Breaking News: વૈભવ સૂર્યવંશીની થઈ લડાઈ, શ્રીલંકાના ખેલાડીને માર્યો ધક્કો, જુઓ Video

વૈભવ સૂર્યવંશી સામાન્ય રીતે એકદમ શાંત દેખાય છે, ફક્ત તેના બેટનો જ ધમાલ થાય છે, પરંતુ ઈન્ડિયા A અને શ્રીલંકા A વચ્ચેની મેચ દરમિયાન તેણે ખૂબ જ આક્રમક વલણ દર્શાવ્યું. મેચ બાદ સૂર્યવંશીએ શ્રીલંકા A ના ખેલાડીને ધક્કો પણ માર્યો હતો. જેનો વીડિયો સોશિયલ મીડિયામાં વાયરલ થયો હતો.

vaibhav suryavanshi fightImage Credit source: AI

Smit Chauhan | Updated on: Jun 15, 2026 | 7:28 PM

દામ્બુલામાં રમાઈ રહેલી ત્રિકોણીય શ્રેણીમાં ઈન્ડિયા A ટીમ શ્રીલંકા A ટીમ સામે સુપર ઓવરમાં હારી ગઈ. હાર બાદ ઈન્ડિયા A ટીમના ખેલાડી વૈભવ સૂર્યવંશીનો શ્રીલંકાના ખેલાડીઓ સાથે ઝઘડો થયો હતો. તેણે એક ખેલાડીને ધક્કો પણ માર્યો હતો. વૈભવ સૂર્યવંશીનો આ વીડિયો સોશિયલ મીડિયા પર વાયરલ થઈ રહ્યો છે. સૂર્યવંશી શ્રીલંકાના ખેલાડી પર કેમ ગુસ્સે થયો? સૂર્યવંશીએ શ્રીલંકાના ખેલાડીને કેમ ધક્કો માર્યો? ચાલો તમને કારણ જણાવીએ.

વૈભવ સૂર્યવંશીની શ્રીલંકાના ખેલાડીઓ સાથે લડાઈ

વૈભવ સૂર્યવંશી સામાન્ય રીતે બેટિંગથી આક્રમક હોય છે, પરંતુ શ્રીલંકા A સામે તે પોતાના શબ્દોથી વધુ આક્રમક હતો. ઈન્ડિયા A ની હાર પછી આ સ્પષ્ટ થયું. વૈભવ સૂર્યવંશી અને સૂર્યાંશ શેડગેએ સુપર ઓવરમાં 17 રન બનાવ્યા અને ઈન્ડિયા A મેચ હારી ગયું. ત્યારબાદ, શ્રીલંકા A ખેલાડીઓએ જોરશોરથી ઉજવણી શરૂ કરી. તેમની આક્રમક ઉજવણી વૈભવને ગમી નહીં, અને તે શ્રીલંકાના ખેલાડીઓ પાસે ગયો. સૂર્યવંશીએ એક ખેલાડીને ધક્કો પણ માર્યો. શક્ય છે કે શ્રીલંકાના કોઈ ખેલાડીએ સૂર્યવંશી વિશે કોમેન્ટ કરી હોય, પરંતુ વિરોધીને ધક્કો મારવો રમતની ભાવનાની વિરુદ્ધ છે. પરિસ્થિતિ વધુ વણસી શકી હોત, પરંતુ સૂર્યાંશ શેડગેએ તેને રોક્યો હતો.

Oh noo.. Wait for the ugly fight by Vaibhav Sooriyavanshi.. That’s too much for a 15 year old. ( If its true ) #SLAVINDA pic.twitter.com/zUS3FviHSr

— Nibraz Ramzan (@nibraz88cricket) June 15, 2026

વૈભવ સૂર્યવંશીને દંડ થઈ શકે

વૈભવ સૂર્યવંશીની મેદાન પરની આ હરકત માટે તેને કડક સજા થઈ શકે છે. ICC ના નિયમ અનુસાર કોઈ પણ ખેલાડી કોઈપણ ઝઘડા દરમિયાન બીજા ખેલાડીને સ્પર્શ કરી શકતો નથી. જો આવું થાય તો ખેલાડી પર પ્રતિબંધ પણ લાગી શકે છે. ICC ના નિયમ અનુસાર એક નાનો ધક્કો પણ લેવલ 1 નો ગુનો માનવામાં આવે છે, જેમાં ચેતવણી, મેચ ફી કાપવામાં આવે છે અને એક ડિમેરિટ પોઈન્ટ પણ આપવામાં આવે છે. લેવલ 2 ના નિયમ અનુસાર, બે થી ચાર ડિમેરિટ પોઈન્ટ માટે એક થી બે મેચ માટે પ્રતિબંધ અને મેચ ફી કાપવામાં આવે છે.

ઈન્ડિયા A ની હાર

વૈભવ સૂર્યવંશીએ આક્રમક વલણ દર્શાવ્યું, પરંતુ શ્રીલંકા A સામે તેનું બેટ નિષ્ફળ ગયું. તે 14 બોલમાં ફક્ત 21 રન બનાવી શક્યો. જોકે, સૂર્યાંશ શેડગેના 72 અને વિપરાજ નિગમના 51 રનની મદદથી ઈન્ડિયા A ટીમે 265 રન બનાવ્યા. શ્રીલંકાએ પણ 50 ઓવરમાં 265 રન બનાવ્યા અને મેચ ટાઈ થઈ. ત્યારબાદ મેચ સુપર ઓવરમાં ગઈ જ્યાં શ્રીલંકાએ 16 રન બનાવ્યા. જવાબમાં ઈન્ડિયા A ફક્ત 9 રન બનાવી શકી અને મેચ હારી ગઈ.