T20 World Cup પહેલા ભારતીય ટીમ આગામી મહિને ઘર આંગણે વન ડે સિરીઝ રમશે, રોહિત શર્મા નહીં શિખર ધવન હશે સુકાની
આવતા મહિને યોજાનાર T20 વર્લ્ડ કપ પહેલા ભારતીય ટીમે (Indian Cricket Team) દક્ષિણ આફ્રિકા સામે ઘરઆંગણે આ શ્રેણી રમવાની છે અને આમાં રોહિત-રાહુલ સહિત વર્લ્ડ કપના ખેલાડીઓને આરામ આપવામાં આવશે.
એશિયા કપ (Asia Cup 2022) ભલે ભારતીય ક્રિકેટ ટીમની અપેક્ષાઓ મુજબ ન થયો હોય, પરંતુ આવતા મહિને યોજાનાર ટી20 વર્લ્ડ કપ (T20 World Cup) ને લઈને ભારતીય ટીમને ઓછો આંકી શકાય નહીં. કોઈપણ રીતે, આ ટૂર્નામેન્ટ પહેલા ભારતીય ટીમ બે મહત્વની ટી-20 શ્રેણી રમવા જઈ રહી છે, જે તૈયારીઓને વધુ સારી બનાવવાની તક આપશે. જોકે, વર્લ્ડકપ પહેલા ટીમ ઈન્ડિયાએ દક્ષિણ આફ્રિકા સામે શ્રેણી રમવાની છે, જેમાં રોહિત શર્મા અને કેએલ રાહુલની જગ્યાએ અનુભવી ઓપનર શિખર ધવન (Shikhar Dhawan) ને સ્થાન આપવામાં આવશે.
T20 વર્લ્ડ કપ પહેલા ભારતીય ટીમ આ મહિનાના અંતમાં અને આવતા મહિનાની શરૂઆતમાં ઓસ્ટ્રેલિયા અને દક્ષિણ આફ્રિકા સામે 3 મેચની T20 સિરીઝ રમશે. આ સીરીઝમાં ભારતીય ટીમ રોહિત શર્માની કેપ્ટનશીપમાં મેદાનમાં ઉતરશે અને વર્લ્ડ કપની તૈયારીઓને આખરી ઓપ આપશે. આ બંને સીરીઝ બાદ દક્ષિણ આફ્રિકા સામેની વનડે સીરીઝનું પણ આયોજન કરવામાં આવશે અને તેમાં ધવન ટીમ ઈન્ડિયાની કમાન સંભાળતો જોવા મળશે.
ધવન સુકાન સંભાળશે
T20 સીઝનની મધ્યમાં, આ ODI શ્રેણીનું આયોજન જૂની દ્વિપક્ષીય પ્રતિબદ્ધતાઓને પૂર્ણ કરવા માટે કરવામાં આવી રહ્યું છે. આવી સ્થિતિમાં સિરીઝ યોજાવાની છે, પરંતુ અપેક્ષા મુજબ વર્લ્ડ કપમાં જનારી ટીમના મોટાભાગના ખેલાડીઓ આ શ્રેણીમાંથી બહાર થઈ જશે.
એક મીડિયા રિપોર્ટ્સમાં બીસીસીઆઇના એક અધિકારીને ટાંકીને જણાવ્યું હતું કે, હા, T20 વર્લ્ડ કપ પહેલા ODI સિરીઝ રમવી યોગ્ય નથી. પરંતુ ક્યારેક આવું પણ બને છે. રોહિત-વિરાટ સહિત વર્લ્ડ કપના તમામ ખેલાડીઓને આરામ મળશે. ઓસ્ટ્રેલિયા જતા પહેલા તેને થોડો બ્રેક મળશે. શિખર ટીમનું નેતૃત્વ કરશે.
આ પહેલા પણ સંભાળી ચૂક્યો છે સુકાન
ભારત અને દક્ષિણ આફ્રિકા વચ્ચે 6 ઓક્ટોબરથી 11 ઓક્ટોબર દરમિયાન 3 મેચની વનડે શ્રેણી રમાશે અને ધવન ફરીથી ટીમનો સુકાની બનશે. ધવને છેલ્લા એક વર્ષમાં અલગ-અલગ પ્રસંગોએ ભારતીય ટીમની કેપ્ટનશીપ કરી છે. ગયા વર્ષે શ્રીલંકા પ્રવાસ દરમિયાન તે ODI અને T20 ટીમનો કેપ્ટન હતો. ત્યારપછી જુલાઈમાં, તેણે વેસ્ટ ઈન્ડિઝના પ્રવાસ પર ODI શ્રેણીમાં કમાન સંભાળી. ત્યારબાદ ઓગસ્ટમાં ઝિમ્બાબ્વેના પ્રવાસ પર પણ તેને કેપ્ટન બનાવવામાં આવ્યો હતો, પરંતુ કેએલ રાહુલને ટીમમાં સામેલ કર્યા બાદ ધવને કમાન પાછી સોંપવી પડી હતી.
Latest News Updates
