ચોમાસામાં ફોગાઈ જાય છે પગ? તો ઇન્ફેક્શથી બચવા અપનાવો આ ઘરેલુ ઉપચાર
વરસાદના પાણીને કારણે પગમાં ફંગલ ઇન્ફેક્શન થવાનું જોખમ વધારે છે. ત્વચા ફોગાઈ જાય કે તેમાં ચીરા પડી જાય અને બળતરા થવા લાગે તો તેમાંથી રાહત મેળવવા માટે ઘરેલું ઉપચાર પણ અજમાવી શકાય છે.
કોઈપણ હવામાનની અસર સૌથી પહેલા આપણી ત્વચા પર પડે છે. ચોમાસામાં વરસાદનું પાણી આપણી ત્વચાને અનેક રીતે નુકસાન પહોંચાડે છે. પગમાં ચીરા પડવા કે ફંગલ ઈન્ફેક્શન થવાનું જોખમ વધી જાય છે. વાસ્તવમાં આ પાણીની સાથે માટી અને ગંદા બેક્ટેરિયાને કારણે આમ બને છે. ત્યારે ચોમાસામાં પગ કોહવાતા બચવા કે ફંગલ ઈન્ફેક્શનના ખતરાની બચવા શું કરવું ચાલો જાણીએ.
બજારમાં એવી ઘણી વસ્તુઓ ઉપલબ્ધ છે જે ફૂગ, ઈન્ફેક્શન, કટ અથવા બર્નિંગની સમસ્યાથી રાહત આપી શકે છે. પરંતુ ઘરેલું ઉપચાર પણ ઘણી હદ સુધી રાહત આપી શકે છે. ત્યારે આ ઘરેલુ ઉપચાર અજમાવી તમે ફંગલ ઇન્ફેક્શનના ખતરાથી બચી શકો છો
સ્વચ્છતાનું ધ્યાન રાખો : વરસાદ દરમિયાન પગ અથવા ત્વચાને ઈન્ફેક્શન કે બળતરાથી બચાવવા માટે સ્વચ્છતા સૌથી મહત્વપૂર્ણ છે. પગની વચ્ચે ગંદકી અને ભેજ ન થવા દો. આંગળીઓ વચ્ચે ઘણો ભેજ હોય છે, તેથી જ્યારે તે ભીની થઈ જાય, ત્યારે તેને તરત જ સારી રીતે સાફ કરો. એવી જગ્યાઓ પર વારે વારે જવાનું ટાળો જ્યાં પગ ભીના થઈ જાય. આ સમય દરમિયાન, ફીટ બુટ પહેરવાનું ટાળો તેના કારણે પગ કોહવાઈ શકે છે
નાળિયેર તેલ : કોઈપણ ઋતુમાં ત્વચાને મોઈશ્ચરાઈઝ્ડ રાખવી જરૂરી છે કારણ કે આ રીતે તે પોતાની જાતને ઠીક કરવામાં સક્ષમ છે. તેથી રાત્રે સૂતા પહેલા પગ, હાથ અને ચહેરાની ત્વચા પર નારિયેળ તેલ લગાવો. તેમાં એન્ટીબેક્ટેરિયલ ગુણ હોય છે અને ત્વચાને લાંબા સમય સુધી મોઈશ્ચરાઈઝ રાખે છે. વરસાદની મોસમમાં, તમારી આંગળીઓ પર નારિયેળનું તેલ લગાવવું અને રાત્રે સૂવું શ્રેષ્ઠ છે.
એલોવેરા જેલ મદદ કરશે : એલોવેરા જેલ ત્વચા માટે વરદાન છે. આ એક મફત અને અસરકારક ઉપાય છે કારણ કે તેમાં એન્ટી-બેક્ટેરિયલ ગુણધર્મો છે. ત્વચાને સુધારવા માટે એલોવેરાનો ઉપયોગ શ્રેષ્ઠ ઘરેલું ઉપાય છે. જો ત્વચા કપાઈ ગઈ હોય અથવા તેના પર બળતરા થતી હોય તો રાત્રે સૂતા પહેલા તેને સારી રીતે સાફ કરો અને તેના પર એલોવેરા જેલ લગાવો.
લીમડાના પાન : લીમડામાં ઘણા ગુણો છે, તેથી તે ત્વચાની સંભાળમાં શ્રેષ્ઠ છે. લીમડાના રસનો ઉપયોગ અનેક બ્યુટી પ્રોડક્ટ્સમાં થાય છે. કુદરતી રીતે તમારી ત્વચાની સંભાળ રાખવા માટે તમે લીમડાના પાનનો સહારો લઈ શકો છો. તમારે એક ડોલમાં ગરમ કે નવશેકું પાણી લઈને તેમાં લીમડાના પાનનો રસ નાખવો. હવે ઈન્ફેક્શનથી પ્રભાવિત પગને તેમાં થોડો સમય રાખો. લગભગ 15 મિનિટ પછી, ત્વચાને સામાન્ય પાણીથી ધોઈ લો. તેના એન્ટીબેક્ટેરિયલ ગુણ ત્વચાને ઝડપથી સ્વસ્થ કરવામાં મદદ કરશે.
દિવેલની માલીશ : જો આ દરમિયાન ચામડી ફાટી ગઈ હોય કે વરસાદમાં પલળ્યા પછી ચામડી ઉતરી જતી હોય તો દિવેલથી માલીશ કરો. આમ થોડા દિવસ કરતા તમારા પગની ચામડી એકદમ સ્વસ્થ થઈ જશે.