IND vs BAN: ટીમ ઈન્ડિયાના પ્રેક્ટિસ સેશનમાં ગૌતમ ગંભીરે આપ્યું જ્ઞાન, વિરાટ કોહલીએ 45 મિનિટ સુધી કર્યું આ કામ

બાંગ્લાદેશ સામે 19 સપ્ટેમ્બરથી ટેસ્ટ સિરીઝ શરૂ થવાની છે અને ટીમ ઈન્ડિયાએ તેની તૈયારીઓ શરૂ કરી દીધી છે. ટીમ ઈન્ડિયાનો પ્રેક્ટિસ કેમ્પ ચેન્નાઈમાં શરૂ થયો હતો જેમાં ટીમના દરેક ખેલાડીઓએ ભાગ લીધો હતો. માત્ર કેપ્ટન રોહિત શર્મા જ નહીં પરંતુ વિરાટ કોહલી પણ લંડનથી સમયસર ચેન્નાઈ પહોંચી ગયો હતો. આ પ્રેક્ટિસ કેમ્પ ચેન્નાઈમાં કોચ ગૌતમ ગંભીરની સૂચનાથી શરૂ થયો હતો. ગંભીરે ખેલાડીઓને ભવિષ્ય માટે બ્લૂ પ્રિન્ટ આપી અને આ પછી દરેક ખેલાડીએ નેટ્સમાં સખત પરસેવો પાડ્યો. પ્રેક્ટિસ સેશનના સૌથી મોટા સમાચાર એ છે કે વિરાટ કોહલી અને બુમરાહે નેટ્સમાં સખત મહેનત કરી હતી.

45 મિનિટ સુધી બેટિંગ કરતો જોવા મળ્યો વિરાટ

PTIના અહેવાલ મુજબ વિરાટ કોહલીએ ચેન્નાઈમાં લાંબા સમય સુધી બેટિંગ કરી હતી. તે લગભગ 45 મિનિટ સુધી બેટિંગ કરતો જોવા મળ્યો હતો. વિરાટે સ્પિનર્સ અને ફાસ્ટ બોલર બંનેનો ખૂબ સારી રીતે સામનો કર્યો. વિરાટ કોહલી શ્રીલંકા સિરીઝ બાદ લંડન ગયો હતો અને ત્યારથી તે ક્રિકેટથી દૂર હતો. વિરાટે દુલીપ ટ્રોફીમાં પણ ભાગ લીધો ન હતો. માત્ર વિરાટ જ નહીં, બુમરાહે પણ પ્રેક્ટિસમાં ભાગ લીધો હતો. તેણે લાંબા સમય સુધી બોલિંગ કરી. આ ખેલાડી T20 વર્લ્ડ કપ બાદથી આરામ પર હતો.

Virat Kohli has batted 45 minutes in the Nets in today’s practice session at Chepauk. (PTI). pic.twitter.com/lUzh7N7bRV

— Tanuj Singh (@ImTanujSingh) September 13, 2024

ટીમ ઈન્ડિયા માટે પડકાર આસાન નહીં હોય

ટીમ ઈન્ડિયા ક્યારેય બાંગ્લાદેશ સામે ટેસ્ટ મેચ હારી નથી, પરંતુ બાંગ્લાદેશને ઓછું આંકવું એ મોટી ભૂલ હશે. તે પણ જ્યારે આ ટીમે પાકિસ્તાનને તેના ઘરે 2-0થી હરાવ્યું હતું. બાંગ્લાદેશની ટીમ ઘણી સંતુલિત છે. મોટી વાત એ છે કે આ વખતે તેમની પાસે સારું બોલિંગ આક્રમણ છે, જેમાં શાકિબ અલ હસન, મેહદી હસન જેવા સ્પિનરો છે અને નાહિદ રાણા, હસન મહેમૂદ જેવા ફાસ્ટ બોલર છે, જે 140 kphની ઝડપે બોલિંગ કરી શકે છે.

આ પણ વાંચો: 177 વિકેટ લેનાર બોલરનું થયું નિધન, માત્ર 6 મહિનામાં જ આંતરરાષ્ટ્રીય કરિયરનો આવ્યો હતો અંત

ક્રિકેટ સહિત રમતગમતના દરેક સમાચાર વાંચવા અહીં ક્લિક કરો