Breaking News : જો ક્વોલિફાયર 2 રદ થાય છે, તો IPL 2026 ફાઇનલ માટે કોને ટિકિટ મળશે, ગુજરાત કે રાજસ્થાન?

GT vs RR Qualifier 2 : આઈપીએલ 2026ની ફાઈનલની રેસ હવે નજીક આવી રહી છે. આ વખતે ફાઈનલમાં રોયલ ચેલેન્જર્સ બેંગ્લોર સામે કોણ આવશે તેનો સમય આવી ગયો છે. ફાઈનલની બીજી ટીમ માટે ગુજરાત ટાઈટન્સ અને રાજસ્થાન રોયલ્સ વચ્ચે ટકકર થશે. ગુજરાત અને રાજસ્થાન રોયલ્સ વચ્ચે પ્લેઓફ રાઉન્ડની બીજી ક્વોલિફાયર મેચ રમાશે. જીતનારી ટીમ સીધી ફાઈનલની ટિકિટ મળશે. તેમજ હારનારી ટીમની સફર સમાપ્ત થશે. પરંતુ જો વરસાદના કારણે આ મેચ રદ થઈ તો કઈ ટીમ ફાઈનલમાં જશે. જો તમારા મનમાં પણ આ સવાલ છે તો તેનો જવાબ આપણે આજે જાણીએ.

રદ થઈ મેચ તો કોણ ફાઈનલ રમશે?

રવિવારે 31 મેના રોજ અમદાવાદના નરેન્દ્ર મોદી સ્ટેડિયમમાં આઈપીએલ 2026ની ફાઈનલ રમાશે. જેમાં બેંગ્લોર પોતાનો ખિતાબ બચાવવા માટે મેદાનમાં ઉતરશે. તેનો સામનો ગુજરાત ટાઈટન્સ અથવા રાજસ્થાન રોયલ્સ બંન્નેમાંથી કોઈ એક સાથે થશે. ફાઈનલમાં પહોંચવા માટે બંન્ને ટીમ 29 મેના રોજ ક્વોલિફાયર-2માં ટકરાશે. જો આ દિવસે વરસાદ થયો કે, અન્ય કોઈ કારણોસર મેચ રદ થઈ તો. આ માટે કોઈ રિઝર્વ ડે રાખવામાં આવ્યો નથી. આઈપીએલના નિયમો અનુસાર મેચ પર નિર્ણય લેવામાં આવશે.

જો કોઈ પણ પરિસ્થિતિમાં આ મેચમાં એક પણ બોલ રમાય નહી. તો અમ્પાયર સૌથી પહેલા સુપર ઓવરનો પ્રયત્ન કરશે. જેના દ્વારા વિજેતા નક્કી થશે. જો સ્થિતિ એવી બને કે, સુપર ઓવર પણ ન રમાય તો લીગ સ્ટેજના પોઈન્ટ ટેબલના આધાર પર નિર્ણય લેવામાં આવશે. હાલની સીઝનમાં ગુજરાત ટાઈટન્સને ફાઈનલની ટિકિટ મળશે. આવું એટલા માટે કારણ કે, લીગ સ્ટેજ પછી પોઈન્ટ ટેબલમાં ગુજરાત ટાઈટન્સ બીજા સ્થાને હતી. જ્યારે રાજસ્થાન રોયલ્સ ચોથા સ્થાને રહી હતી.

મેચના દિવસે કેવું હશે વાતાવરણ?

આ દિવસે વરસાદ પડશે. તો જવાબ છે હવામાન વિભાગ અનુસાર 28 મેથી લઈ શુક્રવાર 29 મે સવાર સુધી ચંદીગઢ અને આસપાસના વિસ્તારની આસપાસના વિસ્તારોમાં કરા પડી શકે છે. આને લઈ ઓરેન્જ અલર્ટ પણ જાહેર કરવામાં આવ્યું છે. ત્યારબાદ વાતાવરણ સાફ રહેશે. વરસાદ કે કરા પડવાની કોઈ શક્યતા નથી.

IPL એ વિશ્વની સૌથી મોટી અને સૌથી લોકપ્રિય ક્રિકેટ લીગ છે. આ લીગને બીસીસીઆઈનો માસ્ટર સ્ટ્રોક માનવામાં આવે છે. વધુ સમાચાર માટે અહી ક્લિક કરો