Ravindra Jadeja Retirement : રવિન્દ્ર જાડેજાની વિક્ટરી ફોર બાદ આવો હતો સ્ટેડિયમમાં નજારો, બાપુની નિવૃત્તિની થવા લાગી ચર્ચા
IND vs NZ: ભારતીય ટીમે ICC ચેમ્પિયન્સ ટ્રોફી 2025 ની ફાઇનલમાં ન્યુઝીલેન્ડને હરાવીને ત્રીજી વખત ટાઇટલ જીત્યું. ટાઇટલ જીત્યા બાદ ભારતીય ટીમના ખેલાડીઓનો ઉજવણી કરતો વીડિયો વાયરલ થઈ રહ્યો છે.
ભારતીય ટીમે રવિવારે દુબઈમાં ન્યુઝીલેન્ડને હરાવીને ICC ચેમ્પિયન્સ ટ્રોફી 2025 જીતી હતી. ભારતે ત્રીજી વખત ચેમ્પિયન્સ ટ્રોફી જીતી છે. આ પહેલા ટીમ 2002 અને પછી 2013 માં ચેમ્પિયન બની હતી. ન્યૂઝીલેન્ડ દ્વારા આપવામાં આવેલા 252 રનના લક્ષ્યાંકનો પીછો કરતા ભારતે 6 બોલ બાકી રહેતા મેચ જીતી લીધી.
ભારત માટે રવિન્દ્ર જાડેજાએ વિજયી ચાર ફટકાર્યા. જ્યારે તેણે બાઉન્ડ્રી ફટકારી ત્યારે વિરાટ કોહલી તેની સીટ પરથી કૂદી પડ્યો અને ગંભીરને ગળે લગાવી દીધો. જ્યારે અર્શદીપ અને હર્ષિત રાણા દોડીને રાહુલ અને જાડેજાને ગળે લગાવ્યા.
49 મી ઓવરના છેલ્લા બોલ પર રવિન્દ્ર જાડેજાએ ચોગ્ગો ફટકાર્યો. જીત્યા પછી તેણે સ્ટેન્ડ્સ તરફ ફ્લાઇંગ કિસ પણ ઉડાવી. આ પછી હર્ષિત રાણા અને અર્શદીપ અન્ય ખેલાડીઓ સાથે મેદાનની અંદર પહોંચ્યા. તેણે જાડેજા અને રાહુલ સાથે મળીને વિજયની ઉજવણી કરી. આ પછી, વિરાટ કોહલી અને રોહિત પણ મેદાનમાં પહોંચ્યા. બંને સ્ટમ્પ સાથે દાંડિયા રમતા જોવા મળ્યા.
THE WINNING MOMENT OF TEAM INDIA
– Jadeja finishes off in Style…!!!! pic.twitter.com/CP8BDrNMFd
— Johns. (@CricCrazyJohns) March 9, 2025
પ્રથમ બેટિંગ કરતા, ન્યુઝીલેન્ડે ભારતને જીતવા માટે 252 રનનો લક્ષ્યાંક આપ્યો હતો. જવાબમાં, રોહિત શર્મા અને શુભમન ગિલે મજબૂત શરૂઆત કરી અને પ્રથમ વિકેટ માટે 105 રન ઉમેર્યા. જોકે, પહેલી વિકેટ પડ્યા પછી, ભારતે નિયમિત અંતરાલે વિકેટ ગુમાવી, જેના કારણે ન્યુઝીલેન્ડ ઘણી વખત મેચ પર નિયંત્રણ મેળવી શક્યું.
Jadeja recreated it pic.twitter.com/AGMXaeYc1c
— RIYA (@Riyaaa1808) March 9, 2025
ભારતે 12 વર્ષ પછી ત્રીજી વખત ચેમ્પિયન્સ ટ્રોફીનો ખિતાબ જીત્યો છે. આ પહેલા ભારતે 2002 અને 2013માં આ ટ્રોફી જીતી હતી. મેચમાં 76 રનની શાનદાર ઇનિંગ રમનાર રોહિત શર્માને ‘પ્લેયર ઓફ ધ મેચ’નો ખિતાબ આપવામાં આવ્યો. ટુર્નામેન્ટમાં ૨૬૩ રન બનાવનાર અને ત્રણ વિકેટ લેનાર રચિન રવિન્દ્રને ‘પ્લેયર ઓફ ધ સિરીઝ’ એવોર્ડ મળ્યો.
It’s last match for Ravindra Jadeja in the ODIs Happy Retirement ❤️ pic.twitter.com/78eIxKwSWL
— Ahmed Says (@AhmedGT_) March 9, 2025
વિરાટ કોહલીએ રવીન્દ્ર જાડેજાની 10 ઓવર પૂરી થયા બાદ તેને ગળે લગાવ્યો હતો. એટલા માટે જાડેજાની નિવૃત્તિની સોશિયલ મીડિયા પર જોરદાર ચર્ચા થઈ રહી છે. ચાહકો અનુમાન લગાવી રહ્યા છે કે તે હવે ટીમ ઈન્ડિયા માટે નહીં રમે. જોકે, આ વાતોમાં કેટલી સત્યતા છે તે તો સમય જ કહેશે, કારણ કે હજુ સુધી કોઈ સત્તાવાર નિવેદન આવ્યું નથી.
