બધી આશાઓ તૂટી ગઈ ! ભારત WTC ફાઈનલની રેસમાંથી બહાર, આ ટીમો વચ્ચે ટાઈટલ ટક્કર થશે
ભારતીય ટીમને ઓસ્ટ્રેલિયા વિરુદ્ધ બોર્ડર-ગાવસ્કર ટ્રોફીમાં 2024-05માં 1-3થી હારનો સામનો કરવો પડ્યો છે. આ હારની સાથે ટીમ ઈન્ડિયા વર્લ્ડ ટેસ્ટ ચેમ્પિયનશીપ 2023-25ની ફાઈનલમાં પહોંચવાનું સપનું પણ તુટી ગયું છે.
ટીમ ઈન્ડિયા માટે ઓસ્ટ્રેલિયા પ્રવાસ ખુબ ખરાબ રહ્યો હતો. બોર્ડર ગાવસ્કર ટ્રોફી 2024-25માં ભારતીય ટીમને 1-3થી હારનો સામનો કરવો પડ્યો છે. બંન્ને ટીમ વચ્ચે આ સીરિઝની છેલ્લી મેચ સિડની ક્રિકેટ ગ્રાઉન્ડમાં રમાઈ હતી. ભારતીય ટીમ 3 દિવસમાં જ મેચ હારી ગઈ છે. આ હારની અસર વર્લ્ડ ટેસ્ટ ચેમ્પિયનશિપ પર પડી છે.
ટીમ ઈન્ડિયાની હવે ફાઈનલમાં પહોંચવાની તમામ આશા તુટી ગઈ છે. વર્લ્ડ ટેસ્ટ ચેમ્પિયનશિપ 2023-25ની ફાઈનલની રેસમાં હવે ભારત બહાર થઈ ગયું છે. ટીમ ઈન્ડિયાને રેસમાં રહેવા માટે હવે આ સીરિઝ કોઈપણ ભોગે આ સિરીઝ ટાઈ પર સમાપ્ત કરવી જોઈતી હતી. પરંતુ તેણી આમ કરવામાં નિષ્ફળ રહી.
આનો અર્થ એ થયો કે વર્લ્ડ ટેસ્ટ ચેમ્પિયનશિપના ઈતિહાસમાં આ પહેલીવાર હશે જ્યારે ફાઈનલ મેચ ટીમ ઈન્ડિયા વગર રમાશે.
આ પહેલા છેલ્લા 2 વખત ભારતીય ટીમે ફાઈનલમાં સ્થાન બનાવ્યું હતુ. પરંતુ આ વખતે વર્લ્ડ ટેસ્ટ ચેમ્પિયનશીપના ચક્રમાં ટીમ ઈન્ડિયા કાંઈ ખાસ પ્રદર્શન કરી શકી નહિ. તેમણે ઓસ્ટ્રેલિયાની સાથે-સાથે ન્યુઝીલેન્ડ વિરુદ્ધ ટેસ્ટ પણ હારી હતી. જે ભારતમાં જ રમાઈ હતી.
હવે આપણે વર્લ્ડ ટેસ્ટ ચેમ્પિયનશીપ 2023-05ની શરુઆત ટીમ ઈન્ડિયાએ વેસ્ટઈન્ડિઝ વિરુદ્ધ 2 મેચની ટેસ્ટ સીરિઝની સાથે કરી હતી. આ સીરિઝ ભારતીય ટીમે 1-0થી પોતાને નામ કરી હતી.ત્યારબાદ સાઉથ આફ્રિકા વિરુદ્ધ રમાયેલી 2 મેચની ટેસ્ટ સીરિઝ 1-1ની બરાબરી પર પૂર્ણ થઈ હતી.
ત્યારબાદ ટીમ ઈન્ડિયાનો સામનો ઈંગ્લેન્ડ સામે થયો હતો. આ સીરિઝમાં ટીમ ઈન્ડિયાએ 4-1થી જીત મેળવી હતી. ત્યારબાદ બાંગ્લાદેશને પણ 2 મેચની સીરિઝમાં 2-0થી હરાવ્યું હતુ પરંતુ ત્યારબાદ તેમણે ન્યુઝીલેન્ડ વિરુદ્ધ 3 મેચની સીરિઝમાં 0-3થી હારનો સામનો કરવો પડ્યો અને હવે ઓસ્ટ્રેલિયા વિરુદ્ધ પણ હાર મળી છે.