Breaking News: ભાવનગરમાં વધુ એક નક્લી વિદેશી દારૂની ફેક્ટરી ઝડપાઈ, LCBએ 3 આરોપીની કરી ધરપકડ- Video

ભાવનગરમાં લોકલ ક્રાઇમ બ્રાન્ચ (LCB) એ નકલી વિદેશી દારૂ બનાવતી ફેક્ટરીનો પર્દાફાશ કર્યો છે. આ દરોડા દરમિયાન ત્રણ આરોપીઓની ધરપકડ કરવામાં આવી છે, જ્યારે અન્ય સાત શખ્સોની શોધખોળ ચાલુ છે. પોલીસ તપાસમાં સામે આવ્યું છે કે આ ગેરકાયદેસર ફેક્ટરીના મુખ્ય આરોપી અક્ષયરાજસિંહ રેલવે કર્મચારી છે.

આ ફેક્ટરીમાંથી બનાવટી રોયલ સ્ટેગ દારૂની 180 ML ની 17 પ્લાસ્ટિક બોટલો જપ્ત કરવામાં આવી છે. દારૂ બનાવવા માટે ઉપયોગમાં લેવાતા પ્રવાહીના સેમ્પલ ફોરેન્સિક સાયન્સ લેબોરેટરી (FSL) માં તપાસ માટે મોકલવામાં આવ્યા છે. સ્થળ પરથી દારૂની બોટલ પર ચોંટાડવા માટેના 382 નંગ અલગ અલગ બ્રાન્ડના સ્ટીકર પણ મળી આવ્યા છે.

LCB એ ઝડપાયેલા ત્રણ આરોપીઓને રિમાન્ડની માંગણી સાથે કોર્ટમાં રજૂ કર્યા હતા. આ ઓપરેશનમાં મોરબી, રાજસ્થાન અને ભાવનગર સાથે જોડાયેલા કુલ 10 વ્યક્તિઓના નામ સામે આવ્યા છે. ભાવનગર પોલીસે ગેરકાયદેસર દારૂના વેપારને ડામવા માટે સઘન કાર્યવાહી હાથ ધરી છે.

કેસની તપાસમાં ખૂલ્યુ કે રાજસ્થાનથી અજીતસિંહ ઉર્ફે બન્ના રાઠોડ નામના શખ્સે દારૂ બનાવવા માટે જરૂરી સાધનસામગ્રી પાર્સલ મારફતે ભાવનગર મોકલી હોવાનું ખુલ્લું પડ્યું છે. ઝડપાયેલા અન્ય આરોપી જીતેન્દ્ર ખાબડીયા નકલી દારૂ બનાવવાના સાધનોની દેખરેખ રાખતો હતો. આ પ્રકરણમાં મોરબી, રાજસ્થાન અને ભાવનગર શહેર તેમજ જિલ્લાના કુલ 10 વ્યક્તિઓના નામ સામે આવ્યા છે, જેમાંથી ત્રણની ધરપકડ થઈ ચૂકી છે અને બાકીના સાત ફરાર છે.

LCB એ રેલવે કર્મચારી સહિત ઝડપાયેલા ત્રણ આરોપીઓ સામે બુરતળાવ પોલીસ મથકમાં પ્રોહિબિશન એક્ટની વિવિધ કલમો હેઠળ ફરિયાદ નોંધી છે. પોલીસે તેમને રિમાન્ડની માંગણી સાથે કોર્ટમાં રજૂ કર્યા હતા જેથી આ રેકેટના મૂળ સુધી પહોંચી શકાય અને તેમાં સંડોવાયેલા તમામ શખ્સોને કાયદાના સકંજામાં લાવી શકાય. ભાવનગર પોલીસ અને LCB ને મળેલી આ સફળતા દર્શાવે છે કે તેઓ શહેર અને જિલ્લામાં દારૂનો ગેરકાયદેસર વેપાર કોઈપણ ભોગે થવા દેશે નહીં.

સામુદ્રિક શાસ્ત્ર: શરીરના આ અંગ પર તલ હોવો એ છે ભાગ્યશાળી હોવાની નિશાની, જાણો તમારા તલ શું સંકેત આપે છે?