શરદ પવારના ઘરની બહાર થયેલા હુમલાના મામલે ગુણરત્ન સદાવર્તે બે દિવસની પોલીસ કસ્ટડીમાં, 109 આરોપીઓને જ્યુડિશિયલ કસ્ટડીમાં મોકલાયા

MSRTC Strike : મુંબઈ ફોર્ટ કોર્ટે સરકારી પક્ષ, કર્મચારીઓના પક્ષ અને ગુણરત્ન સદાવર્તેના વકીલની દલીલો સાંભળ્યા બાદ ગુણરત્ન સદાવર્તેને બે દિવસની પોલીસ કસ્ટડીમાં મોકલ્યા હતા.

Adv Gunratan Sadavarte

TV9 Gujarati | Edited By: Nidhi Bhatt | Updated on: Apr 09, 2022 | 9:12 PM

મહારાષ્ટ્ર સ્ટેટ રોડ ટ્રાન્સપોર્ટ કોર્પોરેશન (MSRTC Workers protest)ના કર્મચારીઓએ ગઈકાલે (8 એપ્રિલ, શુક્રવાર) એનસીપીના વડા શરદ પવારના (Sharad Pawar) નિવાસસ્થાન સિલ્વર ઓકની બહાર ઘેરાવ કર્યો હતો. ગઈકાલે કાર્યવાહી કરતા મુંબઈ પોલીસે આ કેસમાં 109 પ્રદર્શનકારીઓની અટકાયત કરી હતી. આ ઉપરાંત કર્મચારીઓના વકીલ ગુણરત્ન સદાવર્તે (Adv, Gunratan Sadavarte) ની પણ ધરપકડ કરવામાં આવી હતી અને આજે (9 એપ્રિલ, શનિવાર) મુંબઈ કિલા કોર્ટમાં રજૂ કરવામાં આવ્યા હતા. મુંબઈ પોલીસે કોર્ટ પાસે 14 દિવસની કસ્ટડી માંગી હતી. ગુણરત્ન સદાવર્તે પર હિંસાનું ષડયંત્ર રચવા, આંદોલનકારીઓને ઉશ્કેરવા અને સરકારી કામમાં અવરોધ ઉભો કરવાનો આરોપ હતો.

મુંબઈ ફોર્ટ કોર્ટે સરકારી પક્ષ, કર્મચારીઓના પક્ષ અને ગુણરત્ન સદાવર્તેના વકીલની દલીલો સાંભળ્યા બાદ ગુણરત્ન સદાવર્તેને બે દિવસની પોલીસ કસ્ટડીમાં (Police Custody) મોકલ્યા હતા. આ સિવાય 109 આંદોલનકારી કર્મચારીઓને જ્યુડિશિયલ કસ્ટડીમાં મોકલવામાં આવ્યા હતા. આ દરમિયાન, આરોપી આંદોલનકારીઓની જામીન અરજી કિલ્લા કોર્ટ દ્વારા નામંજૂર કરવામાં આવી છે. તેઓ મુંબઈ સેશન્સ કોર્ટમાં જામીન અરજી દાખલ કરી શકે છે.

ગુણરત્ન સદાવર્તેએ કહ્યું કે બે દિવસમાં દૂધનું દૂધ, પાણીનું પાણી થશે

કોર્ટના નિર્ણય બાદ ગુણરત્ન સદાવર્તે પોલીસ કસ્ટડીમાં જતાં એક જ વાક્ય કહ્યું હતું કે બે દિવસમાં દૂધનું દૂધ પાણીનું પાણી થઈ જશે. મીડિયા સાથે વાત કરતા સદાવર્તે અને કર્મચારીઓના વકીલ વાસવાણીએ કહ્યું કે, આજે એડવોકેટ ગુણરત્ન સદાવર્તેને કોર્ટમાં રજૂ કરવામાં આવ્યા હતા. અમે કોર્ટને કહ્યું કે તેઓ કોર્ટમાં અન્ય કોઈ કેસ અંગે દલીલ કરી રહ્યા છે. તેઓ હિંસા વિરુદ્ધ છે. ઘટના સમયે તે દેખાવકારો સાથે હાજર નહતા.

તેમણે અગાઉ કેટલાક કૌભાંડના કેસમાં રાજકારણીઓ વિરુદ્ધ ફરિયાદો નોંધાવી છે. આવા કેટલાક કેસમાં તેઓ કેસ લડી રહ્યા છે જેના કારણે સરકાર અસહજ છે. વધુમાં, ગુણરત્ન સદાવર્તેના વકીલ વાસવાનીએ જણાવ્યું હતું કે, પોલીસે એ નથી કહ્યું કે તેના ભાગી જવાની કે ફરાર થવાની કોઈ શંકા છે. પોલીસે તેમના પર આંદોલનકારીઓને ઉશ્કેરવાનું ષડયંત્ર રચવાનો આરોપ લગાવ્યો છે. આવી સ્થિતિમાં તેમના પોલીસ અધિકારીએ ચશ્મા લીધા જ્યારે તેમની આંખોમાં તકલીફ છે. તેને ડાયાબિટીસ પણ છે.

Web Stories View more

ઉનાળામાં હાર્ટ એટેક આવવાના 1 મહિના પહેલા શરીરમાં દેખાય છે આટલા લક્ષણ

WhatsApp એ લોન્ચ કર્યું ચેટ ફિલ્ટર, ચેટ જોવા માટે સ્ક્રોલ કરવું નહીં પડે

500 કરોડની આ આલીશાન હોટલમાં અનંત રાધિકા કરશે લગ્ન !

અંબાણી પરિવારમાં હાઇટમાં સૌથી ઊંચું કોણ? જાણો મુકેશ અંબાણીની ઊંચાઈ કેટલી

New Tax Regime માં પણ બચાવી શકો છો આવકવેરો, જાણી લો આખું ગણિત

પોલીસે 109 લોકોની પોલીસ કસ્ટડી પણ માંગી હતી. આના પર મેજિસ્ટ્રેટે પૂછ્યું કે તમે બે દિવસમાં 109 લોકોની કેટલી પૂછપરછ અને કેવી રીતે પૂછપરછ કરી શકશો. આવી સ્થિતિમાં કોર્ટે ગુણરત્ન સદાવર્તેને બે દિવસની પોલીસ કસ્ટડીમાં અને બાકીના 109 આરોપીઓને ન્યાયિક કસ્ટડીમાં મોકલી દીધા છે. જો તેઓ ઈચ્છે તો આજે જ અન્ય કોર્ટમાં જઈને જામીન માટે અરજી કરી શકે છે.