ભાજપના ભૂતપૂર્વ ધારાસભ્યની ડિજિટલ ધરપકડ, સાયબર ઠગોએ 30 લાખ રૂપિયા પડાવી લીધા

સાયબર ક્રાઇમના દિવસેને દિવસે વધી રહ્યા છે. આ છેતરપિંડી કરનારાઓ સરકારી અધિકારીઓને વધુ નિશાન બનાવી રહ્યા છે. હવે આવી જ એક ઘટના બહાર કર્ણાટકમાંથી બહાર આવી છે. એક ભૂતપૂર્વ ધારાસભ્યની ડિજિટલી ધરપકડ કરવામાં આવી છે અને બદમાશો દ્વારા 30 લાખ રૂપિયાની છેતરપિંડી કરવામાં આવી છે.

ઔરાદના ભૂતપૂર્વ ધારાસભ્ય ગુંડપ્પા વકીલ સાથે સીબીઆઈ, ઇડી અને ન્યાયાધીશના નામે છેતરપિંડી કરવામાં આવી છે. 12 ઓગસ્ટના રોજ, છેતરપિંડી કરનારાઓએ તેમને સીબીઆઈ અધિકારી તરીકે ફોન કરીને કહ્યું કે, તમે નરેશ ગોયલ મની લોન્ડરિંગ કેસમાં જોડાયેલો છો. તેમની પાસે તમારા એટીએમ કાર્ડ છે અને એમાંય ઘણા ટ્રાન્ઝેક્શન થયેલા છે.

સાઇબર ઠગે વધુમાં કહ્યું કે, એક નિવેદન લખો કે તમારો કોઈ વાંક નથી. મિલકતની તપાસ માટે 30 લાખ રૂપિયા જમા કરાવ્યા છે. તમને ઓનલાઈન ન્યાયાધીશ સમક્ષ રજૂ કરવામાં આવશે. વધુમાં કહ્યું કે, તપાસ પછી પૈસા પરત મળી જશે.

જો કે, ધારાસભ્યને છેતરપિંડી કરનારાઓના વિશે ખબર પડી કે, કેટલાક લોકો તેમને વારંવાર ફોન કરીને ઠગાઈ કરી રહ્યા છે અને પૈસા લઈ રહ્યા છે. તેમણે CCB સાયબર ક્રાઇમ પોલીસમાં ફરિયાદ કરી છે. જણાવી દઈએ કે, પોલીસે આગળની તપાસ શરૂ કરી દીધી છે.