મુંબઈથી રાજસ્થાન જશે આ નવી ટ્રેન, કુલ 22 સ્ટેશનો, ગુજરાતના આ 11 સ્ટેશનોમાંથી પસાર થશે
બાંદ્રા ટર્મિનસથી બાડમેર હમસફર એક્સપ્રેસ નવી ટ્રેન શરૂ કરવામાં આવી છે. તે 3 રાજ્યમાંથી પસાર થશે-મહારાષ્ટ્ર, ગુજરાત અને રાજસ્થાન. જેમાં 22 સ્ટેશનનો સમાવેશ થાય છે એમાં પણ 11 સ્ટેશનો તો ગુજરાતના જ છે.
સ્પેશિયલ ટ્રેન નંબર 12997 બાંદ્રા ટર્મિનસથી બાડમેર હમસફર એક્સપ્રેસ નવી ટ્રેન શરૂ કરવામાં આવી છે. આ ટ્રેન 03 જાન્યુઆરી 2024થી શરૂ થઈ છે. ગુજરાતના મુસાફરો પણ આ ટ્રેનનો વિશેષ લાભ લઈ શકશે.
ભારતીય રેલવે વિભાગે એક નવી ટ્રેન શરૂ કરી છે. જે મુંબઈના બાંદ્રા ટર્મિનસથી ઉપડશે અને રાજસ્થાનના બાડમેર સ્ટેશન સુધીની સફર કરશે. આ ટ્રેનનો વિશેષ લાભ ગુજરાત રાજ્યને થશે. કેમ કે આ ટ્રેન ગુજરાતના 11 શહેરોમાંથી પસાર થશે.
ગુજરાતના વાપી, વલસાડ, સુરત, અંકલેશ્વર જં., વડોદરા જં., આણંદ જં., નડિયાદ જં., અમદાવાદ જં., મહેસાણા, પાટણ તેમજ ભીલડી શહેરોનો સમાવેશ થાય છે. આ રુટના પેસેન્જરો આ ટ્રેનનો લાભ લઈ શકશે.
આ ટ્રેનમાં જો સુરતથી બાડમેર જવું હશે તો 3Aના 1100 રૂપિયા તેમજ સ્લિપિંગ કોચના 415 રુપિયા થાય છે. અમદાવાદથી બાડમેર સુધી જવું હશે તો 3Aના 870 અને સ્લિપિંગ કોચના 335 રુપિયા થશે. આ ભાવ જનરલ કોટાના આપેલા છે.
આ પેસેન્જર ટ્રેનનો સમય રાત્રે 23:55 વાગ્યે બાંદ્રા ટર્મિનસથી ઉપડશે અને છેલ્લા સ્ટેશન બાડમેર 17:55 વાગ્યે પહોંચશે. એમ આ ટ્રેન આખા રુટ દરમિયાન 994 કિમી જેટલું અંતર કાપશે.
Published On - 3:55 pm, Wed, 3 January 24