બિહારમાં રાહુલ ગાંધીના ફોટોવાળા સેનેટરી પૅડ્સ પર BJP ભડકી, ‘મહિલાઓનું અપમાન’ ગણાવ્યું
બિહાર વિધાનસભા ચૂંટણી પહેલાં કોંગ્રેસ એક નવા વિવાદમાં સપડાઈ છે. રાહુલ ગાંધીની તસવીર સાથેના સેનિટરી પૅડ્સનું વિતરણ કરવાના નિર્ણય પર ભાજપ અને એનડીએ દ્વારા તીખી ટીકા કરવામાં આવી છે. આ પહેલને કોંગ્રેસની મહિલા મતદારોને આકર્ષવાની નવી રણનીતિ તરીકે જોવામાં આવી રહી છે.
વિધાનસભાની ચૂંટણી માટે રાજકીય પક્ષો દ્વારા પ્રચાર શરૂ થઈ ગયા છે. શુક્રવારે બિહારમાં વિધાનસભા ચૂંટણી માટે રાહુલ ગાંધીની તસવીર સાથે વિતરણ થનારા સેનિટરી પેડ્સને લીધે કૉંગ્રેસ વિવાદમાં ફસાઈ છે. NDAએએ આરોપ લગાવ્યો હતો કે કોંગ્રેસે આવું કૃત્ય કરીને માનસિક નાદારીનો ભોગ બન્યાનો ખુલાસો કર્યો છે. દેખીતી રીતે અક્ષય કુમારની `પેડમૅન` ફિલ્મથી પ્રેરિત થઈને, કોંગ્રેસ રાજ્યની મહિલાઓને પાંચ લાખ સેનિટરી પેડ્સનું વિતરણ કરશે.
રાહુલ ગાંધીની તસવીર સાથે, આ સેનિટરી પેડ્સના પૅકેટ પર ‘નારી ન્યાય, મહિલા સન્માન’ અને ‘માઈ બહિન માન યોજના’ નો પ્રચાર છપાયેલો છે. જરૂરિયાતમંદ મહિલાઓને 2500 રૂપિયાનું માનદ વેતન આપવાનું વચન પણ પેકેટ પર લખવામાં આવ્યું છે.
કોંગ્રેસની નવી પહેલને રાજ્યની ચૂંટણી પહેલા મહિલા મતદારોને આકર્ષવાના પ્રયાસ તરીકે જોવામાં આવે છે. બિહારના મુખ્યમંત્રી અને JD(U) પ્રમુખ નીતિશ કુમારે મહિલા મતવિસ્તાર માટે વિવિધ યોજનાઓ શરૂ કરીને ખૂબ જ મહેનત કરી છે.
બિહાર કોંગ્રેસના પ્રમુખ રાજેશ રામે શુક્રવારે રાજ્ય પોલીસ મુખ્યાલય, સદકત આશ્રમ ખાતે આયોજિત એક પત્રકાર પરિષદમાં આ અંગે જાહેરાત કરી. આ પ્રસંગે બિહારના AICC પ્રભારી કૃષ્ણા અલ્લાવરુ પણ હાજર હતા.
બિહાર સરકાર મુખ્યમંત્રી કિશોરી સ્વાસ્થ્ય યોજના હેઠળ કિશોરીઓને સેનિટરી નૅપકિન્સ ખરીદવા માટે વાર્ષિક 300 રૂપિયા આપે છે. દરમિયાન, NDA એ કવર પર રાહુલ ગાંધીનો ફોટો ધરાવતા સેનિટરી પેડ બોક્સ માટે કોંગ્રેસ પર જોરદાર હુમલો કર્યો.
“સેનિટરી પૅડ” પર રાહુલ ગાંધીનો ફોટો હોવાથી બિહારની મહિલાઓનું અપમાન!
કોંગ્રેસ એક મહિલા વિરોધી પાર્ટી છે! બિહારની મહિલાઓ કોંગ્રેસ અને RJDને પાઠ ભણાવશે,” ભાજપના રાષ્ટ્રીય પ્રવક્તા પ્રદીપ ભંડારીએ ટ્વિટ કર્યું. બીજી તરફ, ભાજપના પ્રવક્તા કુંતલ કૃષ્ણા અને JD(U) પ્રવક્તા અરવિંદ નિષાદે આરોપ લગાવ્યો કે આ કૉંગ્રેસની માનસિક નાદારી દર્શાવે છે.
આ પહેલા, મહિલા કોંગ્રેસના વડા અલકા લેમ્બે એક સર્વેનો હવાલો આપતા દાવો કર્યો હતો કે બિહારની લગભગ 40,000 શાળાઓમાંથી, ફક્ત 350 શાળાઓમાં સેનિટરી નૅપકિન્સ આપવાની સુવિધા છે અને રાજ્યની 80 ટકા છોકરીઓ માસિક સ્રાવ દરમિયાન પૅડ મેળવી શકતી નથી.
બિહારમાં સૅનિટરી પૅડના બૉક્સ પર તેમનો ફોટો, BJPએ કરી ટીકા
બિહારમાં કોંગ્રેસે ‘પૅડમૅન’ ફિલ્મથી પ્રેરિત થઈને વિધાનસભાની ચૂંટણી પહેલાં મહિલા મતદારોને આકર્ષવા માટે સેનિટરી પેડનું વિતરણ કર્યું છે, પણ રાજ્યમાં પાંચ લાખથી વધુ મહિલાઓને આપવામાં આવતાં સેનિટરી પૅડનાં બોક્સ પર રાહુલ ગાંધીનો ફોટો હોવાને કારણે વિવાદ સર્જાયો છે.
‘પ્રિયદર્શિની ઉડાન યોજના’ નામની આ પહેલનો હેતુ માસિક સ્રાવ સ્વચ્છતા જાગૃતિ વધારવાનો અને કોંગ્રેસના મહિલા-કેન્દ્રિત ચૂંટણીપ્રચારનો એક ભાગ છે. સૅનિટરી પૅડના બૉક્સ પર રાહુલ ગાંધીનો ફોટો છે, જેમાં કોંગ્રેસે વંચિત પરિવારોની મહિલાઓને ‘માઈ બહેન માન યોજના’ હેઠળ દર મહિને ૨૫૦૦ રૂપિયાનું ભથ્થું આપવાનું ચૂંટણીવચન આપ્યું છે.
જોકે સેનિટરી પેડના બૉક્સ પર રાહુલ ગાંધીનો ફોટો દર્શાવવાના નિર્ણયની ભારતીય જનતા પાર્ટી (BJP)એ ટીકા કરી છે. BJPના રાષ્ટ્રીય પ્રવક્તા પ્રદીપ ભંડારીએ આ મુદ્દે કહ્યું હતું કે ‘સેનિટરી પેડ પર રાહુલ ગાંધીનો ફોટો લગાવીને કોંગ્રેસે બિહારની મહિલાઓનું અપમાન કર્યું છે. કૉન્ગ્રેસ એક મહિલાવિરોધી પાર્ટી છે. બિહારની મહિલાઓ કોંગ્રેસ અને રાષ્ટ્રીય જનતા દળ (RJD)ને પાઠ ભણાવશે.’
બિહાર રાજ્યના સમાચાર વાંચવા માટે અહીં ક્લિક કરો.
