Breaking News: સનરાઇઝર્સ હૈદરાબાદે IPL 2026માં જીતનું ખાતું ખોલ્યું, કોલકાતા નાઈટ રાઈડર્સને 65 રનથી હરાવ્યું
IPL 2026 ની છઠ્ઠી મેચમાં સનરાઇઝર્સ હૈદરાબાદે કોલકાતા નાઈટ રાઇડર્સ સામે એકતરફી વિજય મેળવી. આ જીત સાથે હૈદરાબાદે પોઈન્ટ ટેબલમાં પોતાનું ખાતું ખોલ્યું, જ્યારે KKR સતત બીજી મેચ હારી ગયું.
સનરાઇઝર્સ હૈદરાબાદે પણ IPL 2026 માં જીતનું ખાતું ખોલ્યું છે. IPL 2026 ની છઠ્ઠી મેચમાં હૈદરાબાદે કોલકાતા નાઈટ રાઈડર્સ સામે જીત મળેવી હતી. ઈડન ગાર્ડન્સ ખાતે રમાયેલી આ હાઈ-સ્કોરિંગ મેચમાં પ્રથમ બેટિંગ કરતા SRH એ 20 ઓવરમાં 8 વિકેટે 226 રન બનાવ્યા હતા, પરંતુ મજબૂત શરૂઆત છતાં કોલકાતા નાઈટ રાઈડર્સ ખાસ કંઈ કરી શક્યા નહીં, અને સતત બીજી હારનો સામનો કરવો પડ્યો.
હૈદરાબાદે મોટો સ્કોર બનાવ્યો
ટોસ હારી પહેલા બેટિંગ કરવાનો નિર્ણય લેનાર સનરાઇઝર્સ હૈદરાબાદને અભિષેક શર્મા અને ટ્રેવિસ હેડે શાનદાર શરૂઆત અપાવી. અભિષેક શર્માએ 21 બોલમાં 48 રન બનાવ્યા અને ટ્રેવિસ હેડે 21 બોલમાં 46 રન બનાવ્યા. બંનેએ મળીને 34 બોલમાં 82 રનની વિસ્ફોટક ભાગીદારી કરી. ત્યારબાદ હેનરિક ક્લાસેને 52 રન સાથે મહત્વપૂર્ણ યોગદાન આપ્યું. આ દરમિયાન, નીતિશ કુમાર રેડ્ડીએ 39 રનની વિસ્ફોટક ઇનિંગ રમી, જેનાથી ટીમને આ સ્કોર સુધી પહોંચવામાં મદદ મળી.
મુઝરાબાનીએ 4 વિકેટ લીધી
બીજી તરફ, કોલકાતા નાઈટ રાઈડર્સની બોલિંગ મોંઘી સાબિત થઈ, પરંતુ ઝિમ્બાબ્વેના ફાસ્ટ બોલર બ્લેસિંગ મુઝરાબાનીએ શાનદાર પ્રદર્શન કર્યું. તેણે 4 ઓવરમાં 41 રન આપીને 4 વિકેટ લીધી. તેણે અભિષેક શર્મા, ઈશાન કિશન, હેનરિક ક્લાસેન અને શિવંગ કુમારને આઉટ કર્યા. આ વિસ્ફોટક બેટિંગ વચ્ચે મુઝરાબાનીએ પોતાની ક્ષમતા સાબિત કરવામાં સફળતા મેળવી.
— KolkataKnightRiders (@KKRiders) April 2, 2026
રન ચેઝમાં KKRના બેટ્સમેન નિષ્ફળ ગયા
227 રનના લક્ષ્યનો પીછો કરવા ઉતરેલી KKRની શરૂઆત સારી રહી, પરંતુ વિકેટો પડતી રહી, જેના કારણે ટીમ રન ચેઝમાં ઘણી પાછળ રહી ગઈ. અંગક્રિશ રઘુવંશીએ 52 રન બનાવ્યા હોય, પરંતુ તે પણ રન આઉટ થયો. રિંકુ સિંહ પણ 35 રન બનવી આઉટ થઈ ગયો. અગાઉ, ફિન એલને ઝડપી શરૂઆત કરી, 7 બોલમાં 28 રન બનાવ્યા, પરંતુ SRHના બોલરોએ કડક બોલિંગ કરી. પરિણામે, KKR માત્ર 161 રનમાં ઓલઆઉટ થઈ ગયું અને 65 રનથી મેચ હારી ગયું.
Breaking News: IPL ઓક્શનમાં કોઈએ ના ખરીદ્યો, રિપ્લેસમેન્ટ ખેલાડી તરીકે KKRમાં આવ્યો, હવે મચાવી ધમાલ
