Teri Mitti Controversy : વિવાદને લઇને ગીતા રબારીએ આપ્યુ નિવેદન, કહ્યુ ‘કેટલાક લોકો દ્વારા મુદ્દો બનાવવામાં આવી રહ્યો છે’

Teri Mitti ના વિવાદને લઇને લેખક અને ગીતકાર મનોજ મુંતશિરે નિવેદન આપ્યુ છે કે જો સોન્ગ કોપી કરેલું નીકળશે તો તે હંમેશા માટે લખવાનું છોડી દેશે.

Geeta Rabari's first reaction on Teri Mitti controversy

TV9 Gujarati | Edited By: Bhavyata Gadkari | Updated on: Sep 29, 2021 | 1:03 PM

બોલીવૂડનું પ્રખ્યાત અને કેસરી ફિલ્મનું સોન્ગ તેરી મિટ્ટીને લઇને થોડા દિવસોથી વિવાદ ચાલી રહ્યો છે. સોન્ગના લેખક અને ગીતકાર મનોજ મુંતશિર (Manoj Muntashir) પર કવિતાને ચોરી કરવાનો આરોપ લાગ્યો છે. તેના પર આરોપ છે કે તેણે કેસરી ફિલ્મનું સોન્ગ તેરી મિટ્ટીને એક પાકિસ્તાની સોન્ગ પરથી કોપી કર્યુ છે. ત્યાર બાદથી જ સોશિયલ મીડિયા પર ચર્ચા થઇ રહી છે કે તેમણે આ સોન્ગ 2005 માં આવેલા એક પાકિસ્તાની સોન્ગ પરથી ઉઠાવ્યુ છે.

સમગ્ર વિવાદ પર મનોજે નિવેદન આપ્યુ હતુ કે જો સાબિત થાય છે કે તેરી મિટ્ટીને મે કોપી કર્યુ છે તો હું હંમેશા માટે લખવાનું છોડી દઇશ. ઓરિજનલ સોન્ગ પાકિસ્તાની હોવાની વાત સામે આવ્યા બાદ એક નવી ચર્ચાએ જોર પકડ્યુ હતુ જે પ્રમાણે આનું ઓરિજનલ સોન્ગ ગુજરાતની પ્રખ્યાત સિંગર ગીતા રબારીએ ગાયુ છે. એક મીડિયા કંપની સાથે વાત કરતા મનોજે જણાવ્યુ કે આરોપ લગાવનારે એ જોઇ લેવું જોઇએ કે કેસરી ફિલ્મ રિલીઝ થયાના કેટલા સમય બાદ આ સોન્ગ યુટ્યુબ પર અપલોડ કરવામાં આવ્યુ છે. તેમણે જણાવ્યુ કે આ સોન્ગ કોઇ પાકિસ્તાની સિંગરે નહીં પરંતુ ગુજરાતના લોકગાયક ગીતા રબારીએ ગાયુ છે.

આ વિવાદ બાદ ગીતા રબારીએ એક ઇન્ટર્વ્યૂ દરમિયાન જણાવ્યુ કે, આને લઇને કોઇ વિવાદ જ નથી. કેટલાક લોકો દ્વારા જબરદસ્તી મુદ્દો ઉઠાવવામાં આવ્યો છે. તેમણે વધુમાં જણાવ્યુ કે પહેલી વાત તો હુ ગુજરાતની છુ જે ભારતમાં આવેલું છે અને બીજી વાત કેસરી ફિલ્મનું જે સોન્ગ મે યુટ્યુબ પર અપલોડ કર્યુ છે તે મારું નથી. મે ફક્ત સુંદર સોન્ગ તેરી મિટ્ટીનું કવર સોન્ગ ગાયુ છે.

Web Stories View more