Reliance AGM : ઈશા અંબાણી 4 વર્ષમાં બનાવશે નવો રેકોર્ડ, આપ્યો સૌથી મોટો ટાર્ગેટ, જાણો વિગત
રિટેલ સ્ટોર્સની સંખ્યાના સંદર્ભમાં, રિલાયન્સ રિટેલ વિશ્વની ટોચની પાંચ રિટેલ કંપનીઓમાં સામેલ થઈ ગઈ છે. માર્કેટ કેપની દ્રષ્ટિએ, રિલાયન્સ રિટેલ વૈશ્વિક સ્તરે ટોચની 10 રિટેલ કંપનીઓમાંની એક છે જ્યારે આવકની દ્રષ્ટિએ તે ટોચની 30 કંપનીઓમાંની એક છે.
મુકેશ અંબાણીની દીકરી ઈશા અંબાણીએ તેના રિટેલ બિઝનેસ માટે એક નવું લક્ષ્ય નક્કી કર્યું છે. રિલાયન્સ ઈન્ડસ્ટ્રીઝની 47મી AGMમાં રોકાણકારોને સંબોધિત કરતી વખતે ઈશા અંબાણીએ કહ્યું કે તેમનો ટાર્ગેટ આગામી ત્રણથી ચાર વર્ષમાં કંપનીના બિઝનેસને બમણો કરવાનો છે. હાલમાં, રિલાયન્સ રિટેલ માર્કેટ કેપના સંદર્ભમાં વિશ્વની ટોચની 10 કંપનીઓમાંની એક છે. જ્યારે આવકની દ્રષ્ટિએ તેનો સમાવેશ વિશ્વની 30 રિટેલ કંપનીઓમાં થાય છે.
દેશની ટોચની રિટેલ કંપની રિલાયન્સ રિટેલના ડાયરેક્ટર ઈશા અંબાણીએ ગુરુવારે રિલાયન્સ ઈન્ડસ્ટ્રીઝની એજીએમના અવસર પર જણાવ્યું હતું કે કંપની આગામી ત્રણથી ચાર વર્ષમાં પોતાનો બિઝનેસ બમણો કરવાનો લક્ષ્યાંક ધરાવે છે. રિલાયન્સ રિટેલે નાણાકીય વર્ષ 2023-24માં રૂપિયા 3.06 લાખ કરોડની કુલ આવક મેળવી હતી, જે અગાઉના વર્ષ કરતાં 17.8 ટકા વધુ છે.
AGMને સંબોધતા રિલાયન્સ ઈન્ડસ્ટ્રીઝના રિટેલ યુનિટના ડાયરેક્ટર ઈશાએ જણાવ્યું હતું કે અમે જે મજબૂત પાયો બાંધ્યો છે તેના આધારે મને વિશ્વાસ છે કે અમે આગામી ત્રણ-ચાર વર્ષમાં અમારા રિટેલ બિઝનેસને બમણા કરવાનો લક્ષ્યાંક હાંસલ કરીશું. બીજી તરફ, રિલાયન્સના ચેરમેન મુકેશ અંબાણીએ શેરધારકોને સંબોધતા કહ્યું કે, રિટેલ સ્ટોર્સની સંખ્યાના સંદર્ભમાં, રિલાયન્સ રિટેલ વિશ્વની ટોચની પાંચ રિટેલ કંપનીઓમાં સામેલ થઈ ગઈ છે. માર્કેટ કેપની દ્રષ્ટિએ, રિલાયન્સ રિટેલ વૈશ્વિક સ્તરે ટોચની 10 રિટેલ કંપનીઓમાંની એક છે જ્યારે આવકની દ્રષ્ટિએ તે ટોચની 30 કંપનીઓમાંની એક છે.
મુકેશ અંબાણીએ જણાવ્યું હતું કે અમે આ વર્ષે 1,840 નવા સ્ટોર્સ ખોલ્યા છે, જેનાથી અમારા સ્ટોર્સની કુલ સંખ્યા 18,836 થઈ ગઈ છે. રિટેલ બિઝનેસે $100 બિલિયનના વેલ્યુએશનમાં રૂ. 17,814 કરોડ ઊભા કર્યા હતા. આ અવસર પર ઈશાએ કહ્યું કે રિલાયન્સ રિટેલ સૌથી ઝડપથી વિકસતા રિટેલર્સમાંના એક તરીકે ઉભરી આવ્યું છે, જે બાકીના બિઝનેસના ગ્રોથ રેટ કરતા 2.5 ગણા વધુ છે.
ઈશાએ કહ્યું કે "અમારો વિકાસ નાના શહેરો પરના અમારા ફોકસને કારણે થાય છે, જ્યાં અમારા બે તૃતીયાંશથી વધુ નવા સ્ટોર્સ ખુલી રહ્યા છે. આમાંના ઘણા બજારોમાં અમારી હાજરી સ્થાપિત કરનાર અમે પ્રથમ આધુનિક રિટેલર છીએ".
રિલાયન્સ રિટેલ કન્ઝ્યુમર બ્રાન્ડ્સ અંગે ઈશા અંબાણીએ જણાવ્યું હતું કે કંપની સમગ્ર દેશમાં વપરાશ વધારવા માટે પોસાય તેવા ભાવે ઉચ્ચ ગુણવત્તાની પ્રોડક્ટ્સ બનાવવા પર ધ્યાન કેન્દ્રિત કરી રહી છે. તેમણે કહ્યું કે અમે કેમ્પા, લોટસ ચોકલેટ્સ અને સોસિયો જેવી ઘણી લોકપ્રિય બ્રાન્ડ્સને ફરીથી રજૂ કરી છે. આ તમામ બ્રાન્ડ્સની પ્રારંભિક સફળતા અમને વિશ્વાસ આપે છે કે અમે સાચા માર્ગ પર છીએ.