Breaking News : નકસલવાદના ખાત્મા બાદ હવે અમિત શાહનું નવું મિશન 2029 સુધીમાં ડ્રગ્સ નાબૂદી
કેન્દ્રીય ગૃહમંત્રી અમિત શાહે નકસલવાદ બાદ હવે આગામી મિશન હાથ પર લીધુ છે. કેન્દ્રીય ગૃહપ્રધાનનું લક્ષ્ય 2029 સુધીમાં દેશમાંથી ડ્રગ્સના દુષણને સંપૂર્ણ નાશ કરવાનું છે. તેમણે ભારપૂર્વક જણાવ્યું છે કે, ભારતમાં બહારથી એક ગ્રામ પણ ડ્રગ્સ આવવા દેવામાં આવશે નહીં. કેન્દ્ર સરકારે છેલ્લા 10 વર્ષમાં ₹22,000 કરોડનું 5.43 લાખ કિલોગ્રામ ડ્રગ્સ જપ્ત કર્યું છે.
હરિયાણાના પંચકુલામાં એક કાર્યક્રમમાં સંબોધન કરતા કેન્દ્રીય ગૃહમંત્રી અમિત શાહે જણાવ્યું કે, દેશમાં વર્ષોથી ચાલ્યા આવતા નક્સલવાદ સામે જે હાંસલ કરવામાં, પાછલી ઘણી સરકારો નિષ્ફળ ગઈ છે તે મોદી સરકારે હાંસલ કર્યું છે. કેન્દ્ર સરકારે નક્સલવાદને નાબૂદ કરવા માટે 31 માર્ચ, 2026 ની સમયમર્યાદા નક્કી કરી હતી. સુરક્ષા દળો અને અમિત શાહે આમાં ભારે સફળતા મેળવી છે. આ મોટી સમસ્યાને નિયત્રણમાં લીધી પછી, શાહ હવે તેમના આગામી મિશન પર નીકળી પડ્યા છે. ગૃહમંત્રી અમિત શાહનું આગામી લક્ષ્ય દેશને ડ્રગ્સથી મુક્ત કરવાનું છે.
ગઈકાલ બુધવારે હરિયાણાના પંચકુલામાં એક કાર્યક્રમમાં અમિત શાહે કહ્યું કે, ડ્રગ્સ સામેની લડાઈમાં મોદી સરકાર, વિવિધ રાજ્યો સાથે ચટ્ટાનની જેમ ઉભી છે. અમિત શાહના નિવેદનનું એક કારણ એ છે કે, તાજેતરમાં, કેન્દ્ર સરકારે તમામ રાજ્યના એન્ટી-નાર્કોટિક્સ ટાસ્ક ફોર્સ (ANTF) ના વડાઓને સિન્થેટિક ડ્રગ લેબ્સને ઓળખવા અને તેનો નાશ કરવાનો નિર્દેશ આપ્યો હતો. તેમને દર ત્રણ મહિને જપ્ત કરાયેલા ડ્રગ્સના નિકાલ માટે એક વૈજ્ઞાનિક સિસ્ટમ સ્થાપિત કરવા પણ સૂચના આપવામાં આવી હતી.
સમયમર્યાદા શું છે?
શાહ કહે છે કે, વડા પ્રધાન મોદીએ 2047 સુધીમાં એક મહાન અને વિકસિત ભારતની કલ્પના કરી છે, અને આ દ્રષ્ટિકોણને પ્રાપ્ત કરવા માટે યુવાનોને ડ્રગ્સથી બચાવવા ખૂબ જ મહત્વપૂર્ણ છે. તેમણે કહ્યું કે યુવાનો કોઈપણ રાષ્ટ્રનો પાયો છે, અને જો ભવિષ્યની પેઢીઓને ખાલી છોડી દેવામાં આવે તો દેશ પોતાનો માર્ગ ગુમાવી દેશે.
અમિત શાહે 2029 સુધીમાં ડ્રગ કાર્ટેલ્સને નાબૂદ કરવાનું વચન આપ્યું છે. તેમણે એક કાર્યક્રમમાં જણાવ્યું હતું કે, ડ્રગ્સ સામેની તેમની લડાઈ છેલ્લા ચાર વર્ષથી જિલ્લા સ્તરથી લઈને રાજ્ય સ્તર અને રાષ્ટ્રીય સ્તર સુધી સારી રીતે આયોજનબદ્ધ છે. આ યોજના ખૂબ જ સફળ રહી છે.
અધિકારીઓ રોડમેપ તૈયાર કરશે
ઉચ્ચ સુરક્ષા અને ગુપ્તચર અધિકારીઓ સાથેની બેઠકમાં, અમિત શાહે ડ્રગ સપ્લાય ચેઇન સામે કડક વલણ અપનાવવા વિશે વાત કરી, જેના કારણે સરકાર એક યોજના પર કામ કરી રહી છે. શાહે તેમને આ ખતરાનો સામનો કરવા માટે એક રોડમેપ વિકસાવવા કહ્યું. આ વર્ષની શરૂઆતમાં, નાર્કો-કોઓર્ડિનેશન સેન્ટર (NCORD) ની 7મી ઉચ્ચ-સ્તરીય બેઠકમાં, અમિત શાહે ભાર મૂક્યો હતો કે ભારતમાં એક ગ્રામ પણ ડ્રગ્સ પ્રવેશવા દેવામાં આવશે નહીં.
શું પગલાં લેવામાં આવ્યા છે?
મોદી સરકાર માત્ર નાના ડ્રગ ડીલરો સામે જ નહીં પરંતુ મોટા ડ્રગ કાર્ટેલ સામે પણ કડક પગલાં લઈ રહી છે. સરકાર ડ્રગ સપ્લાય ચેઇન સામે કડક વલણ અપનાવી રહી છે. માંગ ઘટાડવા માટે તે વ્યૂહાત્મક અભિગમ અને નુકસાન ઘટાડવા માટે માનવતાવાદી અભિગમ અપનાવી રહી છે.
કેન્દ્ર સરકારે છેલ્લા 10 વર્ષમાં ₹22,000 કરોડના 5.43 લાખ કિલોગ્રામ ડ્રગ્સ જપ્ત કર્યુ છે. અમિત શાહે જણાવ્યું હતું કે છેલ્લા પાંચ વર્ષમાં, અમે માળખાકીય, સંસ્થાકીય અને માહિતીપ્રદ સુધારાઓ દ્વારા આ લડાઈ લડી છે. પરિણામો ખૂબ જ પ્રોત્સાહક છે.2004 થી 2013 વચ્ચે જપ્ત કરાયેલા ડ્રગ્સનો જથ્થો 1.52 લાખ કિલોગ્રામ હતો, જે 2014 થી 2014 સુધીના 10 વર્ષ દરમિયાન વધીને 5.43 લાખ કિલોગ્રામ થયો છે.
ડ્રગ્સનું મૂલ્ય 2004 થી 2013 દરમિયાન ₹5933 કરોડથી વધીને 2014 થી 2014 દરમિયાન ₹22000 કરોડથી વધુ થયું છે. નાર્કોટિક્સ કંટ્રોલ બ્યુરો (NCB) ના અહેવાલ મુજબ, દેશભરમાં એન્ટી-નાર્કોટિક્સ એજન્સીઓએ ગયા વર્ષે 1483 કિલોગ્રામ કોકેન જપ્ત કર્યું હતું, જે 2020 માં જપ્ત કરાયેલા જથ્થા કરતા લગભગ 78 ગણું વધુ અને 2023 કરતા લગભગ પાંચ ગણું વધુ છે.
2004 થી 2014 વચ્ચે નાશ કરાયેલા ડ્રગ્સનું વાસ્તવિક મૂલ્ય ₹8150 કરોડ હતું, જ્યારે ૨૦૧૪ થી ૨૦૨૫ દરમિયાન તે વધીને ₹71600 કરોડ થયું હતું. 2020 માં, ડ્રગની ખેતી માટે વપરાતી 10.700 એકર ખેતરનો નાશ કરવામાં આવ્યો હતો, ત્યારબાદ 2021 માં 11,000 એકર; 2022 માં13,000 એકર; અને 2023 માં 31761 એકર ખેતરનો નાશ કરવામાં આવ્યો હતો.
દેશભરના તમામ સમાચાર વાંચવા માટે અહીં ક્લિક કરો
