IPL Points Table 2026: ગુજરાત ટાઇટન્સે ટોપ-2માં સ્થાન મેળવ્યું, CSKનો ખેલ ખતમ

IPL Points Table 2026 : ગુજરાત ટાઈટન્સે પોતાની છેલ્લી લીગ મેચમાં સીએસકેને હરાવ્યું છે. આ જીતની સાથે તેમણે ટોપ-2માં પોતાનું સ્થાન પાક્કું કર્યું છે. ચેન્નાઈ સુપર કિંગ્સની સફળ સીઝન પૂર્ણ થઈ ચૂક્યું છે.

Nirupa Duva | Updated on: May 22, 2026 | 8:43 AM

ગુજરાત ટાઈટન્સે ચેન્નાઈ સુપર કિંગ્સને 89 રનની કારમી હાર આપી હતી. આઈપીએલ 2026ની લીગ સ્ટેજમાં પોતાની છેલ્લી મેચ જીતી હતી. આ જીતે માત્ર ગુજરાત ટાઈટન્સે નેટ રન રેટ મજબુત કર્યો છે સાથે તેમણે પોઈન્ટ ટેબલમાં ટોપ-2માં સ્થાન પાક્કું કર્યું છે. આ હારે પાંચ વખતની ચેમ્પિયન ચેન્નાઈ સુપર કિંગ્સને અધિકારિક રુપથી પ્લેઓફની રેસમાંથી બહાર થઈ છે. હવે ગુજરાત ટાઈટન્સને ફાઈનલમાં પહોંચવા માટે 2 તક મળી છે.

ગુજરાતે ટોપ 2માં સ્થાન પાક્કું કર્યું

ગુજરાત ટાઈટન્સે 14 મેચમાં 9માં જીત મેળવી 18 પોઈન્ટ એકઠા કર્યા છે. તેનો નેટ રન રેટ +0.695 ની સાથે મજબુત કર્યો છે. આ સાથે ટોપ-2માં સ્થાન પાક્કું થઈ ગયું છે. રોયલ ચેલેન્જર્સ બેંગ્લુરુંના 13 મેચમાં 18 પોઈન્ટ છે. તે 1.065ના નેટ રન રેટની સાથે ટોપ પર બની છે. તેની પાસે ટોપ- ફિનિશ કરવાની મોટી તક છે. માત્ર છેલ્લી લીગ મેચમાં મોટી હારથી બચવું પડશે. ટોપ-2માં ફિનિશ કરવાનો ફાયદો એ છે કે, તે પ્લેઓફમાં ક્વોલિફાયર-1માં સીધી ટકકર કરશે. આ મેચમાં હાર બાદ પણ તે ટીમ પાસે ફાઇનલમાં પહોંચવાની બીજી તક હશે.

ચેન્નાઈ સુપર કિંગ્સ 14 મેચ રમી માત્ર 12 પોઈન્ટ મેળવ્યા છે. 6 જીત અને 8 હાર સાથે તેનો NRR -0.345 રહ્યો છે. આ હારની સાથે તેની પ્લેઓફની રેસ પૂર્ણ થઈ છે. સીએસકે હવે સાતમાં સ્થાન પર છે. તે પોઈન્ટ ટેબલમાં હજુ પણ નીચે આવી શકે છે. દિલ્હીની ટીમને હજુ પણ 1 મેચ રમવાની બાકી છે. તે સીએસકેને પાછળ છોડી શકે છે.

પ્લેઓફ માટે 1 સ્થાન ખાલી

સનરાઈઝર્સ હૈદરાબાદ હાલમાં 13 મેચમાં 8 જીતની સાથે ત્રીજા સ્થાન પર છે. તે પ્લેઓફમાં સ્થાન બનાવી ચૂકી છે. પરંતુ ચોથા સ્થાન માટે હજુ પણ રેસ ચાલુ છે. રાજસ્થાનની ટીમ 13 મેચમાં 14પોઈન્ટની સાથે ચોથા નંબર પર છે. પંજાબની ટીમ 13 મેચમાં 13 પોઈન્ટની સાથે 5માં સ્થાન પર છે. આ સિવાય કોલકાતાની ટીમના હજુ 13 મેચમાં 13 પોઈન્ટ છે. આ 3 ટીમો પ્લેઓફમાં સ્થાન બનાવવાની દાવેદાર છે.