IPL ઓક્શનમાં મુંબઈ ઈન્ડિયન્સે 30 લાખમાં ખરીદ્યો, આગલી જ મેચમાં અર્જુન તેંડુલકરનું ફ્લોપ પ્રદર્શન
સૈયદ મુશ્તાક અલી ટ્રોફીમાં અર્જુન તેંડુલકરનું પ્રદર્શન ઘણું ખરાબ રહ્યું છે. અર્જુન 3 મેચમાં માત્ર એક જ વિકેટ લઈ શક્યો છે અને તેનો ઈકોનોમી રેટ પણ ઘણો ઊંચો છે. IPL 2025ની હરાજીમાં અર્જુન તેંડુલકરને ટીમ મળી હતી પરંતુ તેના પ્રદર્શનમાં સુધારો નથી થઈ રહ્યો.
IPL 2025ની હરાજીમાં છેલ્લી ક્ષણે અર્જુન તેંડુલકરને ખરીદનાર મળ્યો. ફરી એક વાર તેને મુંબઈ ઈન્ડિયન્સે 30 લાખ રૂપિયાની મૂળ કિંમતે ખરીદ્યો.
જો કે, હરાજીની આગલી જ મેચમાં અર્જુન તેંડુલકર સાથે કંઈક એવું થયું જેની તેણે બિલકુલ અપેક્ષા પણ નહીં કરી હોય.
સૈયદ મુશ્તાક અલી ટ્રોફીની મેચમાં અર્જુન તેંડુલકરનું પ્રદર્શન ખૂબ જ ખરાબ રહ્યું છે. આંધ્ર પ્રદેશ સામેની મેચમાં ગોવા તરફથી રમતા અર્જુન તેંડુલકરે એક વિકેટ લીધી હતી પરંતુ 22 બોલમાં 36 રન આપી દીધા હતા.
આ મેચમાં ગોવાને પણ આંધ્ર પ્રદેશ સામે મોટી હારનો સામનો કરવો પડ્યો હતો. ગોવાને આંધ્ર પ્રદેશે 8 વિકેટે હરાવ્યું હતું. પ્રથમ બેટિંગ કરતા ગોવાની ટીમ 20 ઓવરમાં માત્ર 154 રન જ બનાવી શકી, જવાબમાં આંધ્રએ 15.4 ઓવરમાં જ લક્ષ્યાંક હાંસલ કર્યો.
આ હાર સાથે ગોવાએ પરાજયની હેટ્રિક નોંધાવી હતી. ગોવા પ્રથમ મેચ મુંબઈ સામે, બીજી મેચ સર્વિસીસ સામે અને ત્રીજી મેચ તેઓ આંધ્ર પ્રદેશ સામે હાર્યા. (All Photo Credit : PTI)