Breaking News : રઘવાયું થયું અમેરિકા, ટ્રમ્પ ખોય બેઠા હોશ..! હવે રશિયા અને ચીન પર સિકંજો કશશે, જાણો

રશિયા-યુક્રેન યુદ્ધ વચ્ચે યુએસ પ્રમુખ ડોનાલ્ડ ટ્રમ્પે શનિવારે એક નવું પગલું ભર્યું. ટ્રમ્પે કહ્યું કે તેઓ રશિયા પર કડક પ્રતિબંધો લાદવા તૈયાર છે, પરંતુ માત્ર ત્યારે જ જો બધા નાટો સાથીઓ પણ રશિયન તેલની આયાત બંધ કરવા અને સમાન પગલાં અમલમાં મૂકવા માટે પ્રતિબદ્ધ હોય.

ક્રેમલિન દ્વારા યુક્રેન સાથે શાંતિ વાટાઘાટો સ્થગિત કરવાની જાહેરાત કર્યાના એક દિવસ પછી, ટ્રમ્પે રશિયા પાસેથી ઊર્જા ખરીદવાનું ચાલુ રાખવા બદલ કેટલાક નાટો દેશોની ટીકા કરી અને તેને “આઘાતજનક” અને ગઠબંધનની વાટાઘાટો કરવાની ક્ષમતા માટે નુકસાનકારક ગણાવ્યું. ટ્રમ્પે તેમના ઓફિશિયલ સોશિયલ પ્લેટફોર્મ પર એક પોસ્ટમાં કહ્યું, “જ્યારે બધા નાટો દેશો સંમત થાય અને આમ કરવાનું શરૂ કરે, અને જ્યારે બધા નાટો દેશો રશિયા પાસેથી તેલ ખરીદવાનું બંધ કરે ત્યારે હું રશિયા પર મોટા પ્રતિબંધો લાદવા તૈયાર છું.”

અમેરિકાના રાષ્ટ્રપતિએ કહ્યું કે જેમ તમે બધા જાણો છો, વિજય માટે નાટોની પ્રતિબદ્ધતા 100 ટકાથી ઓછી રહી છે. તેમણે આશ્ચર્ય વ્યક્ત કર્યું કે કેટલાક દેશો રશિયા પાસેથી તેલ ખરીદી રહ્યા છે. આ ખૂબ જ આઘાતજનક છે. આ રશિયા સાથે વાટાઘાટો અને સોદાબાજીની શક્તિને નોંધપાત્ર રીતે નબળી પાડે છે.

NATO એ ચીન પર 50 થી 100 ટકા ટેરિફ લાદવો જોઈએ

તેમણે ભાર મૂક્યો કે જો તમે આ માટે તૈયાર છો, તો તેઓ પણ તૈયાર છે. સંકલિત પ્રતિબંધો સાથે, નાટોએ ચીન પર 50 થી 100 ટકા ટેરિફ લાદવો જોઈએ અને યુક્રેનમાં યુદ્ધ સમાપ્ત થયા પછી જ આ ટેરિફ પાછો ખેંચવો જોઈએ. આ મોસ્કો પર બેઇજિંગના પ્રભાવને નબળો પાડી શકે છે. ટ્રમ્પે ભારપૂર્વક જણાવ્યું હતું કે “જો હું રાષ્ટ્રપતિ હોત, તો આ સંઘર્ષ ક્યારેય શરૂ થયો ન હોત, આ બિડેન અને ઝેલેન્સકીનું યુદ્ધ છે.

તેમણે કહ્યું, “હું અહીં ફક્ત તેને રોકવા અને હજારો રશિયન અને યુક્રેનિયન લોકોના જીવ બચાવવા માટે છું (ગયા અઠવાડિયે જ 7,118 લોકો માર્યા ગયા હતા. આશ્ચર્યજનક!). જો નાટો મારી વાત સાંભળે, તો યુદ્ધ ઝડપથી સમાપ્ત થઈ જશે અને તે બધા જીવ બચી જશે! જો નહીં, તો તમે મારો સમય અને યુનાઇટેડ સ્ટેટ્સનો સમય, શક્તિ અને પૈસા બગાડી રહ્યા છો.” ડોનાલ્ડ ટ્રમ્પે કહ્યું – મારી ધીરજ ખૂટી રહી છે શુક્રવારે અગાઉ, ટ્રમ્પે કહ્યું હતું કે રશિયન રાષ્ટ્રપતિ વ્લાદિમીર પુતિન પ્રત્યેની તેમની ધીરજ ખૂટી રહી છે.

સ્થાનિક મીડિયા સાથે વાત કરતાં ટ્રમ્પે કહ્યું હતું કે, “આ સમય ઝડપથી પસાર થઈ રહ્યો છે.” તેમણે વધુમાં કહ્યું હતું કે, “જ્યારે પુતિન તે કરવા માંગે છે, ત્યારે ઝેલેન્સકી નથી કરતા. જ્યારે ઝેલેન્સકી તે કરવા માંગે છે, ત્યારે પુતિન નથી કરતા… આપણે ખૂબ જ, ખૂબ જ મજબૂત રીતે જવાબ આપવો પડશે.” ભારત-યુએસ ટેરિફ પર વાટાઘાટો કરવા સંમત છે

બીજી બાજુ, યુએસ ટ્રેઝરી ડિપાર્ટમેન્ટે G-7 દેશોને રશિયન તેલ ખરીદવા માટે ચીન અને ભારત પર “અર્થપૂર્ણ ટેરિફ” લાદવા હાકલ કરી છે. યુક્રેનમાં તેના યુદ્ધ અંગે રશિયા પર દબાણ કરવા માટે નવી દિલ્હી અને બેઇજિંગ પર 100% ટેરિફ લાદવાની ટ્રમ્પ દ્વારા યુરોપિયન યુનિયનને વિનંતી કર્યા પછી આ વાત સામે આવી છે.

ઉપરાંત, ટ્રમ્પે કહ્યું હતું કે ભારત દ્વારા રશિયન તેલની ખરીદી પર અઠવાડિયાની ચર્ચા પછી અમેરિકા અને ભારત વેપાર વાટાઘાટો ફરી શરૂ કરવા સંમત થયા છે.

ટ્રમ્પના ટેરિફ વચ્ચે ભારત માટે ખુશીના સમાચાર, હવે India અને Europe વચ્ચે ખુલશે નવા વેપાર માર્ગ ! જાણો વિગત