History of Pink City Jaipur : જયપુરને આ કારણથી કહેવામાં આવે છે પિંક સિટી, જાણો તેનો રસપ્રદ ઇતિહાસ
History of Pink City Jaipur : કહેવાય છે કે તેને 'પિંક સિટી' કહેવા પાછળ ઘણી કહાણીઓ છે, જેમાંથી એક અમે તમને આ લેખમાં જણાવવા જઈ રહ્યા છીએ. જાણો રાજસ્થાનનું ગૌરવ ગણાતા જયપુરને શા માટે કહેવામાં આવે છે 'પિંક સિટી'
રાજસ્થાનની રાજધાની જયપુર ( Jaipur) દેશના તે શહેરોમાંનું એક છે, જે તેની ઉત્તમ સંસ્કૃતિ, ઐતિહાસિક વારસો અને સ્વાદિષ્ટ ભોજન માટે સમગ્ર વિશ્વમાં પ્રિય છે. આ શહેરનો સાંસ્કૃતિક પોશાક તેને વધુ ખાસ બનાવે છે. અહીંનું ભોજન સ્વાદિષ્ટ હોવાની સાથે સાથે મસાલેદાર પણ છે, પરંતુ તેમ છતાં અહીં આવનારા પ્રવાસીઓ અહિંનું ભોજન આરોગવાનું ચુકતા નથી. ઘણી ઐતિહાસિક કથાઓ માટે પ્રખ્યાત જયપુરને ‘પિંક સિટી’ એટલે કે ‘ગુલાબી નગરી’ ( Pink city facts ) કહેવામાં આવે છે. ખાસ વાત એ છે કે તેના નામમાં પણ ઘણી ઐતિહાસિક વાતો ( History ) છુપાયેલી છે, જેના વિશે બહુ ઓછા લોકો જાણે છે.
કહેવાય છે કે તેને ‘પિંક સિટી’ કહેવા પાછળ ઘણી કહાનીઓ છે, જેમાંથી એક અમે તમને આ લેખમાં જણાવવા જઈ રહ્યા છીએ. જો કે આ વાર્તાઓનો કોઈ લેખિત પુરાવો નથી, પરંતુ તેમ છતાં તે તેમની લોકપ્રિયતાને કારણે સાચી માનવામાં આવે છે. જાણો રાજસ્થાનનું ગૌરવ ગણાતા જયપુરને શા માટે કહેવામાં આવે છે ‘પિંક સિટી’
વસાહતી શાસન
તમને પિંક સિટી કહેવા પાછળ ઘણી થિયરીઓ જોવા મળશે, પરંતુ સૌથી વધુ લોકપ્રિય માનવામાં આવે છે તે વસાહતી શાસન છે. એવું કહેવાય છે કે વર્ષ 1876 માં, પ્રિન્સ આલ્બર્ટ ભારત આવવાના હતા અને તેમનું સ્વાગત કરવા માટે, મહારાજા સવાઈ રામ સિંહ II એ સમગ્ર શહેરને શાહી સન્માનમાં ગુલાબી ટેરાકોટા પેઇન્ટથી રંગી દીધું હતું. રાજાના આ પ્રયાસની માત્ર રાજસ્થાનમાં જ નહીં પરંતુ સમગ્ર દેશમાં ચર્ચા થઈ રહી હતી.
રાજકીય સંબંધો
એવું કહેવાય છે કે રાજાએ પોતાના રાજકીય સંબંધોને મજબૂત કરવા માટે આવું કર્યું હતું. એટલું જ નહીં, પ્રિન્સ આલ્બર્ટના સ્વાગતની ખુશીમાં રાજ્યમાં એક કોન્સર્ટ હોલ પણ બનાવવામાં આવ્યો, જેને આલ્બર્ટ હોલ કહેવામાં આવે છે. આ હોલમાં ખૂબ જ ભવ્ય સ્થાપત્ય કરવામાં આવ્યું હતું, જેની દૂર દૂર સુધી પ્રશંસા કરવામાં આવી હતી. રાજા દ્વારા લેવામાં આવેલા અનોખા પગલાના ખુબ વખાણ થયા હતા.
રાજકુમાર દ્વારા આપવામાં આવેલુ છે નામ
પ્રિન્સ આલ્બર્ટના સ્વાગત માટે રાજસ્થાનના ઘણા ભાગોમાં આતિથ્યનું આયોજન કરવામાં આવ્યું હતું. આ ભાગોમાં અલવર અને જોધપુરના નામ પણ સામેલ છે. એવું કહેવાય છે કે જ્યારે રાજકુમાર જયપુર આવ્યા ત્યારે તે શહેરનો આ નજારો જોઈને આશ્ચર્યચકિત થઈ ગયા અને તેના મોઢામાંથી શહેરનું નામ પિંક સિટી નીકળ્યું. કહેવાય છે કે ત્યારથી રાજ્ય પિંક સિટી તરીકે ઓળખાય છે.
આ પણ વાંચો :ઊંઝા APMC ફરી એકવાર વિવાદમાં, કરોડોના કૌભાંડના આક્ષેપો સાથે ભાજપ નેતાઓ આમને સામને
આ પણ વાંચો :શું વધુ એક સ્ટાર કિડ બૉલીવુડમાં પ્રવેશ માટે તૈયારી કરે છે ??