સરકારી બેંકના નફામાં વધારો થયો, હવે રોકાણકારોને ડિવિડન્ડની ભેટ આપશે
સરકારી બેંક યુનિયન બેંક ઓફ ઈન્ડિયાએ 10 મે ના રોજ 31 માર્ચ 2024 એ પૂરા થયેલા ચોથા ક્વાર્ટરના પરિણામો જાહેર કર્યા છે. બેંકનો નફો વાર્ષિક ધોરણે 19 ટકા વધીને રૂપિયા 3,310.6 કરોડ થયો છે. યુનિયન બેંક ઓફ ઈન્ડિયાએ એક વર્ષ પહેલા આ ક્વાર્ટરમાં રૂપિયા 2,782.3 કરોડનો નફો નોંધાવ્યો હતો.
સરકારી બેંક યુનિયન બેંક ઓફ ઈન્ડિયાએ 10 મે ના રોજ 31 માર્ચ 2024 એ પૂરા થયેલા ચોથા ક્વાર્ટરના પરિણામો જાહેર કર્યા છે. બેંકનો નફો વાર્ષિક ધોરણે 19 ટકા વધીને રૂપિયા 3,310.6 કરોડ થયો છે. યુનિયન બેંક ઓફ ઈન્ડિયાએ એક વર્ષ પહેલા આ ક્વાર્ટરમાં રૂપિયા 2,782.3 કરોડનો નફો નોંધાવ્યો હતો.
બેંકે તેના રોકાણકારો માટે ડિવિડન્ડ જાહેર કર્યું છે. બેંકની ચોખ્ખી વ્યાજ આવક (NII) વિશે વાત કરીએ તો તે 14.4 ટકા વધીને રૂપિયા 9,436.6 કરોડ થઈ છે જ્યારે નાણાકીય વર્ષ 2023 ના સમાન ક્વાર્ટરમાં તે રૂપિયા 8,250.5 કરોડ હતી.
માર્ચ ક્વાર્ટરમાં બેન્કની ગ્રોસ એનપીએ 4.76 ટકા હતી જે ડિસેમ્બર ક્વાર્ટરમાં 4.83 ટકા હતી. ચોખ્ખી NPA 1.08 ટકાની સરખામણીએ ક્વાર્ટર-ઓન-ક્વાર્ટર ઘટીને 1.03 ટકા થઈ ગઈ છે.
શુક્રવારે બેંકનો શેર 0.070 ટકાના ઘટાડા સાથે 142 રૂપિયા પર બંધ થયો હતો. છેલ્લા એક વર્ષમાં બેંકના શેરમાં 101.56 ટકાનો વધારો જોવા મળ્યો છે.
ડિવિડન્ડની ઘોષણા કરાઈ છે. યુનિયન બેંકે તેના રોકાણકારો માટે 31 માર્ચ 2024 ના રોજ પૂરા થતા વર્ષ માટે રૂપિયા 3.60 ના ડિવિડન્ડની જાહેરાત કરી છે.
અગાઉ બેંકે મે 2023 માં 3 રૂપિયાના ડિવિડન્ડની જાહેરાત કરી હતી. મે 2022માં બેંકે 1.90 રૂપિયાનું અંતિમ ડિવિડન્ડ આપ્યું હતું.