IPL 2025 ધોનીની છેલ્લી સિઝન હશે ! ‘થાલા’એ ટી-શર્ટ પર કોડ વર્ડમાં આપ્યો સંકેત
IPL 2025 સિઝન પહેલા તૈયારીઓ માટે ચેન્નાઈ સુપર કિંગ્સનો ટ્રેનિંગ કેમ્પ શરૂ થઈ રહ્યો છે અને આ માટે, ભૂતપૂર્વ કેપ્ટન એમએસ ધોની બુધવારે ચેન્નાઈ પહોંચ્યો હતો. જ્યારે તે ચેન્નાઈ પહોંચ્યો ત્યારે તેના ચાહકો ખૂબ ખુશ હતા પરંતુ તેના ટી-શર્ટ પર લખેલા મેસેજે બધાને નિરાશ કર્યા હતા.
હાલ બધાનું ધ્યાન ચેમ્પિયન્સ ટ્રોફી પર છે, જ્યાં ટીમ ઈન્ડિયા સેમીફાઈનલમાં પહોંચી ગઈ છે. પરંતુ IPL 2025 સિઝન પણ દૂર નથી અને આ અંગે હલચલ પણ શરૂ થઈ ગઈ છે. લીગની 18મી સિઝન 22 માર્ચથી શરૂ થઈ રહી છે અને ફરી એકવાર બધાના મનમાં એક જ પ્રશ્ન છે – શું આ એમએસ ધોનીની છેલ્લી સિઝન છે? અત્યાર સુધી આ પ્રશ્નનો કોઈ ચોક્કસ જવાબ નહોતો, પણ હવે એવું લાગે છે કે ધોનીએ પોતે જ તેની જાહેરાત કરી દીધી છે.
એમએસ ધોની ચેન્નાઈ પહોંચ્યો
લીગની નવી સિઝન પહેલા, 5 વખતની ચેમ્પિયન ચેન્નાઈ સુપર કિંગ્સ દર વર્ષની જેમ થોડા દિવસ પહેલા જ પોતાનો પ્રેક્ટિસ કેમ્પ શરૂ કરી રહી છે. આ વર્ષના કેમ્પ માટે ફ્રેન્ચાઈઝીના ખેલાડીઓએ ચેન્નાઈ પહોંચવાનું શરૂ કરી દીધું છે. ટીમના ભૂતપૂર્વ કેપ્ટન અને આ ફ્રેન્ચાઈઝીની ધડકન ધોની આ કેમ્પમાં ભાગ લેવા માટે બુધવાર, 26 ફેબ્રુઆરીના રોજ ચેન્નાઈ પહોંચ્યો હતો. અહીં ટીમના કેપ્ટન ઋતુરાજ ગાયકવાડે તેના માર્ગદર્શક ધોનીનું ગળે લગાવીને સ્વાગત કર્યું હતું.
THA7A FOR A REASON! #Thala #DenComing #WhistlePodu pic.twitter.com/VewJtZxVDr
— Chennai Super Kings (@ChennaiIPL) February 26, 2025
ધોનીની ટી-શર્ટ પરના મેસેજે હંગામો મચાવ્યો
ધોનીના આગમનથી ચેન્નાઈ સુપર કિંગ્સના ચાહકોમાં ખુશીની લહેર ફેલાઈ ગઈ હતી, પરંતુ ચેન્નાઈમાં તેણે પહેરેલી કાળી ટી-શર્ટે વધુ ધ્યાન ખેંચ્યું છે અને તેનાથી ચેન્નાઈના ચાહકો નારાજ થયા છે. વાત એ છે કે ધોનીના આ ટી-શર્ટમાં ડોટ અને ડેશ સાથે કેટલીક ડિઝાઈન બનાવવામાં આવી હતી. કેટલાક સ્માર્ટ યુઝર્સે તે સમજી લીધું અને કહ્યું કે તે ખરેખર ‘મોર્સ કોડ’ માં લખેલો મેસેજ છે. 19મી અને 20મી સદીમાં ગુપ્ત સંદેશા મોકલવા માટે મોર્સ કોડનો ઉપયોગ થતો હતો, અને લશ્કરમાં પણ તેનો વ્યાપક ઉપયોગ થતો હતો.
MS Dhoni’s Tshirt actually translates to one last time… pic.twitter.com/j1m8E0tbd5
— (@SergioCSKK) February 26, 2025
શું આ ધોનીની છેલ્લી સિઝન છે?
હવે એ વાત કોઈથી છુપાયેલી નથી કે ધોની ભારતીય સેના પ્રત્યે કેટલો ઉત્સાહી છે અને આ જ કારણ છે કે કેટલાક યુઝર્સે તેના ટી-શર્ટ પર લખેલા કોડને ડીકોડ કર્યો અને જે સંદેશ નીકળ્યો તે ચેન્નાઈના ચાહકોના દિલ તોડી નાખશે. વાસ્તવમાં અંગ્રેજીમાં મોર્સ કોડમાં લખાયેલા આ સંદેશનો અર્થ છે – ‘વન લાસ્ટ ટાઈમ’ (એક છેલ્લી વાર). આનાથી ધોનીના ચાહકો નિરાશ થયા છે અને એવું અનુમાન લગાવવામાં આવી રહ્યું છે કે ધોનીએ જાહેરાત કરી છે કે આ તેની છેલ્લી IPL સિઝન હશે. હવે આ ડર સાચો સાબિત થશે કે નહીં, તે તો સિઝન પૂરી થયા પછી જ ખબર પડશે.
આ પણ વાંચો: શું કોહલીએ BCCIના નિયમો તોડ્યા? ચેમ્પિયન્સ ટ્રોફી દરમિયાન વાયરલ થયેલ ફોટો બાદ ઉઠયા સવાલ
