Shubman gill New House : પિતાએ છોડ્યું હતું ઘર, પુત્રએ બનાવ્યો કરોડોનો મહેલ, જુઓ ફોટા
ટીમ ઈન્ડિયાના સ્ટાર બેટ્સમેન શુભમન ગિલે પોતાના પરિવાર સાથે લોહરીનો તહેવાર ખૂબ જ ધામધૂમથી ઉજવ્યો હતો. શુભમન ગિલ અને તેના પરિવાર માટે નવા ઘરમાં આ પહેલી લોહરી હતી. ગિલ પરિવારના તમામ લોકો કરોડોની કિંમતના નવા ઘરમાં એન્જોય કરતા જોવા મળ્યા હતા.
ઓસ્ટ્રેલિયા પ્રવાસમાં ટીમ ઈન્ડિયાના સ્ટાર ખેલાડી શુભમન ગિલનું પ્રદર્શન અપેક્ષા મુજબનું નહોતું. જો કે, ભૂતકાળને ભૂલીને તેઓ હવે ભવિષ્યની મેચોમાં તેની ભરપાઈ કરવા માંગશે. પરંતુ હાલમાં તે પોતાના ઘરે પરિવાર સાથે આનંદ માણી રહ્યો છે.
લોહરીના ખાસ અવસર પર શુભમન ગિલ તેના આખા પરિવાર સાથે જોવા મળ્યો હતો. તેણે પોતાના નવા આલીશાન મકાનમાં પોતાના પરિવાર સાથે લોહરીનો તહેવાર ખૂબ જ ધામધૂમથી ઉજવ્યો હતો. ગિલે સોશિયલ મીડિયા પર તસવીરો શેર કરીને તેના ચાહકોને આ માહિતી આપી હતી.
13 જાન્યુઆરીના રોજ દેશભરમાં લોહરીનો તહેવાર ઉજવવામાં આવ્યો હતો. આ પ્રસંગે ગિલ પણ તેના પરિવાર સાથે હાજર હતો. તેણે પોતાના નવા ઘરમાં આખા પરિવાર સાથે આ તહેવારની ઉજવણી કરી. એક દિવસ પછી 14 જાન્યુઆરીએ શુભમન ગિલે તેના સોશિયલ મીડિયા હેન્ડલ પરથી તસવીરો પોસ્ટ કરી અને એક વીડિયો પણ શેર કર્યો હતો. આમાં તેના પરિવારના સભ્યો પવિત્ર અગ્નિ પ્રગટાવવાની તૈયારી કરતા જોવા મળ્યા હતા.
તસવીરોમાં શુભમનના માતા-પિતા અને તેની બહેન ઉપરાંત તેની નજીકના અન્ય લોકો પણ જોવા મળે છે. ગિલે પોસ્ટની સાથે એક ખાસ કેપ્શન પણ આપ્યું છે. સ્ટાર બેટ્સમેને લખ્યું, 'નવું ઘર, જૂની પરંપરાઓ. નવા ઘરમાં પહેલી લોહરી ખૂબ હૂંફ, ખુશીઓ અને ઘણા આભાર સાથે. તમને જણાવી દઈએ કે ગિલના આ આલીશાન ઘરની કિંમત કરોડોમાં છે.
શુભમન ગિલને સફળ ક્રિકેટર બનાવવામાં તેમના પિતા લખવિંદર ગિલનો મોટો ફાળો હતો. કહેવાય છે કે તેઓ પોતે પણ ક્રિકેટર બનવા માંગતા હતા, પરંતુ આ શક્ય નહોતું તેથી તેમણે પોતાના પુત્રને ક્રિકેટર બનાવવામાં ખૂબ મહેનત કરી હતી.
ગિલનો જન્મ પંજાબના ફાઝિલ્કામાં થયો હતો. શુભમનની ક્રિકેટ તાલીમ માટે તેના પિતાએ તેમનું ફાઝિલ્કાનું ઘર છોડી દીધું અને મોહાલી રહેવા આવ્યા હતા. જો કે પિતાના બલિદાન અને સમર્પણના બદલામાં શુભમનને તેના પરિવારને હવે એક આલીશાન ઘર ભેટમાં આપ્યું છે. (All Photo Credit : INSTAGRAM / shubmangill)