વિદેશ જવાનું સપનું થશે પૂરું… અમદાવાદ સહિત 5 શહેર માટે ‘ખાસ ઓફર’, માત્ર ₹11 થી શરૂ થઈ રહી છે ‘ફ્લાઇટ ટિકિટ’

જો તમે વિદેશ પ્રવાસનું સપનું જોઈ રહ્યા છો, તો વિયેતનામની અગ્રણી એરલાઇન ‘વિયેટજેટ’ (Vietjet) તમારા માટે એક શાનદાર ઓફર લઈને આવી છે. ‘બેસ્ટ હાઇબ્રિડ એરલાઇન’ નું સન્માન મળવાની ખુશી મનાવવા માટે કંપનીએ ભારતીય મુસાફરો માટે એક ખાસ પ્રમોશનલ કેમ્પેઇન શરૂ કર્યું છે, જેમાં હવાઈ ભાડું માત્ર ₹11 (ટેક્સ અને ફી સિવાય) થી શરૂ થઈ રહ્યું છે.

ઓફરની ખાસ વાતો અને બુકિંગનો સમય

મુસાફરો પાસે Vietjet ની આ સેલનો લાભ ઉઠાવવા માટે મર્યાદિત સમય છે. સૂત્રોના જણાવ્યા અનુસાર, આ સેલ 31 જુલાઈ, 2026 ના રોજ રાત્રે 10:30 વાગ્યે શરૂ થઈ ગયો છે અને 8 ઓગસ્ટ, 2026ના રોજ રાત્રે 9:30 વાગ્યા (IST) સુધી ચાલશે.

આ ઓફર હેઠળ મુસાફરો 5 સપ્ટેમ્બર, 2026 અને 31 માર્ચ, 2027 વચ્ચે પોતાની યાત્રાનું આયોજન કરી શકે છે. કૃપા કરીને ધ્યાન આપો કે, આ ઓફર જાહેર રજાઓ અને પ્રવાસના વ્યસ્ત સમય (પીક ટ્રાવેલ પિરિયડ) દરમિયાન લાગુ થશે નહીં. Vietjet ભારતના અગ્રણી શહેરોને વિયેતનામના મુખ્ય ગેટવે (હનોઈ અને હો ચી મિન્હ સિટી) સાથે જોડે છે. આ સેલમાં કયા શહેરોની ફ્લાઇટ્સ છે તે નીચે મુજબ છે.

આ શહેરોમાંથી ડાયરેક્ટ ફ્લાઇટ:

1. દિલ્હી
2. મુંબઈ
3. અમદાવાદ
4. બેંગલુરુ
5. હૈદરાબાદ

• પ્રોમો કોડ સાથે સારો એવો ઘટાડો મેળવો: સસ્તી ‘ઈકો ટિકિટ’ સિવાય, એરલાઇન પ્રીમિયમ ક્લાસ પર પણ સારું એવું ડિસ્કાઉન્ટ આપી રહી છે.
• બિઝનેસ અને સ્કાયબોસ: પ્રોમો કોડ BUSB88 નો ઉપયોગ કરીને તમામ સીધી ઇન્ટરનેશનલ ફ્લાઇટ્સ પર 30% ની બચત કરો.
• ડિલક્સ ક્લાસ: હનોઈ-અલ્માટી-પ્રાગ રૂટ માટે પ્રોમો કોડ DLX88 સાથે 20% ની છૂટ મેળવો.
• મીલ કોમ્બો: 18 ઓગસ્ટ, 2026 અને 31 માર્ચ, 2027 વચ્ચેની મુસાફરી માટે પહેલેથી ઓર્ડર કરેલા મીલ કોમ્બો પર સીધા 50% ડિસ્કાઉન્ટનો લાભ ઉઠાવો.

મુસાફરો પોતાની ટિકિટ વિયેટજેટની અધિકૃત વેબસાઇટ, મોબાઇલ એપ અથવા અધિકૃત સેલ્સ ચેનલો દ્વારા બુક કરી શકે છે.

કેટલાક રેલવે સ્ટેશનો પર ‘ટર્મિનલ’ અને કેટલાક પર ‘ટર્મિનસ’ કેમ લખવામાં આવે છે? જાણો આ બંને વચ્ચેનો તફાવત