Coldplay Concert : કોલ્ડપ્લે કોન્સર્ટમાં જઈ રહ્યા છો તો, આ વસ્તુઓ ઘરે જ મુકીને જજો, આ વસ્તુઓ સાથે એન્ટ્રી નહીં મળે
જો તમે પણ ક્રિસ માર્ટિનના ખૂબ મોટા ચાહક છો અને તેમના આગામી કોન્સર્ટમાં જવા આતુર છો, તો કેટલીક મહત્વપૂર્ણ બાબતો જાણો.જો તમે અમદાવાદમાં કોલ્ડપ્લે કોન્સર્ટમાં જઈ રહ્યા છો. તો આ વસ્તુઓ અંદર લઈ જઈ શકતા નહિ.
અમદાવાદના નરેન્દ્ર મોદી સ્ટેડિયમમાં 25 અને 26 જાન્યુઆરીના રોજ કોલ્ડપ્લેનો લાઈવ કોન્સર્ટ છે. જેને લઈ ચાહકોમાં એક અલગ જ ઉત્સાહ જોવા મળી રહ્યો છે. અમદાવાદ પહેલા કોલ્ડપ્લે કોન્સર્ટ મુંબઈમાં ધુમ બોલાવી રહી છે.
તમને જણાવી દઈએ કે કોન્સર્ટનો સંપૂર્ણ આનંદ માણવા માટે, સ્થળની અંદર અમુક વસ્તુઓ લઈ જવાની સખત મનાઈ છે. તો કોન્સર્ટમાં જતા પહેલા, આ બધી પ્રતિબંધિત વસ્તુઓ વિશે માહિતી નીચે આપેલ છે.
જો તમે કોન્સર્ટનો આનંદ માણવા માંગતા હો, તો ચેકલિસ્ટ બનાવવાની સલાહ આપવામાં આવી છે. ચાલો આ બધી પ્રતિબંધિત વસ્તુઓ વિશે જાણીએ.
ગુજરાતમાં કોલ્ડપ્લે કોન્સર્ટને લઈ પશ્ચિમ રેલવેએ ચાહકોને ગુડ ન્યુઝ આપ્યા છે. 25 અને 26 જાન્યુઆરીના 2 દિવસ મુંબઈ થી અમદાવાદ વચ્ચે ખાસ ટ્રેન પણ શરુ કરવામાં આવી છે. અમદાવાદમાં કોલ્ડપ્લે કોન્સર્ટમાં કેટલીક વસ્તુઓને લઈ જવા પર પણ પ્રતિબંધ છે.
જો તમે પણ અમદાવાદના કોલ્ડપ્લે કોન્સર્ટમાં જઈ રહ્યા છો. તો ગાઈડલાઈન અનુસાર તમારી પાસે કોન્સર્ટમાં સામેલ થવા માટે સરકારી આઈડી પ્રુફ હોવું જરુરી છે.કોન્સર્ટની સુરક્ષાને ધ્યાનમાં રાખીને, સ્થળ પર અનેક સ્તરે સુરક્ષા તપાસ કરવામાં આવશે.
આ આયોજનને સફળ અને સુરક્ષિત બનાવવા માટે કેટલીક વસ્તુઓને અંદર લઈ જવા માટે પણ પ્રતિબંધ મુકવામાં આવ્યો છે.કોન્સર્ટમાં જઈ રહ્યા છો તો તમે લેપટોપ, ટેબલેટ,પાવર બેન્ક પેન લેઝર, ઈ-સિગારેટ, ટેન્ટ, કંબલ,સ્લિપિંગ બેગ,ડ્રગ્સ, ખાવા-પીવાનો સામાન, સનસ્ક્રીન, હથિયાર,બ્લેડ રમકડાં જેવી વસ્તુઓ અંદર લઈ જઈ શકશો નહિ.
કોન્સર્ટ ટિકિટનો ક્રેઝ ખુબ છે. ટિકિટ ખરીદવા માટે અંદાજે1.3 કરોડ લોકોએ BookMyShow માં લોગ ઇન કર્યું હતું. ગયા વર્ષે સપ્ટેમ્બરમાં થયેલા કોન્સર્ટ માટે 1.5 લાખ ટિકિટ ઉપલબ્ધ હતી અને બધી ટિકિટો માત્ર 30 મિનિટમાં જ વેચાઈ ગઈ હતી.કાચની બોટલ, એલ્યુમિનિયમ બોટલ અંદર લઈ જઈ શકશો નહિ.
