Corona Update: દેશમાં આજે કોરોનાના 1000 થી ઓછા કેસ, આટલા દર્દીઓએ કોરોનાને આપી મ્હાત
આરોગ્ય મંત્રાલયે કહ્યું કે, કેન્દ્રએ અત્યાર સુધીમાં લગભગ 192.27 કરોડ રસીના ડોઝ (Vaccine Dose) રાજ્યો અને કેન્દ્રશાસિત પ્રદેશોને મફત અને સીધી રાજ્ય સરકારની પ્રાપ્તિ ચેનલો દ્વારા આપવામાં આવ્યા છે.
શુક્રવારે ફરીથી કોરોના વાયરસના(Corona Virus) કેસમાં ઘટાડો નોંધાયો છે. છેલ્લા 24 કલાકમાં કોવિડ-19ના (Covid 19) 949 નવા કેસ નોંધાયા છે અને 6 લોકોના મોત થયા છે. આ સમયગાળા દરમિયાન 810 લોકો કોરોનાથી સ્વસ્થ થયા છે. દેશમાં અત્યાર સુધીમાં સંક્રમિત લોકોની સંખ્યા વધીને 4,30,39,972 થઈ ગઈ છે અને સક્રિય દર્દીઓની સંખ્યા વધીને 11191 થઈ ગઈ છે. કેન્દ્રીય સ્વાસ્થ્ય મંત્રાલય (Health Ministry) દ્વારા આ માહિતી આપવામાં આવી છે. ભારતમાં કોરોના સામે વિશ્વનું સૌથી મોટું રસીકરણ અભિયાન(Vaccination) ચલાવવામાં આવી રહ્યું છે. અત્યાર સુધીમાં રસીના 1,86,30,62,546 કરોડથી વધુ ડોઝ આપવામાં આવ્યા છે.
જીવ ગુમાવનારા લોકોની સંખ્યા વધીને 5,21,743 પર પહોંચી
કેન્દ્રીય સ્વાસ્થ્ય મંત્રાલયના આંકડા અનુસાર કોરોનાને કારણે જીવ ગુમાવનારા લોકોની સંખ્યા વધીને 5,21,743 થઈ ગઈ છે. સક્રિય દર્દીઓની સંખ્યા ચેપના કુલ કેસના 0.03 ટકા છે, જ્યારે કોવિડ-19માંથી સાજા થવાનો રાષ્ટ્રીય દર 98.76 ટકા છે. દૈનિક હકારાત્મકતા દર 0.23 ટકા અને સાપ્તાહિક સકારાત્મકતા દર 0.25 ટકા હોવાનો અંદાજ છે.
તમને જણાવી દઈએ કે, 7 ઓગસ્ટ 2020ના રોજ દેશમાં કોરોનાના કેસ 20 લાખને વટાવી ગયા હતા, 23 ઓગસ્ટ 2020ના રોજ 30 લાખ અને 5 સપ્ટેમ્બર 2020ના રોજ 40 લાખથી વધુ હતા. સંક્રમિત લોકો 16 સપ્ટેમ્બર 2020ના રોજ 50 લાખ, 28 સપ્ટેમ્બર 2020ના રોજ 60 લાખ, 11 ઓક્ટોબર 2020ના રોજ 70 લાખ, 29 ઓક્ટોબર 2020ના રોજ 80 લાખ અને 20 નવેમ્બરે 90 લાખ થયા. 19 ડિસેમ્બર 2020 ના રોજ દેશમાં આ કેસ એક કરોડને વટાવી ગયા હતા. ગયા વર્ષે 4 મેના રોજ સંક્રમિતોની સંખ્યા 20 મિલિયનને વટાવી ગઈ હતી અને 23 જૂન, 2021 ના રોજ, તે 30 મિલિયનને વટાવી ગઈ હતી.
રાજ્યો પાસે રસીના 20.69 કરોડથી વધુ ડોઝ
કેન્દ્રીય સ્વાસ્થ્ય મંત્રાલયનું કહેવું છે કે, સરકાર કોરોના સામે રસીકરણ કવરેજ વધારવા અને લોકોને રસીકરણની ગતિ ઝડપી બનાવવા માટે સતત પ્રયાસ કરી રહી છે. દેશવ્યાપી COVID-19 રસીકરણ 16 જાન્યુઆરી 2021 ના રોજ શરૂ કરવામાં આવ્યું હતું. આ પછી, કોરોના રસી બધાને ઉપલબ્ધ કરાવવા માટે 21 જૂન 2021 થી એક નવો તબક્કો શરૂ કરવામાં આવ્યો હતો.
વધુ સમાચાર વાંચવા માટે અમારી ટ્વીટર કોમ્યુનિટીમાં જોડાવા અહીં ક્લિક કરો-
આ પણ વાંચો : Good Friday 2022 : ગુડ ફ્રાઈડેની સમગ્ર દેશમાં ઉજવણી, PM મોદીએ જીસસ ક્રાઈસ્ટના બલિદાનને યાદ કર્યું
આ પણ વાંચો : Maharashtra : ‘લાઉડસ્પીકર’ વિવાદને પગલે રાજ ઠાકરેની પાર્ટીમાં ભંગાણ, પ્રદેશ સચિવ ઈરફાન શેખે પાર્ટીને કહ્યું અલવિદા
