ગ્લોબલ રિનયુએબલ એનર્જી સમીટ બાદ આંધ્રપ્રદેશનું ડેલીગેશન વધુ એક વાર ગુજરાતની મુલાકાતે
ગુજરાતમાં પીપીપી ધોરણે અમલમાં આવેલ વિવિધ પ્રોજેક્ટ અને રોડ ઇન્ફ્રાસ્ટ્રક્ચર તથા માર્ગના નિર્માણના અભ્યાસ અર્થે, આંઘ્રપ્રદેશના માર્ગ અને મકાન પ્રધાનની અધ્યક્ષતામાં એક પ્રતિનિધિ મંડળ ગુજરાતની બે દિવસની મુલાકાતે આવ્યું છે. આ પ્રતિનિધિમંડળે, ગુજરાતના મુખ્ય પ્રધાન ભૂપેન્દ્ર પટેલને મળીને, રાજ્યમાં આકાર પામેલા અને નવા બની રહેલા વિવિધ પ્રોજેક્ટ તેમજ ટેકનોલોજી અંગે માહિતી મેળવી હતી.
આંધ્રપ્રદેશના માર્ગ મકાન અને ઇન્ફ્રાસ્ટ્રક્ચર ડેવલોપમેન્ટ મંત્રી બી. સી. જનાર્ધન રેડ્ડીની અધ્યક્ષતામાં ઉચ્ચસ્તરીય ડેલીગેશન ગુજરાતની બે દિવસીય મુલાકાતે આવ્યું છે.
આ ડેલીગેશને, ગુજરાતમાં રોડ ઇન્ફ્રાસ્ટ્રક્ચર અને માર્ગોના નિર્માણમાં ટેકનોલોજી સાથે ગુજરાતના પીપીપી મોડેલનો ડેલીગેશને કર્યો અભ્યાસ
મુખ્ય પ્રધાન ભૂપેન્દ્ર પટેલ સાથેની બેઠકમાં ગુજરાતના મહત્વપૂર્ણ પ્રોજેકટ અંગે થઈ ચર્ચા
ઈન્ફ્રાસ્ટ્રક્ચર ક્ષેત્રે ગાંધીનગરનો સ્ટેટ કેપિટલ તરીકે વિકાસ, સ્વર્ણિમ સંકુલનું નિર્માણ, સેન્ટ્રલ વિસ્ટા, મહાત્મા મંદિર, ગાંધીનગર રેલ્વે સ્ટેશન પ્રોજેકટ ને લઈ બેઠક માં ચર્ચા થઈ સાથે જ ગિફ્ટ સિટીની પણ મુલાકાત લઈ વિવિધ નિર્માણાધિન કાર્યોની પણ સમીક્ષા કરાઇ
મુખ્યમંત્રી ભૂપેન્દ્ર પટેલ સાથેની આજની બેઠકમાં આંધ્રપ્રદેશના વાહન વ્યવહાર તથા માર્ગ મકાન વિભાગના અગ્ર સચિવ કાંતિલાલ દાંડે તેમજ વરિષ્ઠ અધિકારીઓ ઉપસ્થિત હતા.