નોકરી મળતાં જ NPSમાં રોકાણ કરવાનું કરો શરૂ, તમે થોડાં જ સમયમાં બનાવશો મોટું ફંડ, મળશે ટેક્સનો લાભ
કેન્દ્ર સરકારે 2004માં સરકારી કર્મચારીઓ માટે NPS સ્કીમ શરૂ કરી હતી અને પછી 2009માં તેને સામાન્ય લોકો માટે શરૂ કરી હતી. NPS સ્કીમમાં રોકાણ કરવાની બે રીત છે. જેમાં તમે ટિયર 1 અને ટિયર 1 પદ્ધતિ પસંદ કરીને રોકાણ શરૂ કરી શકો છો.
નોકરી કરતા લોકોની વધતી જતી ઉંમર તેમને નિવૃત્તિ વિશે ચિંતિત બનાવે છે. જો તમે તમારી નિવૃત્તિ સુરક્ષિત રાખવા માંગો છો તો તમારે નોકરી મળતાની સાથે જ NPS (નેશનલ પેન્શન સ્કીમ)માં રોકાણ કરવાનું શરૂ કરી દેવું જોઈએ. જો તમે હજુ સુધી શરૂ કર્યું નથી તો તમારે તેને શક્ય તેટલી વહેલી તકે શરૂ કરવું જોઈએ. NPS સ્કીમ કેન્દ્ર સરકારની સ્કીમ છે. જેમાં રોકાણ કરેલી રકમ અને તેના પર મળતું વળતર 100 ટકા કરમુક્ત છે. આજે અમે તમને NPS સ્કીમ વિશે વિગતવાર જણાવી રહ્યા છીએ. અમે તમને એ પણ જણાવીશું કે આ સ્કીમનો મહત્તમ લાભ કેવી રીતે મેળવવો.
NPS યોજના ક્યારે શરૂ થઈ? : કેન્દ્ર સરકારે 2004માં સરકારી કર્મચારીઓ માટે NPS સ્કીમ શરૂ કરી હતી અને પછી 2009માં તેને સામાન્ય લોકો માટે શરૂ કરી હતી. NPS સ્કીમમાં રોકાણ કરવાની બે રીત છે. જેમાં તમે ટિયર 1 અને ટિયર 1 પદ્ધતિ પસંદ કરીને રોકાણ શરૂ કરી શકો છો.
NPSમાં કોણ રોકાણ કરી શકે છે? : NPS સ્કીમ સારું રિટર્ન, ફ્લેક્સિબિલિટી અને ટેક્સ બેનિફિટ આપે છે. આ યોજનામાં રોકાણ 18 થી 60 વર્ષની વય વચ્ચે કરી શકાય છે. NPS એકાઉન્ટ ઓનલાઈન અને ઓફલાઈન બંને રીતે ખોલી શકાય છે. ઑફલાઇન મોડ માટે તમારે પોસ્ટ ઑફિસ અથવા બેંકમાં જવું પડશે જ્યારે ઑનલાઇન મોડમાં તમે ખાતું ખોલી શકો છો અને ઘરેથી રોકાણ કરવાનું શરૂ કરી શકો છો.
NPS ખાતામાં રોકાણ કરવાની પદ્ધતિ : NPS ખાતા બે પ્રકારના હોય છે - ટાયર 1 અને ટાયર 2. ટિયર-1 ખાતું ખોલવું જરૂરી છે. આ પછી જ તમે ટિયર-2 એકાઉન્ટ ખોલી શકો છો. ટિયર-1 એ પેન્શન ખાતું છે જે ફરજિયાત છે અને જેમાંથી પૈસા ઉપાડવાની મંજૂરી નથી, પરંતુ ટિયર-2 એ સ્વૈચ્છિક બચત ખાતું છે જેમાંથી ગ્રાહક જ્યારે ઇચ્છે ત્યારે પૈસા ઉપાડી શકે છે. તમે આ સ્કીમમાં 1,000 રૂપિયાથી રોકાણ શરૂ કરી શકો છો.
NPS યોજનામાં વળતર : NPS હેઠળનું વળતર સંપૂર્ણપણે બજાર આધારિત છે એટલે કે પેન્શન ફંડ યોજનાઓની NAV પર આધારિત. NPSમાંથી બહાર નીકળવાના સમય સુધીના લાભો એકંદરે કરેલા યોગદાન અને રોકાણ વૃદ્ધિ પર આધાર રાખે છે.