4 ઓવર, 4 મેડન… T20 ક્રિકેટનો નવો જાદુગર, આખી મેચમાં એક પણ રન ન આપીને રચ્યો ઈતિહાસ
હોંગકોંગના ફાસ્ટ બોલર આયુષ શુક્લાએ T20 ઈન્ટરનેશનલ ક્રિકેટમાં ઈતિહાસ રચી દીધો છે. તે T20 ઈન્ટરનેશનલ મેચમાં 4 મેડલ ઓવર ફેંકનાર વિશ્વનો ત્રીજો બોલર બની ગયો છે. તેણે મોંગોલિયન ટીમ સામે રમાયેલી મેચમાં આ કારનામું કર્યું હતું.
T20 ક્રિકેટમાં બેટ્સમેનોનો દબદબો જોવા મળી રહ્યો છે. આ ફોર્મેટમાં, ચાહકોને મોટે ભાગે ચોગ્ગા અને છગ્ગા જોવા મળે છે. પરંતુ હોંગકોંગ ક્રિકેટ ટીમે એક એવું કારનામું કર્યું છે જે કોઈ સપનાથી ઓછું નથી. આ બોલરે T20 ઈન્ટરનેશનલ મેચમાં 4 મેડલની 4 ઓવર બોલિંગ કરવાનો રેકોર્ડ બનાવ્યો છે. એટલે કે આખી મેચમાં આ બોલર સામે કોઈ બેટ્સમેન એક પણ રન બનાવી શક્યો નહોતો. હોંગકોંગ અને મંગોલિયાની ટીમો વચ્ચે રમાયેલી ICC મેન્સ T20 વર્લ્ડ કપ એશિયા ક્વોલિફાયરની મેચમાં આ સિદ્ધિ જોવા મળી હતી.
હોંગકોંગના બોલરે રચ્યો ઈતિહાસ
હોંગકોંગનો ફાસ્ટ બોલર આયુષ શુક્લા T20 ઈન્ટરનેશનલમાં 4 મેડન ઓવર ફેંકનાર વિશ્વનો ત્રીજો બોલર બની ગયો છે. મોંગોલિયા સામે રમાયેલી મેચમાં હોંગકોંગની ટીમે પ્રથમ બોલિંગ કરી હતી, જે દરમિયાન આયુષ શુક્લાએ બોલિંગની કમાન સંભાળી હતી. આ સમયગાળા દરમિયાન, આયુષ શુક્લાએ એક પછી એક સતત ચાર ઓવર ફેંકી અને એક પણ રન ન આપ્યો. આયુષ શુક્લા પણ એક બેટ્સમેનને પોતાનો શિકાર બનાવવામાં સફળ રહ્યો હતો.
Hong Kong’s Ayush Shukla becomes 3rd bowler to bowl 4 maidens in a T20I match and against Mangolia in T20 World Cup Asia Qualifiers
Ayush Shukla opens the bowling with a wicket maiden, follows up with 18 consecutive dots to make history pic.twitter.com/5Y6Eizrflt
— CricTracker (@Cricketracker) August 31, 2024
આયુષ શુક્લા એશિયા કપમાં ભારત સામે રમ્યો હતો
આયુષ શુક્લા હોંગકોંગની ટીમનો પણ ભાગ હતો જેણે 2022 એશિયા કપમાં ટીમ ઈન્ડિયા સામે મેચ રમી હતી. આ મેચમાં તેણે રોહિત શર્માને આઉટ કરીને ઘણી હેડલાઈન્સ બનાવી હતી. આયુષ શુક્લા હોંગકોંગની ટીમ માટે અત્યાર સુધીમાં 35 T20 મેચ રમી ચૂક્યો છે. આયુષ શુક્લાએ આ મેચોમાં કુલ 33 વિકેટ લીધી છે. આયુષ શુક્લા 2022થી આંતરરાષ્ટ્રીય ક્રિકેટ રમી રહ્યો છે.
Bowling one maiden in T20I cricket is already a tough task, and these bowlers have bowled 4 in an innings.
Hong Kong’s Ayush Shukla is the latest to join the list. Who can be next from top 10 ICC ranked team? pic.twitter.com/yLkR89zucJ
— Cricket.com (@weRcricket) August 31, 2024
ન્યુઝીલેન્ડ-કેનેડાના બોલરે 4 મેડન ઓવર ફેંકી હતી
હાલમાં જ T20 વર્લ્ડ કપ 2024 દરમિયાન ન્યુઝીલેન્ડના ફાસ્ટ બોલર લોકી ફર્ગ્યુસને પણ 4 મેડન ઓવર નાખવાની સિદ્ધિ મેળવી હતી. તેણે PNG ટીમ સામે 1 રન પણ આપ્યો ન હતો. આ દરમિયાન ફર્ગ્યુસને કુલ 3 વિકેટ પણ લીધી હતી. આ પહેલા કેનેડાના સાદ બિન ઝફરે પણ પુરુષોની T20 આંતરરાષ્ટ્રીય ક્રિકેટમાં આ સિદ્ધિ મેળવી હતી. સાદ બિન ઝફરે 2021માં પનામા સામેની આંતરરાષ્ટ્રીય મેચમાં તેની ચાર ઓવરમાં એક પણ રન ન આપ્યો.
આ પણ વાંચો: 31 છગ્ગા-19 ચોગ્ગા, તૂટ્યા તમામ રેકોર્ડ, આ ટીમે 20 ઓવરમાં બનાવ્યા 300 રન