IND vs ENG: વૈભવ સૂર્યવંશીને ડેબ્યૂની તક મળશે, પરંતુ પહેલા ટીમ ઈન્ડિયાએ કરવું પડશે આ કામ

વૈભવ સૂર્યવંશીને માન્ચેસ્ટર T20 માં તક મળશે કે નહીં તે કોઈને ખબર નથી, પરંતુ ટીમ ઈન્ડિયાના ભૂતપૂર્વ ક્રિકેટર પાર્થિવ પટેલનો દાવો છે કે આ ખેલાડીને ચોક્કસ તક મળશે, પરંતુ ટીમ ઈન્ડિયાએ તેની સાથે આ અંગે ચર્ચા કરવાની જરૂર છે. પાર્થિવના મતે, શ્રેણીની પાંચ T20 મેચોમાંથી એકમાં વૈભવ સૂર્યવંશીને ચોક્કસપણે તક આપવામાં આવશે, પરંતુ ટીમ ઈન્ડિયાએ આ ખેલાડી સાથે ખાસ કાળજી રાખવાની જરૂર છે. પાર્થિવે જિયો હોટસ્ટાર સાથેના એક ઈન્ટરવ્યુમાં આ કોમેન્ટ કરી હતી.

વૈભવ સૂર્યવંશી સાથે વાત કરવી જરૂરી

જિયો હોટસ્ટાર સાથે વાત કરતા પાર્થિવ પટેલે કહ્યું, “મારું માનવું છે કે વૈભવ સૂર્યવંશીને આ શ્રેણીમાં ક્યાંકને ક્યાંક તક મળશે, પરંતુ આ સમયે તેની સાથે વાતચીત કરવી ખૂબ જ મહત્વપૂર્ણ છે. કોચિંગ સ્ટાફે ખેલાડી સાથે સ્પષ્ટ વાતચીત કરવી જોઈએ. ભલે તમે તેને તક ન આપી રહ્યા હોવ, છતાં પણ તમારે તેને જણાવવું જોઈએ. વૈભવ ફક્ત 15 વર્ષનો છે, તેથી તમારે તેની સાથે વધુ સાવધાની રાખવી જોઈએ. તેને ધીરજ રાખવાની સલાહ આપવી જોઈએ.” પાર્થિવના મતે, સંજુ સેમસન T20 વર્લ્ડ કપમાં પ્લેયર ઓફ ધ ટુર્નામેન્ટ હતો. ઈશાન કિશને શાનદાર બેટિંગ કરી હતી, અને અભિષેક શર્માએ પણ સારું પ્રદર્શન કર્યું હતું. હાલમાં, વૈભવ સૂર્યવંશીને પ્લેઈંગ ઈલેવનમાં સ્થાન મળે તેવી શક્યતા નથી, પરંતુ તેની સાથે આ વિશે વાત કરવી મહત્વપૂર્ણ છે.

માન્ચેસ્ટર T20 માં પણ તક મળવી મુશ્કેલ

નોંધનીય છે કે બીજી T20I માં વૈભવ સૂર્યવંશીને ભારતીય ટીમના પ્લેઈંગ ઈલેવનમાં તક મળે તેવી શક્યતા ઓછી છે. પહેલી T20I વરસાદને કારણે ધોવાઈ ગઈ હતી, પરંતુ ટીમ ઈન્ડિયાએ બેટિંગ પૂર્ણ કરી હતી, જેમાં સંજુ અને ઈશાન ફરીથી નિષ્ફળ ગયા હતા. જો કે, આ મેચ પછી, ભારતીય ટીમ મેનેજમેન્ટે સંકેત આપ્યો હતો કે તેઓ હાલમાં ટીમમાં કોઈ ફેરફાર કરશે નહીં. જો કે, સૂર્યવંશી જેવા ખેલાડીને કેટલા સમય માટે બેન્ચ પર રાખવામાં આવશે તે જોવું રસપ્રદ રહેશે.

FIFA World Cup 2026 : રાઉન્ડ ઓફ 16 ની 8 મેચોનું શેડ્યૂલ જાહેર, જાણો કઈ ટીમ ક્યારે, ક્યાં અને કોની સામે ટકરાશે