મુંબઈ-પૂણે એક્સપ્રેસ વેની મુસાફરી થશે સુરક્ષિત, ઈન્ટેલિજન્ટ મેનેજમેન્ટ ટ્રાફિક સિસ્ટમ અકસ્માતો પર લગાવશે બ્રેક

પૂર્વ ધારાસભ્ય અને શિવસંગ્રામ સંગઠનના પ્રમુખ વિનાયક મેટેના કાર અકસ્માતમાં દુઃખદ અવસાન બાદ મુંબઈ-પુણે એક્સપ્રેસ વેની (Mumbai-Pune Expressway) સુરક્ષા સાથે જોડાયેલ પ્રશ્ન ફરી એકવાર સામે આવ્યો છે. આ અંગે જણાવી દઈએ કે મહારાષ્ટ્ર સ્ટેટ રોડ ડેવલપમેન્ટ કોર્પોરેશને પણ આ સંબંધમાં સંબંધિત કંપનીને માર્ગ સુરક્ષા માટે હાઈવે પર ‘ઈન્ટેલિજન્ટ ટ્રાફિક મેનેજમેન્ટ સિસ્ટમ’ (ITMS) ઈન્સ્ટોલ કરવા સૂચના આપી છે. આ સિસ્ટમ આગામી નવ મહિનામાં ઈન્સ્ટોલ કરવામાં આવશે અને એક મહિના સુધી તેનું ટ્રાયલ કરવામાં આવશે. આ રીતે આ સિસ્ટમ એક વર્ષમાં શરૂ થઈ જશે.

આ ITMS સિસ્ટમ શરૂ થયા બાદ રસ્તા પર ટ્રાફિકના નિયમો તોડવા ખૂબ મુશ્કેલ બનશે. ડ્રાઈવર પર નજર રહેશે. આનાથી અકસ્માતો રોકવામાં સફળતા મળશે અને મુસાફરી સુરક્ષિત રહેશે. આ વિશ્વાસ MSRDC દ્વારા વ્યક્ત કરવામાં આવ્યો છે.

ITMS સિસ્ટમ પ્રવાસને સુરક્ષિત બનાવશે

મુંબઈ પૂણે એક્સપ્રેસ વે ટ્રાફિકની દૃષ્ટિએ ખૂબ જ વ્યસ્ત રસ્તો છે. આ 94 કિલોમીટર લાંબા રસ્તા પરથી દરરોજ લગભગ 60 હજાર વાહન પસાર થાય છે. આ રોડ પર સ્પીડ લિમિટ પણ નક્કી કરવામાં આવી છે અને કડક નિયમો પણ લાગુ કરવામાં આવ્યા છે. પરંતુ તે નિયમોનું વાહન ચાલકો દ્વારા વારંવાર ઉલ્લંઘન કરવામાં આવે છે. આવી સ્થિતિમાં આ વિક્ષેપોને નિયંત્રિત કરવા માટે વધુ સારી સિસ્ટમની જરૂર છે, જેથી કરીને એક્સપ્રેસ વે પર અકસ્માતોની ઘટનાઓ ઓછી થાય. આ બાબતોને ધ્યાનમાં રાખીને MSRDCએ અહીં આધુનિક ITMS સિસ્ટમ સ્થાપિત કરવાનો નિર્ણય લીધો છે.

Web Stories View more

હાર્દિક પંડ્યાના કારણે ટીમનું વાતાવરણ બગડી રહ્યું છે, મુંબઈ ઈન્ડિયન્સના કેપ્ટન પર મોટો હુમલો

કેનેડામાં વિદ્યાર્થીઓની વધી મુશ્કેલી, બદલાયો આ નિયમ

ઉનાળામાં કેરી ખાધા પછી શું ન ખાવું જોઈએ?

હવે આખું વર્ષ મોબાઈલ રિચાર્જની ઝંઝટ ખતમ, આ છે Jio અને Airtelના સૌથી સસ્તા વાર્ષિક પ્લાન

ઉનાળામાં મોઢાં પર બરફ ઘસવાના ફાયદા છે ચોંકાવનારા, જાણી લો

રિંકુ સિંહને કપિરાજે 6 વખત બચકા ભર્યા છે, જુઓ ફોટો

આ સિસ્ટમ ઉભી કરવા માટે 160 કરોડનો ખર્ચ થવાનો છે. આ સિસ્ટમથી માત્ર ટ્રાફિકને અનુશાસિત રીતે મેનેજ કરવામાં આવશે અને અકસ્માતો ટાળી શકાશે એટલું જ નહીં, સચોટ ટોલ વસૂલવામાં પણ સરળતા રહેશે. આખો રસ્તો સીસીટીવી કેમેરાના નિયંત્રણ હેઠળ રહેશે. વાહનોની ગતિ ચકાસવા માટે 39 સ્થળોએ એવરેજ સ્પીડ ડિટેક્શન સિસ્ટમ અને લેન ડિસિપ્લિન વાયોલેશન ડિટેક્શન સિસ્ટમ લગાવવામાં આવશે. 2019માં MSRDCએ આ સિસ્ટમ માટે ટેન્ડર બહાર પાડ્યું હતું. આ અંગેનો વર્ક ઓર્ડર 3જી ઓગસ્ટે આપવામાં આવ્યો છે. થોડા દિવસોમાં કામ શરૂ થશે અને શરતો અનુસાર 9 મહિનામાં કામ પૂર્ણ થશે.