Hapur Boiler Blast: કેમિકલ ફેક્ટરીમાં બોઈલર ફાટવાથી 9ના મોત અને 19 લોકો ઘાયલ, CM યોગીએ શોક વ્યક્ત કર્યો
ઉત્તર પ્રદેશના (Uttar Pradesh) હાપુડની એક કેમિકલ ફેક્ટરીમાં બોઈલર ફાટવાને કારણે મોટી દુર્ઘટના સર્જાઈ છે. આ અકસ્માતમાં અત્યાર સુધીમાં 9 લોકોના મોત થયા છે. 13 લોકો ગંભીર રીતે ઘાયલ છે, જેમની સારવાર ચાલી રહી છે.
ઉત્તર પ્રદેશમાં, (Uttar Pradesh) હાપુડ (Hapur Boiler Blast) માં ફટાકડા અને કેમિકલ ફેક્ટરીમાં બોઈલર વિસ્ફોટને કારણે મોટી દુર્ઘટના થઈ. આ અકસ્માતમાં 9 લોકોના મોત થયા અને 19 લોકો ઘાયલ છે, જેમની સ્થાનિક હોસ્પિટલમાં સારવાર ચાલી રહી છે. હાલમાં અનેક ફાયર ટેન્ડર ઘટનાસ્થળે હાજર છે. આ સાથે પોલીસ પ્રશાસન પણ ઘટનાસ્થળે રાહત અને બચાવ કાર્યમાં લાગેલું છે.
આ મામલો ધૌલાના પોલીસ સ્ટેશન ઔદ્યોગિક વિસ્તારનો છે. હાપુડના ડીએમ મેધા રૂપમે મીડિયાને જણાવ્યું કે આ અકસ્માતમાં નવ લોકોના મોત થયા છે અને 19 લોકો ઘાયલ થયા છે. તેમણે કહ્યું કે ફેક્ટરીમાં ઈલેક્ટ્રોનિક્સ સામાનના ઉત્પાદનની મંજૂરી આપવામાં આવી હતી, પરંતુ ખરેખર અહીં શું થઈ રહ્યું હતું તેની તપાસ થવી જોઈએ.
UP | Total 15 injured, 8 dead in the explosion that took place at an electronic equipment manufacturing unit in Hapur. Injured being treated. We are probing the matter. Action will be taken against those responsible…: Hapur IG Praveen Kumar pic.twitter.com/KMGgqqltZL
— ANI UP/Uttarakhand (@ANINewsUP) June 4, 2022
સીએમ યોગીએ દુઃખ વ્યક્ત કર્યું
મુખ્યમંત્રી યોગી આદિત્યનાથે આ ઘટના અંગે અધિકારીઓને સૂચના આપી છે. તેમણે ટ્વીટ કરીને લખ્યું, “હાપુડ જિલ્લામાં સ્થિત ફેક્ટરીમાં બોઈલર વિસ્ફોટની દુર્ભાગ્યપૂર્ણ ઘટનામાં જાનહાનિ અત્યંત હૃદયદ્રાવક છે. મારી સંવેદનાઓ શોકગ્રસ્ત પરિવારો સાથે છે. સંબંધિત અધિકારીઓને રાહત અને બચાવ કામગીરી ઝડપી ગતિએ હાથ ધરવા અને ઘાયલોને યોગ્ય સારવાર આપવાનો નિર્દેશ આપવામાં આવ્યો છે.”
जनपद हापुड़ स्थित फैक्ट्री में बॉयलर फटने की दुर्भाग्यपूर्ण घटना में हुई जनहानि अत्यंत हृदय विदारक है।
मेरी संवेदनाएं शोक संतप्त परिजनों के साथ हैं।
संबंधित अधिकारियों को त्वरित गति से राहत-बचाव कार्य संचालित करने एवं घायलों का समुचित उपचार कराने हेतु निर्देश दिए गए हैं।
— Yogi Adityanath (@myogiadityanath) June 4, 2022
ફોરેન્સિક અને અન્ય ટીમો અકસ્માતની તપાસમાં વ્યસ્ત – પોલીસ
અકસ્માત અંગે માહિતી આપતા હાપુડના આઈજી પ્રવીણ કુમારે મીડિયાને જણાવ્યું હતું કે, એક ઔદ્યોગિક એકમમાં ઈક્વિપમેન્ટ ફેક્ટરી છે, જે ઈલેક્ટ્રોનિક ઈક્વિપમેન્ટ બનાવવા માટે અધિકૃત હતી. આ કેસમાં કુલ 19 લોકો ઘાયલ થયા છે, જેમને હોસ્પિટલમાં દાખલ કરવામાં આવ્યા છે. તેમણે કહ્યું, “ફોરેન્સિક અને અન્ય ટીમો અકસ્માતની તપાસ કરી રહી છે. દુર્ઘટનામાં દોષિત જણાશે તેની સામે કાર્યવાહી કરવામાં આવશે.”
Latest News Updates
