IPL 2022: Liam Livingstone એ હવામાં પકડ્યો કેચ, જોનારા પણ રહી ગયા દંગ, હૈદરાબાદને આપ્યો હતો મોટો ઝટકો
સનરાઇઝર્સ હૈદરાબાદનો બેટ્સમેન અભિષેક શર્મા પંજાબ કિંગ્સ સામે સારી બેટિંગ કરી રહ્યો હતો અને તેની અડધી સદી તરફ આગળ વધી રહ્યો હતો પરંતુ ત્યારે જ એક શાનદાર કેચથી તેની ઇનિંગનો અંત આવ્યો.
પંજાબ કિંગ્સ (Punjab Kings) ની ટીમ બેશક ઈન્ડિયન પ્રીમિયર લીગ (IPL) ના પ્લેઓફની રેસમાંથી બહાર થઈ ગઈ છે. અલબત્ત, આ ટીમ જેટલું સારું પ્રદર્શન કરી શકી હતી તેટલું આ ટીમ કરી શકી નથી, પરંતુ આ બધાની વચ્ચે આ ટીમના એક ખેલાડીએ જોરદાર રમત બતાવી છે. આઇપીએલ 2022 માં બેટ હોય કે બોલ તેના હાથમાં આવે, આ ખેલાડીએ શાનદાર પ્રદર્શન કર્યું છે. માત્ર બેટ અને બોલથી જ નહીં, આ ખેલાડીએ ફિલ્ડિંગમાં પણ શાનદાર પ્રદર્શન કર્યું છે. આ ખેલાડીનું નામ છે લિયામ લિવિંગસ્ટોન (Liam Livingstone). પંજાબની ટીમ રવિવારે સનરાઇઝર્સ હૈદરાબાદ સામે મેદાનમાં ઉતરી હતી. ફરી એકવાર લિવિંગસ્ટને પોતાની ફિલ્ડિંગથી પ્રભાવિત કર્યા છે.
જણાવી દઈએ કે આ મેચમાં હૈદરાબાદ એક નવા કેપ્ટન સાથે મેદાનમાં ઉતર્યું હતુ. કેન વિલિયમસન સ્વદેશ પરત ફર્યો છે અને તેની જગ્યાએ ભુવનેશ્વર કુમાર કેપ્ટનશીપ કરી રહ્યો છે. ભુવનેશ્વરે ટોસ જીતીને પ્રથમ બેટિંગ કરવાનો નિર્ણય લીધો હતો. ઓપનર અભિષેક શર્મા સારી બેટિંગ કરી રહ્યો હતો પરંતુ લિવિંગસ્ટને તેની ફિલ્ડિંગથી તેને પેવેલિયનનો રસ્તો બતાવ્યો હતો.
બાઉન્ડ્રી પર શાનદાર કેચ
અભિષેક સારું રમી રહ્યો હતો અને સતત રન બનાવી રહ્યો હતો. તે બીજી અડધી સદીના માર્ગે હતો. પરંતુ ત્યાર બાદ લિવિંગસ્ટને તેની ઇનિંગ્સ પર પૂર્ણવિરામ લગાવી દીધું અને તેને પેવેલિયનમાં મોકલી દીધો. હરપ્રીત બ્રાર 11મી ઓવર ફેંકી રહ્યો હતો. આ ઓવરના ત્રીજા બોલ પર અભિષેકે લોંગ ઓન પર સિક્સર ફટકારવાનો પ્રયાસ કર્યો પરંતુ લિવિંગસ્ટન વચ્ચે આવ્યો. બોલ તેના માથા પરથી જઈ રહ્યો હતો પરંતુ આ ખેલાડીએ નિર્ણાયક સમયે કૂદકો મારતા કેચ પકડ્યો હતો. લિવિંગસ્ટને ખૂબ જ ઊંચો કૂદકો માર્યો અને બોલને હવામાં પકડ્યો. આ દરમિયાન તેણે તેનું સંતુલન ન બગડે અને તે બાઉન્ડ્રી ન મારે તેનું સંપૂર્ણ ધ્યાન રાખ્યું.
Be it with the bat or on the field, @liaml4893‘s is always spot on
Another nominee for the Catch of the Tournament❓#SaddaPunjab #IPL2022 #PunjabKings #ਸਾਡਾਪੰਜਾਬ #SRHvPBKS pic.twitter.com/gIMHZael3C
— Punjab Kings (@PunjabKingsIPL) May 22, 2022
પંજાબની હૈદરાબાદ સામે 5 વિકેટે જીત
બેટિંગના જોરે પ્રથમ મેચમાં રોયલ ચેલેન્જર્સ બેંગ્લોર સામે 200 થી વધુ રનનો લક્ષ્યાંક હાંસલ કરનાર પંજાબે છેલ્લી મેચમાં સનરાઈઝર્સ હૈદરાબાદ ને હરાવ્યું હતું. ફરી એકવાર વિસ્ફોટક બેટિંગના દમ પર પંજાબે હૈદરાબાદને માત્ર 15.1 ઓવરમાં 5 વિકેટે હરાવ્યું. આ સાથે જ હૈદરાબાદે સિઝનની શરૂઆત હાર સાથે કરી હતી અને તેની સાથે જ હારનો અંત આવ્યો હતો. વાનખેડે સ્ટેડિયમમાં હૈદરાબાદે પંજાબ સામે 158 રનનો ટાર્ગેટ રાખ્યો હતો, જેને પંજાબે લિયામ લિવિંગ્સ્ટન ની વધુ એક જ્વલંત ઇનિંગના આધારે સરળતાથી હાંસલ કરી લીધો હતો.
આ જીત સાથે પંજાબે 14 મેચમાં 14 પોઈન્ટ સાથે પોતાની સિઝનનો અંત કર્યો. આ મેચ પહેલા પંજાબ સાતમા સ્થાને હતું, પરંતુ હૈદરાબાદને હરાવીને મયંક અગ્રવાલની ટીમ કોલકાતા નાઈટ રાઈડર્સે પણ કોલકાતા નાઈટ રાઈડર્સને પછાડીને છઠ્ઠું સ્થાન મેળવી લીધું છે. બીજી તરફ હૈદરાબાદને આઠમા સ્થાનથી સંતોષ માનવો પડ્યો હતો.
Latest News Updates
