયોપોરોસિસ અને ફ્રેક્ચરનું જોખમ વધી જાય છે.

ગંભીર લક્ષણો: મળ-મૂત્રમાં લોહી

નિષ્ણાતોના મતે, જો મળ કે પેશાબમાં લોહીના અંશ દેખાય, તો તે વિટામિન K ની ગંભીર ઉણપ હોઈ શકે છે. આનો અર્થ એ છે કે શરીરનું ઇન્ટરનલ બ્લડ-ક્લોટિંગ સિસ્ટમ ઠપ્પ થઈ ગઈ છે.

બચાવના ઉપાયો: શું ખાવું?

ક્લીવલેન્ડ ક્લિનિકના રિસર્ચ મુજબ, લીલા પાંદડાવાળા શાકભાજી, બ્રોકોલી અને કોબીજ વિટામિન K ના શ્રેષ્ઠ કુદરતી સ્ત્રોત છે. જો કે, સપ્લિમેન્ટ્સ લેતા પહેલા હંમેશા ડોક્ટરની સલાહ લેવી જરૂરી છે, કારણ કે તેની વધુ પડતી માત્રા પણ નુકસાન કરી શકે છે.

Disclaimer: આ સમાચાર સામાન્ય માહિતી પર આધારિત છે. વધુ માહિતી માટે તમારા ડૉક્ટરની સલાહ લો.