IPL 2022 Auction: વીડિયોઃ અશ્વિન રાજસ્થાનમાં જોડાયા બાદ બટલરે કરી આવી મજાક
રાજસ્થાન રોયલ્સે એક વીડિયો જાહેર કર્યો, જેમાં જોસ બટલર અને અશ્વિને જોશ બતાવ્યો. એક સમયે માંકડિંગ વિવાદમાં બન્ને સામ સામે આવી ગયા હતા.
ઇન્ડીયન પ્રીમિયર લીગ (IPL 2022 Auction) મેગા ઓક્શનના પહેલા દિવસે રાજસ્થાન રોયલ્સ (Rajasthan Royals) એ ભારતીય ઓફ સ્પિનર આર. અશ્વિનને 5 કરોડમાં ખરીદીને પોતાની ટીમમાં સમાવેશ કર્યો હતો. અશ્વિન રાજસ્થાનની ટીમમાં જોડાતા જ ચાહકો અને ઘણા પુર્વ ખેલાડીઓએ ખાસ કરીને વીરેન્દ્ર સહેવાગે સોશિયલ મીડિયામાં જોસ બટલર સાથે જોડાયેલ ‘માંકડિંગ’ મુદ્દાને યાદ કરીને ખુબ મજા લીધી હતી. તમને જણાવી દઇએ કે જોસ બટલર પણ હાલ રાજસ્થાન રોયલ્સ ટીમનો ભાગ છે.
વાત એવી છે કે વર્ષ 2019ની આઈપીએલમાં જ્યારે આર. અશ્વિન પંજાબ કિંગ્સ (Punjab Kings) ટીમનો ભાગ હતો ત્યારે ઇંગ્લેન્ડના ખેલાડી અને રાજસ્થાન ટીમ તરફથી રમતા જોસ બટલરને માંકડ કર્યું હતું. ત્યાર બાદ મેદાન પર બંને ખેલાડીઓ વચ્ચે તકરાર થઇ ગઇ હતી. બાદમાં ઇંગ્લેન્ડના આ ખેલાડી જોસ બટલરને સોશિયલ મીડિયામાં ઘણી નકારાત્મક પ્રતિક્રિયાનો સામનો કરવો પડ્યો હતો.
જોસ બટલરે રાજસ્થાનમાં અશ્વિનનું સ્વાગત કર્યું પણ હવે અશ્વિન અને જોસ બટલર એક સાથે એક જ ટીમ રાજસ્થાન રોયલ્સ ટીમમાં આગામી આઈપીએલ 2022માં રમતા જોવા મળશે. પણ માંકડિંગ વિવાદને લઇને ચાહકોએ સોશિયલ મીડિયામાં સતત ભારતના સ્પિનરની ખુબ મજા લીધી હતી. પણ ત્યાર બાદ જોસ બટલરે પણ સોશિયલ મીડિયામાં હળવા મુડમાં અશ્વિનની મજાક કરી હતી.
જાણો, બટલરે વીડિયોમાં શું કહ્યું…
To Ash, with love
– @josbuttler#RoyalsFamily | @ashwinravi99 | #IPLAuction pic.twitter.com/t7LJRPPtwa
— Rajasthan Royals (@rajasthanroyals) February 12, 2022
રાજસ્થાન રોયલના વિકેટકીપર જોસ બટલરે પોતાની જ ટીમના આર. અશ્વિનનું સ્વાગત એક મજાકના અંદાજમાં કર્યું હતું અને માંકડિંગ મુદ્રા પર મજાક કરી હતી. રાજસ્થાને 12 ફેબ્રુઆરીએ ટ્વિટર પર એક વીડિયો મુક્યો હતો અને ભારતીય બોલર અશ્વિનનું સ્વાગત કરતા વીડિયોમાં કહ્યું કે, “હેલ્લો અશ્વિન, ચિંતા ન કરશો, હું ક્રિઝની અંદર છું.”
ઇંગ્લેન્ડના વિકેટકીપર બેટ્સમેને આગળ કહ્યું કે, “અશ્વિનને રાજસ્થાનના ગુલાબી રંગમાં જોવા માટે અને તેની સાથે ડ્રેસિંગ રુમ શેર કરવા માટે ઘણો ઉત્સાહિત છે. હલ્લા બોલ.”
જાણો, અશ્વિને વીડિયોમાં શું કહ્યું…
️ ” ℎ ℎ ℎ .” #RoyalsFamily | #TATAIPLAuction | @ashwinravi99 pic.twitter.com/y8FbnmjWjy
— Rajasthan Royals (@rajasthanroyals) February 12, 2022
બટલરના વીડિયો બાદ રાજસ્થાન ટીમે અશ્વિનનો વીડિયો જાહેર કર્યો હતો, તેમાં તેણે બટલર સાથે ડ્રેસિંગ રુમ શેર કરવા માટે ઉત્સાહિત છે. તેણે યુઝવેન્દ્ર ચહલ સાથે બોલિંગ કરવા માટે અને સંજુ સેમસનની કેપ્ટનશિપમાં રાજસ્થાન માટે આઈપીએલ 2022માં રમવા માટે ઘણો ઉત્સાહિત છે.