IPL 2026 પહેલા KKR નો મોટો નિર્ણય- બોલર બદલ્યા, બેટ્સમેન બદલ્યા પણ નહીં બદલે કેપ્ટન

IPL 2026 શરૂ થવામાં 15 દિવસથી પણ ઓછો સમય બાકી છે, ત્યારે બધી ટીમોએ ટુર્નામેન્ટ માટે પોતાની તૈયારીઓ શરૂ કરી દીધી છે. આ વચ્ચે, કોલકાતા નાઈટ રાઈડર્સના કેમ્પમાંથી મહત્વપૂર્ણ સમાચાર સામે આવ્યા છે: વરિષ્ઠ બેટ્સમેન અજિંક્ય રહાણે ફરી એકવાર IPL 2026 માં KKRનું નેતૃત્વ કરતો જોવા મળશે.

અજિંક્ય રહાણે બની રહેશે KKRની ટીમના કેપ્ટન

અહેવાલો અનુસાર, શ્રેયસ ઐયરની વિદાય બાદ ફ્રેન્ચાઇઝીએ અજિંક્ય રહાણેના અનુભવ પર પોતાનો વિશ્વાસ યથાવત્ રાખ્યો છે. જોકે ટીમનું ગયા સિઝનમાં પ્રદર્શન મિશ્ર રહ્યું હતું. 13 માંથી ફક્ત 5 મેચમાં વિજય મેળવ્યો હતો. મેનેજમેન્ટ માને છે કે, ટીમના વર્તમાન સંતુલનને જોતાં, રહાણે નેતૃત્વ માટે સૌથી યોગ્ય પસંદગી છે.

KKRની ટીમમાં અનેક ફેરફારો

ગયા વર્ષે, રહાણે માત્ર કેપ્ટન તરીકે જ નહીં પરંતુ KKR માટે સૌથી વધુ રન બનાવનાર બેટ્સમેન પણ રહ્યો. IPL 2025 દરમિયાન નંબર 3 પર રમતા, તેણે શાનદાર પ્રદર્શન કર્યું, અને એવી અપેક્ષા રાખવામાં આવે છે કે તે આ વર્ષે પણ તે જ સ્થાન પર આ ભૂમિકા નિભાવવાનું ચાલુ રાખશે. જોકે, ટીમ હવે તેની ઓપનિંગ જોડી અંગે મૂંઝવણનો સામનો કરી રહી છે. ટીમમાં સુનિલ નરેનની સાથેસાથે ફિન એલન, ટિમ સીફર્ટ અને રચિન રવિન્દ્ર જેવા વિસ્ફોટક વિકલ્પો છે. જેનાથી ટોપ ઓર્ડર નોંધપાત્ર રીતે મજબૂત દેખાઈ રહ્યો છે.

હર્ષિત રાણા બહાર થવાનુ નક્કી

સિઝન શરૂ થાય તે પહેલાં જ, ટીમને મોટો ફટકો પડ્યો છે. ટીમના સ્ટાર ફાસ્ટ બોલર, હર્ષિત રાણા, ઈજાને કારણે IPL 2026 માંથી બહાર થઈ ગયા છે. ફેબ્રુઆરીમાં 2026ના T20 વર્લ્ડ કપ માટે દક્ષિણ આફ્રિકા સામેની પ્રેક્ટિસ મેચ દરમિયાન રાણાને ઈજા થઈ હતી. KKR એ હર્ષિતને ₹4 કરોડમાં રિટેન કર્યો હતો.

હરાજીમાં નવા ચહેરાઓ અને બોલિંગમાં ફેરફાર

આ વર્ષની હરાજીમાં, KKR એ ન્યુઝીલેન્ડના રચિન રવિન્દ્ર અને ઓસ્ટ્રેલિયાના કેમેરોન ગ્રીન જેવા ટોચના ઓલરાઉન્ડરોને ઉમેરીને તેની ટીમને નોંધપાત્ર રીતે સંતુલિત કરી છે. દરમિયાન, બોલિંગ વિભાગમાં મોટો ફેરફાર જોવા મળ્યો છે. બાંગ્લાદેશી ઝડપી બોલર મુસ્તફિઝુર રહેમાનની જગ્યાએ ઝિમ્બાબ્વેના ઊંચા ફાસ્ટ બોલર બ્લેસિંગ મુઝારાબાનીને હવે ટીમમાં સામેલ કરવામાં આવ્યો છે.

Breaking News: આખરે નરમ પડ્યુ ઈરાન, આપ્યા યુદ્ધ રોકવાના સંકેત, ઈરાની વિદેશમંત્રી એ કહ્યુ યુદ્ધ રોકવાની કોઈપણ પહેલનું સ્વાગત’