Live મેચમાં મિસ્ટ્રી ગર્લે શુભમન ગિલને કર્યું પ્રપોઝ, અર્શદીપે તોડી નાંખ્યું દિલ જુઓ Viral Video
ભારતીય ક્રિકેટર શુભમન ગિલ (Shubhman Gill)ની ફેન ફોલોઈંગ ઘણી વધારે છે. સમગ્ર વિશ્વમાં છોકરીઓ તેના માટે પ્રેમ વરસાવી રહી છે.
ભારતીય ક્રિકેટર શુભમન ગિલ વનડે હોય, ટેસ્ટ હોય કે ટી-20, દરેક વખતે ચાહકોને તેના બેટમાંથી રનનો વરસાદ જોવા મળી રહ્યો છે. જેમ જેમ ગિલના રનનો ગ્રાફ ઊંચો જઈ રહ્યો છે તેમ તેમ તેની ફેન ફોલોઈંગ પણ વધી રહી છે. મહિલાઓમાં પણ ગિલનો અલગ જ ક્રેઝ છે. આવી જ એક ફેન તેના ફેવરિટ સ્ટારને જોવા અમદાવાદના નરેન્દ્ર મોદી સ્ટેડિયમ પહોંચી હતી. જોકે અર્શદીપ સિંહે તેનું દિલ તોડી નાખ્યું હતું.
શુભમન ગિલે બુધવારે ન્યૂઝીલેન્ડ સામેની ત્રીજી T20માં શાનદાર રમત બતાવી હતી. તેણે 200ના સ્ટ્રાઈક રેટથી 63 બોલમાં અણનમ 126 રન બનાવ્યા હતા. તેણે પોતાની ઇનિંગમાં 12 ચોગ્ગા અને સાત છગ્ગા પણ ફટકાર્યા હતા. આ માટે તેને પ્લેયર ઓફ ધ મેચ પસંદ કરવામાં આવ્યો હતો. અહીં ગિલ રનનો વરસાદ કરી રહ્યો હતો, તો બીજી તરફ ચાહક પ્લેકાર્ડ સાથે ગિલ માટે પ્રેમ વ્યક્ત કરી રહ્યો હતો.
“Tujhe dekh ke hass rahi hai” vibes 😂😂 pic.twitter.com/oaB2r2YQc8
— Shivani (@meme_ki_diwani) February 2, 2023
અર્શદીપે ગિલના ચાહકનું દિલ તોડી નાખ્યું
સ્ટેડિયમમાં હાજર એક મહિલા પ્રશંસક પાસે એક પ્લેકાર્ડ હતું જેમાં લખ્યું હતું, ‘ટિન્ડર, શુભમન સે મેચ કરવા દો’. Tinder એક ડેટિંગ એપ્લિકેશન છે જ્યાં લોકો એકબીજાને મળે છે. ચાહક ઇચ્છે છે કે ગિલ ટિન્ડર પર તેની મેચ બને. મેચ બાદ જ્યારે ગિલ પ્લેયર ઓફ ધ મેચનો એવોર્ડ લેવા ગયો તો સ્ટેન્ડ પર બેઠેલા ફેન સાથે બાકીના લોકોએ પણ ચીયર કરવાનું શરૂ કર્યું. ટીમના કેટલાક ખેલાડીઓ બાઉન્ડ્રી પાસે ઉભા હતા. બધાએ તે પ્લેકાર્ડ વાંચ્યું. અર્શદીપે ફરી ઈશારામાં ના પાડી. તેણે હાથ વડે ક્રોસ બનાવ્યો અને કહ્યું કે આવું નહીં થાય જેનાથી ચાહકનું દિલ તૂટી ગયું.
ગિલ સારા અલી ખાનને ડેટ કરી રહ્યો છે
છેલ્લા કેટલાક સમયથી એવા અહેવાલો આવી રહ્યા છે કે ગિલ અભિનેત્રી સારા અલી ખાનને ડેટ કરી રહ્યો છે. બંનેની એરપોર્ટ તસવીરો ખૂબ વાયરલ થઈ રહી છે. ગિલે પોતે પણ એક ઈન્ટરવ્યુમાં સંકેત આપ્યો હતો કે સારા તેની ગર્લફ્રેન્ડ છે. અગાઉના મીડિયા અહેવાલમાં દાવો કરવામાં આવ્યો હતો કે ગિલ મહાન બેટ્સમેન સચિન તેંડુલકરની પુત્રી સારા તેંડુલકરને ડેટ કરી રહ્યો હતો.
