Breaking News : RCB એ કરી મોટી જાહેરાત, IPL 2026 માં હોમગ્રાઉન્ડ એમ ચિન્નાસ્વામી સ્ટેડિયમમાં રમશે આટલી મેચ
IPL 2025 જીતનાર ટીમ રોયલ ચેલેન્જર્સ બેંગ્લોરે મોટી જાહેરાત કરી છે. IPL 2026 પહેલા RCB એ સ્પષ્ટ કર્યું છે કે તેઓ આગામી સિઝનમાં તેમના હોમ ગ્રાઉન્ડ, એમ ચિન્નાસ્વામી સ્ટેડિયમ પર મેચ રમશે, પરંતુ તેઓ આ ગ્રાઉન્ડ પર બધી મેચ રમશે નહીં.
IPL 2025 ચેમ્પિયન રોયલ ચેલેન્જર્સ બેંગ્લોરે એક મોટી જાહેરાત કરી છે. ફ્રેન્ચાઇઝીએ જાહેરાત કરી છે કે તેઓ IPL 2026 માં એમ. ચિન્નાસ્વામી સ્ટેડિયમમાં તેમની ઘરેલું મેચ રમશે. જેનો અર્થ એ થયો કે વિરાટ કોહલી ફરી એકવાર ચિન્નાસ્વામી સ્ટેડિયમમાં એક્શનમાં જોવા મળશે.
RCB ચિન્નાસ્વામી સ્ટેડિયમમાં પાંચ મેચ રમશે
RCB એ જણાવ્યું હતું કે ટીમ પાંચ મેચ એમ. ચિન્નાસ્વામી સ્ટેડિયમમાં અને બાકીની બે મેચ રાયપુરના શહીદ વીર નારાયણ સિંહ ઇન્ટરનેશનલ સ્ટેડિયમમાં રમશે. એમ. ચિન્નાસ્વામી સ્ટેડિયમમાં થયેલી ભાગદોડ, જેના પરિણામે 11 ચાહકોના મોત થયા હતા, તેના કારણે RCB ફરીથી સ્ટેડિયમમાં રમશે કે કેમ તે અંગે પ્રશ્નો ઉભા થયા હતા. જોકે, હવે જવાબ મળી ગયો છે.
ભાગદોડ બાદથી કોઈ મેચ નથી રમાઈ
IPL 2025 માં ચેમ્પિયન બન્યા બાદ રોયલ ચેલેન્જર્સ બેંગ્લોર દ્વારા બેંગલુરુમાં ખાસ વિકટ્રી પરેડનું આયોજન કરવામાં આવ્યું હતું. જેમાં ખૂબ જ મોટી સંખ્યામાં ફેન્સ જોડાયા હતા. જે બાદ અફરાતફરી મચી ગઈ હતી અને અનેક ફેન્સ ઘાયલ થયા હતા અને મૃત્યુ પણ પામ્યા હતા. એમ. ચિન્નાસ્વામી સ્ટેડિયમમાં થયેલી ભાગદોડ પછી, આ મેદાન પર રણજી ટ્રોફી, વિજય હજારે ટ્રોફી કે મહારાજા ટ્રોફી સહિત કોઈ મોટી સ્થાનિક મેચનું આયોજન કરવામાં આવ્યું નથી.
’ . ️❤️
5️⃣ home games at the Chinnaswamy. ❤️ 2️⃣ in Raipur.
Bengaluru, get ready. The champions return to entertain you! #PlayBold #ನಮ್ಮRCB pic.twitter.com/WGBG8niDUv
— Royal Challengers Bengaluru (@RCBTweets) March 3, 2026
RCB એ કરી મોટી જાહેરાત
મંગળવારે રોયલ ચેલેન્જર્સ બેંગ્લોરે એક પ્રેસ રિલીઝ જારી કરીને જણાવ્યું હતું કે સરકાર અને RCB વચ્ચેની ચર્ચા બાદ, એવો નિર્ણય લેવામાં આવ્યો છે કે ટીમ એમ ચિન્નાસ્વામીમાં તેમની હોમ મેચ રમશે. RCB કુલ 14 મેચ રમશે, જેમાં 7 હોમ મેચ અને 7 અવે મેચ (વિરોધી ટીમના હોમ ગ્રાઉન્ડ પર) હશે. જો કે આગામી સિઝનમાં RCB 7 નહીં પણ 5 હોમ મેચ એમ ચિન્નાસ્વામી સ્ટેડિયમમાં રમશે. જયારે બે હોમ મેચ રાયપુરના શહીદ વીર નારાયણ સિંહ ઇન્ટરનેશનલ સ્ટેડિયમમાં યોજાશે.
કર્ણાટક સરકાર-પોલીસનો આભાર માન્યો
RCB એ જણાવ્યું હતું કે, “આ પગલું મહિનાઓની સખત મહેનત અને તમામ સંબંધિત અધિકારીઓ સાથેની ચર્ચાઓનું પરિણામ છે. ધ્યેય ચાહકો માટે રમતગમતને ઘરે પરત લાવવાનો છે. RCB બેંગલુરુમાં મેચોનું આયોજન કરવામાં સહકાર અને સમર્થન આપવા બદલ કર્ણાટક સરકાર, કર્ણાટક રાજ્ય ક્રિકેટ એસોસિએશન અને કર્ણાટક પોલીસનો આભાર માને છે.”
T20 WC Breaking : સૌથી વધુ વાર શૂન્ય પર આઉટ થવાનો શરમજનક રેકોર્ડ, અભિષેક શર્મા નહીં, આ પાકિસ્તાની છે ટોપ પર
