બુદ્ધ પૂર્ણિમા પર PM મોદીનો સંદેશ, ભારત આજે કોઈ સ્વાર્થ વગર વિશ્વ સાથે ઉભું છે

દુનિયામાં કોરોના વાયરસના કહેરની સામે ફ્રંટફૂટ પર લડાઈ લડી રહેલા કોરોના વોરિયર્સનું આજે દુનિયા સન્માન કરી રહી છે. તેની હેઠળ આજે બુદ્ધ પૂર્ણિમાના અવસર પર એક વર્ચ્યુલ કાર્યક્રમનું આયોજન થયું. જેમાં દુનિયાના ઘણા મોટા નેતા સામેલ થયા. વડાપ્રધાન મોદીએ આ કાર્યક્રમને સંબોધિત કર્યુ. વડાપ્રધાને કહ્યું કે ભગવાન બુદ્ધે દુનિયાને સેવા કરવાનો સંદેશ આપ્યો છે.

વડાપ્રધાને વધુમાં કહ્યું કે આ વખતે પરિસ્થિતિઓ અલગ છે. દુનિયા મુશ્કેલ સમયમાંથી પસાર થઈ રહી છે. તમારી વચ્ચે આવવું મારા માટે સૌભાગ્ય હોત પણ હાલની સ્થિતી તેની પરવાનગી આપતી નથી. ભારત આજે બુદ્ધના પગલા પર ચાલીને દરેક લોકોની મદદ કરી રહ્યું છે.

પછી તે દેશમાં હોય કે વિદેશમાં, આ દરમિયાન લાભ-નુકસાનને જોવામાં આવતું નથી. ભારત કોઈ સ્વાર્થ વગર આ સમયમાં દુનિયાની સાથે ઉભું છે. આપણે આપણી સાથે સાથે પરિવાર, આસપાસની સુરક્ષા કરવી પડશે. સંકટના સમયમાં દરેક લોકોની મદદ કરવી જ બધાનો ધર્મ છે.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો