Breaking News : યુવરાજ સિંહ બનશે ગુજરાત ટાઈટન્સનો બેટિંગ કોચ ? જાણો શું છે સત્ય
ટીમ ઈન્ડિયાનો પૂર્વ દિગ્ગજ બેટ્સમેન યુવરાજ સિંહ હાલમાં ગુજરાત ટાઈટન્સ ટીમ સાથે જોવા મળ્યો છે. આવી સ્થિતિમાં, સમાચાર આવી રહ્યા છે કે કદાચ તે GT સાથે નવી ઈનિંગ શરૂ કરી શકે છે. જોકે, હજુ સુધી કોઈ સત્તાવાર પુષ્ટિ થઈ નથી. પ્લેઓફ પહેલા ગુજરાત ટાઈટન્સને લીગ મેચોમાં સતત બે મેચમાં હારનો સામનો કરવો પડ્યો હતો. એવામાં GTનો કોચ આશિષ નેહરા યુવરાજ સિંહને ટીમમાં સામેલ કરી મોટો માસ્ટર સ્ટ્રોક રમી શકે છે.
ગુજરાત ટાઈટન્સે પ્લેઓફ પહેલા માસ્ટર સ્ટ્રોક રમ્યો છે. GT યુવરાજ સિંહને ટીમમાં સામેલ કરી શકે છે, જે IPLમાં ઘણી ટીમો માટે રમી ચૂક્યો છે. યુવરાજ સિંહ IPLમાં પંજાબ, મુંબઈ અને બેંગલુરુ તરફથી રમી ચૂક્યો છે. આવી સ્થિતિમાં, તે આ ટીમોની શક્તિ અને નબળાઈઓ જાણે છે. હવે ગુજરાત આ સિઝનના પ્લેઓફમાં યુવરાજના અનુભવનો લાભ લેવા માંગે છે. એટલા માટે ટીમનો કોચ આશિષ નેહરા યુવરાજ સિંહને ટીમમાં સામેલ કરવા માંગે છે. સોશિયલ મીડિયા પર શુભમન ગિલ સાથેનો તેનો ફોટો જોઈને આવી અટકળો લગાવવામાં આવી રહી છે.
યુવરાજ સિંહ-શુભમન ગિલ સાથે જોવા મળ્યા
T20Iમાં 6 બોલમાં 6 છગ્ગા ફટકારનાર યુવરાજ સિંહ IPLમાં પંજાબ કિંગ્સ, મુંબઈ ઈન્ડિયન્સ અને રોયલ ચેલેન્જર્સ બેંગલુરુ તરફથી રમી ચૂક્યો છે. આ સિઝનમાં, ત્રણેય ટીમો પ્લેઓફમાં સ્થાન મેળવી ચૂકી છે. આવી સ્થિતિમાં, ગુજરાત ટાઈટન્સ આ ત્રણેય ટીમોની શક્તિ અને નબળાઈઓ જાણવા માટે યુવરાજ સિંહને તેમની ટીમમાં સામેલ કરી શકે છે. ગુજરાત ટાઈટન્સે તેના સોશિયલ મીડિયા પેજ પર શુભમન ગિલ સાથે યુવરાજ સિંહનો ફોટો પોસ્ટ કર્યો છે. આ જોઈને અન્ય ટીમોની ચિંતા વધી ગઈ છે.
Ki haal chaal, #TitansFAM? pic.twitter.com/yhnPEZTdJr
— Gujarat Titans (@gujarat_titans) May 26, 2025
છેલ્લી બે મેચમાં GT હાર્યું
ગુજરાત ટાઈટન્સને લખનૌ સુપર જાયન્ટ્સ અને ચેન્નાઈ સુપર કિંગ્સ સામે હારનો સામનો કરવો પડ્યો હતો. લખનૌ સુપર જાયન્ટ્સે તેની છેલ્લી લીગ મેચમાં GTને 33 રનથી હરાવ્યું હતું જ્યારે ચેન્નાઈ સુપર કિંગ્સે GTને 83 રનથી હરાવ્યું હતું. આ બે હાર બાદ ટીમ મેનેજમેન્ટની ચિંતા ઘણી વધી ગઈ છે. GTએ પ્લેઓફ પહેલા પોતાની બધી નબળાઈઓ પર કામ કરવાનું શરૂ કરી દીધું છે. આ વાતને ધ્યાનમાં રાખીને GT યુવરાજ સિંહનો કોચિંગ ટીમમાં સમાવેશ કરી શકે છે.
ગુજરાત ટાઈટન્સ ટોપ-2 માં રહેશે?
જોકે, હજુ સુધી એ સ્પષ્ટ નથી કે ગુજરાત પ્લેઓફમાં કઈ ટીમનો સામનો કરશે. મંગળવાર, 27 મેના રોજ RCB અને LSG સામેની છેલ્લી લીગ મેચ પછી જ ખબર પડશે કે ગુજરાત ટાઈટન્સ ટોપ-2 માં રહે છે કે એક સ્થાન નીચે સરકી જાય છે.
આ પણ વાંચો: IPL 2025ની ફાઈનલમાં ઓપરેશન સિંદૂરની ઉજવણી કરાશે, BCCI ભારતીય સેનાનું કરશે વિશેષ સન્માન
