IPL 2026: સૂર્યકુમાર યાદવ બહાર, MI vs KKR મેચમાં 6 ખેલાડીઓએ કર્યું ડેબ્યૂ, બંને ટીમોના મોટા નિર્ણયો

IPL 2026ની બીજી મેચમાં મુંબઈ ઇન્ડિયન્સ (MI) અને કોલકાતા નાઈટ રાઇડર્સ (KKR) વચ્ચે રોમાંચક મુકાબલો જોવા મળી રહ્યો છે. આ મેચ મુંબઈના વાનખેડે સ્ટેડિયમમાં રમાઈ રહી છે, જ્યાં હોમ ટીમ મુંબઈ પોતાના ઘરઆંગણાનો લાભ લેવા ઉતરી છે. ટોસ જીતીને મુંબઈ ઇન્ડિયન્સના કેપ્ટન હાર્દિક પંડ્યાએ પહેલા બોલિંગ કરવાનો નિર્ણય લીધો હતો.

મુંબઈ ઇન્ડિયન્સની પ્લેઇંગ 11માં એક મોટો સરપ્રાઇઝ એ રહ્યો કે સ્ટાર બેટ્સમેન અને ભારતના T20 કેપ્ટન સૂર્યકુમાર યાદવનો સમાવેશ કરવામાં આવ્યો નથી. જોકે, તે મેચમાં રમશે કે નહીં તે અંગે સ્પષ્ટતા કરવામાં આવી નથી. સંભાવના છે કે તેઓ ઇમ્પેક્ટ પ્લેયર તરીકે બીજી ઇનિંગમાં મેદાનમાં ઉતરી શકે.

આ મેચમાં મુંબઈ તરફથી કેટલાક નવા ખેલાડીઓએ ડેબ્યૂ કર્યું છે. અફઘાનિસ્તાનના યુવા મિસ્ટ્રી સ્પિનર અલ્લાહ ગઝનફરને પ્રથમ વખત IPLમાં તક મળી છે. સાથે જ વેસ્ટ ઇન્ડીઝના પાવર હિટર શેરફેન રૂધરફોર્ડ અને ભારતીય ઓલરાઉન્ડર શાર્દુલ ઠાકુર પણ મુંબઈ ઇન્ડિયન્સ માટે પહેલીવાર રમી રહ્યા છે.

બીજી તરફ, કોલકાતા નાઈટ રાઇડર્સે પણ મજબૂત અને સંતુલિત ટીમ સાથે મેદાનમાં ઉતર્યું છે. ઓસ્ટ્રેલિયાના ઓલરાઉન્ડર કેમેરોન ગ્રીન ટીમ માટે ડેબ્યૂ કરી રહ્યો છે, જે બેટિંગ અને બોલિંગ બંનેમાં મહત્વપૂર્ણ યોગદાન આપી શકે છે. ઉપરાંત, ન્યૂઝીલેન્ડના આક્રમક ઓપનર ફિન એલન અને ઝિમ્બાબ્વેના ઝડપી બોલર બ્લેસિંગ મુઝરાબાની પણ આઈપીએલમાં પોતાનો પહેલો મુકાબલો રમી રહ્યા છે.

બંને ટીમોની પ્લેઇંગ 11 નીચે મુજબ છે:

કોલકાતા નાઈટ રાઇડર્સ (KKR):

ફિન એલન, અજિંક્ય રહાણે, કેમેરોન ગ્રીન, અંગક્રિશ રઘુવંશી, રિંકુ સિંહ, રમનદીપ સિંહ, અનુકુલ રોય, સુનીલ નારાયણ, વરુણ ચક્રવર્તી, વૈભવ અરોરા, બ્લેસિંગ મુઝરાબાની.

મુંબઈ ઇન્ડિયન્સ (MI):

રેયાન રિકલ્ટન, રોહિત શર્મા, તિલક વર્મા, હાર્દિક પંડ્યા, શેરફેન રૂધરફોર્ડ, નમન ધીર, શાર્દુલ ઠાકુર, મયંક માર્કંડે, અલ્લાહ ગઝનફર, ટ્રેન્ટ બોલ્ટ, જસપ્રિત બુમરાહ.

આ મુકાબલો બંને ટીમો માટે મહત્વપૂર્ણ છે, કારણ કે ટૂર્નામેન્ટની શરૂઆતમાં જ જીત મેળવવી તેમને આત્મવિશ્વાસ આપશે.

MI vs KKR વચ્ચેની મેચમાં ગુજ્જુ ઓલરાઉન્ડર હાર્દિક પંડયાની આ ભૂલ પડશે ભારે, જુઓ સૌથી મોંઘી ઓવર