અમદાવાદ શાંતિ બિઝનેસ સ્કૂલ ખાતે 13મો દિક્ષાંત સમારોહ યોજાયો, જુઓ Photos
શાંતિ બિઝનેસ સ્કૂલે 2022-24 બેચના 150 PGDM વિદ્યાર્થીઓનો 13મો દીક્ષાંત સમારોહ ઉજવ્યો. ચિરીપાલ ચેરીટેબલ ટ્રસ્ટના ચેરમેન બ્રિજમોહન ચિરીપાલે અધ્યક્ષતા કરી. ડો. નેહા શર્માએ વિદ્યાર્થીઓને શ્રેષ્ઠતા અને નવીનતા જાળવવા પ્રેર્યા.
શાંતિ બિઝનેસ સ્કૂલમાં વર્ષ 2022-24 ક્લાસના PGDM વિદ્યાર્થીઓ માટેનો 13મો દિક્ષાંત સમારોહ યોજાયો હતો. આ કાર્યક્રમમાં વર્ષ 2024માં અનુસ્નાતક થયેલા શાંતિ બિઝનેસ સ્કૂલના 150 વિદ્યાર્થીઓને ડિગ્રી એનાયત કરવામાં આવી.
ચિરીપાલ ચેરીટેબલ ટ્રસ્ટના ચેરમેન બ્રિજમોહન ચિરીપાલે દીક્ષાંત સમારોહની અધ્યક્ષતા કરી હતી.
આ પ્રસંગે શાંતિ બિઝનેસ સ્કૂલના ડાયરેક્ટર ડૉ. નેહા શર્મા એ કહ્યું કે “દીક્ષાંત સમારોહ એ પ્રગતિ, પરિવર્તન અને પરિપૂર્ણતાનું પ્રતીક છે.
વધુમાં તેમણે જણાવ્યું કે, જેમ જેમ તમે તમારી યાત્રામાં આગળ વધો તેમ, શ્રેષ્ઠતા, નવીનતા અને સામાજિક જવાબદારીના મૂલ્યોને યાદ રાખો, તેમજ જીવનમાં સતત નવું શીખતા રહો."
આ કાર્યક્રમમાં ઓવરઓલ એકેડેમિક એક્સેલન્સ એવોર્ડ રાકેશ ઢાંકીને એનાયત કરવામાં આવ્યો હતો.
આ પ્રસંગે એસબીએસના એક્ઝિક્યુટિવ રજિસ્ટ્રાર કે.જી.કે. પિલ્લઈએ જણાવ્યું કે, આ અનુસ્નાતક વિદ્યાર્થીઓના પ્લેસમેન્ટ નેસ્લે, ફેડરલ બેંક, એસ અન્ડ પી ગ્લોબલ, એમઆરએફ, હિન્દુસ્તાન યુનિલિવર વગેરે જેવી પ્રતિષ્ઠિત કંપનીઓમાં થયેલા છે.