IPL 2024: દિલ્હી પ્લેઓફની રેસમાં યથાવત, લખનૌ 19 રનથી હાર્યું, રાજસ્થાન પ્લેઓફમાં પહોંચ્યું
દિલ્હી કેપિટલ્સે લખનૌ સુપરજાયન્ટ્સને 19 રનથી હરાવ્યું. અરુણ જેટલી સ્ટેડિયમમાં રમાયેલી મેચમાં જીત મેળવીને દિલ્હીએ પ્લેઓફની રેસમાં પોતાની જાતને જાળવી રાખી છે. તો બીજી તરફ લખનૌની ટીમની પ્લેઓફમાં પહોંચવાની આશા હવે બરબાદ થતી જોવા મળી રહી છે.
![IPL 2024: દિલ્હી પ્લેઓફની રેસમાં યથાવત, લખનૌ 19 રનથી હાર્યું, રાજસ્થાન પ્લેઓફમાં પહોંચ્યું](https://images.tv9gujarati.com/wp-content/uploads/2024/05/Delhi-Capitals-1.jpg?w=1280)
IPL 2024ની 64મી મેચમાં દિલ્હી કેપિટલ્સે લખનૌ સુપર જાયન્ટ્સને 19 રનથી હરાવ્યું. પ્રથમ બેટિંગ કરતા દિલ્હી કેપિટલ્સે 208 રન બનાવ્યા હતા જેના જવાબમાં લખનૌ સુપર જાયન્ટ્સ માત્ર 189 રન બનાવી શકી હતી. આ જીત સાથે દિલ્હીએ ટૂર્નામેન્ટમાં પોતાની જાતને જાળવી રાખી છે, તો બીજી તરફ લખનૌની ટીમની પ્લેઓફમાં પહોંચવાની આશા હવે બરબાદ થતી જોવા મળી રહી છે. ટ્રિસ્ટન સ્ટબ્સ અને અભિષેક પોરેલ દિલ્હીની જીતના હીરો હતા. સ્ટબ્સે 25 બોલમાં અણનમ 57 રન, અભિષેક પોરેલે 58 રનની ઇનિંગ રમી હતી. આ સિવાય ઈશાંત શર્માએ બોલિંગમાં 3 વિકેટ ઝડપી હતી.
પૂરન-અરશદ ખાનની મહેનત વ્યર્થ ગઈ
લખનૌ સુપર જાયન્ટ્સના ટોચના બેટ્સમેન નિષ્ફળ રહ્યા હતા. ડી કોક 12 રન બનાવીને આઉટ થયો હતો, કેએલ રાહુલ 5 રન બનાવીને આઉટ થયો હતો. માર્કસ સ્ટોઇનિસે પણ 5 રન બનાવ્યા હતા અને દીપક હુડા ખાતું પણ ખોલાવી શક્યા ન હતા. આ પછી નિકોલસ પુરને 27 બોલમાં 61 રન બનાવ્યા અને અરશદ ખાને 33 બોલમાં 58 રન ફટકારીને લખનૌને જીત તરફ લઈ જવાનો પ્રયાસ કર્યો પરંતુ તે થઈ શક્યું નહીં.
The @DelhiCapitals finish the season on a high with a 19-run win at home
Scorecard ▶️ https://t.co/qMrFfL9gTv#TATAIPL | #DCvLSG pic.twitter.com/xMxsQr7soy
— IndianPremierLeague (@IPL) May 14, 2024
IPL 2024 પ્લેઓફ સમીકરણ
દિલ્હીની આ જીત સાથે સૌથી મોટો ફાયદો રાજસ્થાન રોયલ્સને મળ્યો છે. રાજસ્થાનની ટીમ પ્લેઓફ માટે ક્વોલિફાય થઈ ગઈ છે. કોલકાતા બાદ પ્લેઓફમાં પહોંચનારી તે બીજી ટીમ છે. દિલ્હીની આ જીત સાથે આ ટીમ પોઈન્ટ ટેબલમાં પાંચમા સ્થાને પહોંચી ગઈ છે. RCB છઠ્ઠા સ્થાને છે પરંતુ તેનો નેટ રન રેટ +0.387 છે અને દિલ્હીનો નેટ રન રેટ નેગેટિવ છે.
Make way for the
They become the second team to for the #TATAIPL 2024 Playoffs
Which 2️⃣ teams will join the race?
Points Table https://t.co/3ESMiCruG5@rajasthanroyals pic.twitter.com/5uwWKfTDfc
— IndianPremierLeague (@IPL) May 14, 2024
ત્રીજા અને ચોથા સ્થાન માટે રેસ
હવે પ્લેઓફમાં ત્રીજા અને ચોથા સ્થાન માટે જોરદાર રેસ છે. ચેન્નાઈ, હૈદરાબાદ અને બેંગલુરુ બે સ્થાન માટે લડી રહી છે. સનરાઈઝર્સ હૈદરાબાદના 14 પોઈન્ટ છે અને બે મેચ બાકી છે. જો આ ટીમ એક પણ મેચ જીતશે તો તે પ્લેઓફમાં પ્રવેશ કરશે. ચેન્નાઈ અને RCB વચ્ચે 18 મેના રોજ રમાનારી મેચ ઘણી મહત્વની રહેશે. જે પણ આ મેચ જીતશે તે પ્લેઓફમાં જગ્યા બનાવવામાં સફળ રહેશે.
આ પણ વાંચો : IPL 2024: કેએલ રાહુલે આશ્ચર્યજનક કેચ પકડ્યો, સંજીવ ગોએન્કાની ખુશીની કોઈ સીમા ન રહી