IND vs PAK : પાકિસ્તાન સામેની મેચ પહેલા શુભમન ગિલ ઈજાગ્રસ્ત, ટીમ ઈન્ડિયાનું વધ્યું ટેન્શન
એશિયા કપમાં પાકિસ્તાન સામેની મેચ પહેલા વાઈસ કેપ્ટન શુભમન ગિલ ઈજા ઈજાગ્રસ્ત થયો હતો. ટીમ ઈન્ડિયાના ટ્રેનિંગ સેશન દરમિયાન શુભમન ગિલને હાથમાં ઈજા થઈ હતી, જેના કારણે ટીમ ઈન્ડિયાની મુશ્કેલીઓ વધી ગઈ છે.
પાકિસ્તાન સામેની મેચ પહેલા શુભમન ગિલને થયેલી ઈજાએ ટીમ ઈન્ડિયાનું ટેન્શન વધારી દીધું છે. એશિયા કપ 2025 માટે ટીમ ઈન્ડિયાના વાઈસ કેપ્ટન બનેલા ગિલને ટ્રેનિંગ સેશન દરમિયાન ઈજા થઈ હતી. ગિલને હાથમાં ઈજા થઈ હતી, જેના પછી તે પીડામાં જોવા મળ્યો હતો. ગિલ UAE સામે રમાયેલી ટુર્નામેન્ટની પહેલી મેચમાં સારા ફોર્મમાં જોવા મળ્યો હતો. આવી સ્થિતિમાં, પાકિસ્તાન સામેની મેચ પહેલા તેની ઈજા ટીમ ઈન્ડિયા માટે સારા સમાચાર નથી.
શુભમન ગિલને થઈ ઈજા
શુભમન ગિલ ઘાયલ થયા બાદ નેટ્સમાં હોબાળો મચી ગયો હતો. ટીમના ફિઝિયો તેની પાસે દોડી ગયા અને તેની ઈજા પર નજર રાખી. ઈજાગ્રસ્ત થયા બાદ ગિલ નેટ છોડીને ચાલ્યો ગયો. તે ઈજાગ્રસ્ત હાથને આઈસ બોક્સ પર રાખી બેઠો હતો. તે દરમિયાન કેપ્ટન સૂર્યકુમાર યાદવ અને કોચ ગૌતમ ગંભીર તેને તેની ઈજા વિશે પૂછતા જોવા મળ્યા. અભિષેક શર્માએ પાણીની બોટલ ખોલી અને તેને પીવા માટે આપી.
ગિલની ઈજા ગંભીર નથી
ગિલની ઈજા ખૂબ ગંભીર નહોતી. થોડીવાર પછી તે ફરીથી પ્રેક્ટિસ કરવા માટે નેટ પર પાછો ફર્યો. પ્રેક્ટિસ દરમિયાન, ટીમ ફિઝિયોએ તેના પર નજર રાખી. તેમણે સતત ગિલનું નિરીક્ષણ કર્યું. એકંદરે, એવું કહી શકાય કે ટીમ ઈન્ડિયાના દૃષ્ટિકોણથી ડરવાનું કંઈ નથી.
Shubman Gill face jasprit bumrah in the nets session pic.twitter.com/WtfZ5lgRPR
— GURMEET GILL (@GURmeetG9) September 13, 2025
ટીમ ઈન્ડિયાની દમદાર પ્રેક્ટિસ
પાકિસ્તાન સામેની મેચ પહેલા ટીમ ઈન્ડિયાએ નેટ્સમાં ખૂબ પરસેવો પાડ્યો છે. ભારતીય બેટ્સમેનોએ ખૂબ જ સખત પ્રેક્ટિસ કરી છે. પ્રેક્ટિસ દરમિયાન શુભમન ગિલે જસપ્રીત બુમરાહના બોલનો પણ સામનો કર્યો અને તેના શોટ્સ સરળતાથી રમતા જોવા મળ્યા.
બંને ટીમની ટુર્નામેન્ટમાં જીત સાથે શરૂઆત
ભારત અને પાકિસ્તાન વચ્ચે એશિયા કપ 2025ની મેચ દુબઈમાં રમાશે. આ ટુર્નામેન્ટમાં આ બંને ટીમોની બીજી મેચ હશે. આ પહેલા ભારતે UAEને હરાવ્યું હતું જ્યારે પાકિસ્તાન ક્રિકેટ ટીમે ઓમાનને હરાવ્યું હતું.
આ પણ વાંચો: IND vs PAK : ગૌતમ ગંભીર, હરભજન સિંહ સહિત આ 5 ક્રિકેટરો એશિયા કપમાં વિવાદોમાં ફસાયા
