અમિતાભ બચ્ચન પાસે છે આ કંપનીના 298545 શેર, એક વર્ષમાં આપ્યું 50 ટકાથી વધારે રિટર્ન
શેર આજે 5 માર્ચના રોજ 18.70 રૂપિયાના ઘટાડા સાથે બંધ થયા છે. શેર 528.85 ના સ્તર પર ખુલ્યો હતો અને 530.55 ના હાઈ લેવલ પર પહોંચ્યો હતો. શેર 3.535 ટકાના ઘટાડા સાથે 510.50 રૂપિયાના સ્તર પર બંધ થયો છે. શેરનું 52 વીકનું હાઈ લેવલ 681.45 રૂપિયા છે.
બોલિવૂડના એવા ઘણા સ્ટાર્સ છે જેઓ શેરબજારમાં રોકાણ કરે છે. જેમાંથી કેટલાક કલાકારો તેના દ્વારા મોટી કમાણી પણ કરી રહ્યા છે. બોલિવૂડના મહાનાયક અમિતાભ બચ્ચન પણ સ્ટોક માર્કેટમાં રોકાણ દ્વારા નફો મેળવી રહ્યા છે. અમિતાભ બચ્ચનના પોર્ટફોલિયોમાં ડીપી વાયર્સના શેર છે. આ કંપનીમાં અમિતાભ બચ્ચનનો હિસ્સો 1 ટકાથી વધારે છે.
અમિતાભ બચ્ચન પાસે ડીપી વાયર્સના 2,98,545 શેર છે, એટલે કે બીગ બી કંપનીમાં 1.93 ટકા હિસ્સો ધરાવે છે. સપ્ટેમ્બર ક્વાર્ટરની તુલનામાં અમિતાભ બચ્ચને કંપનીમાં તેનો હિસ્સો વધાર્યો છે. સપ્ટેમ્બર 2023ના ક્વાર્ટરમાં ડીપી વાયર્સની શેરહોલ્ડિંગ પેટર્ન મુજબ, અમિતાભ બચ્ચન પાસે કંપનીના 1,99,310 શેર હતા, જે કંપનીની કુલ ચૂકવેલ મૂડીના 1.47 ટકા હતા.
આ પહેલા એપ્રિલથી જૂન 2023ના ક્વાર્ટરમાં બીગ બી પાસે DP વાયર્સના 2,81,112 શેર હતા, જે કંપનીની કુલ ચૂકવેલ મૂડીના 2.07 ટકા હતા. એટલે કે અમિતાભ બચ્ચન સમયાંતરે કંપનીના શેર્સમાં પ્રોફિટ બુક કરતા રહ્યા છે.
DP વાયર્સના શેર આજે 5 માર્ચના રોજ 18.70 રૂપિયાના ઘટાડા સાથે બંધ થયા છે. શેર 528.85 ના સ્તર પર ખુલ્યો હતો અને 530.55 ના હાઈ લેવલ પર પહોંચ્યો હતો. શેર 3.535 ટકાના ઘટાડા સાથે 510.50 રૂપિયાના સ્તર પર બંધ થયો છે. શેરનું 52 વીકનું હાઈ લેવલ 681.45 રૂપિયા અને 52 સપ્તાહનું નીચું લેવલ 305.38 રૂપિયા છે.
ડીપી વાયર્સમાં પ્રમોટર્સ હોલ્ડિંગ 74.8 ટકા છે, જ્યારે પબ્લિક હોલ્ડિંગ 25.2 ટકા છે. કંપનીમાં કુલ 16,811 શેરહોલ્ડર્સ છે. કંપનીનું કુલ માર્કેટ કેપ 797 કરોડ રૂપિયા છે, જ્યારે દેવું 31.3 કરોડ રૂપિયા છે. કંપનીનો ટેક્સ બાદનો નફો 41.6 કરોડ રૂપિયા છે. કંપનીએ ત્રણ મહિનામાં -14.8 ટકા, છ મહિનામાં -7.62 ટકા અને એક વર્ષમાં 51.5 ટકા રિટર્ન આપ્યું છે. (નોંધ: આ રોકાણની સલાહ નથી. શેરબજાર જોખમોને આધીન છે. કોઈપણ રોકાણ કરતા પહેલા નિષ્ણાતની સલાહ લો.)